சென்னை, ஆக. 2–
‘முதலமைச்சரின் தாயுமானவர்’ திட்டத்தின் பெயரை நீக்கிய தவெக அரசுக்கு பல்வேறு தரப்பினரும் கடும் கண்டனம் தெரிவித்துள்ளனர்.
தமிழ்நாட்டில் விஜய் தலைமையிலான த.வெ.க. அரசு பொறுப்பேற்றது முதல் எந்தவித புதிய திட்டங்களையும் செயல்படுத்தவில்லை. மாறாக முந்தைய தி.மு.க. அரசு கொண்டுவந்த முத்தான பல திட்டங்களின் பெயர்களை மாற்றியும், ஸ்டிக்கர் ஒட்டியும் விளம்பரப்படுத்தி வருகிறது.
குறிப்பாக, நான் முதல்வன், மகளிர் விடியல் பயணம், காலை உணவு திட்டங்களின் பெயர்களை த.வெ.க. அரசுமாற்றியுள்ளது. இதற்குபல்வேறு தரப்பினரும் கடும் கண்டனம் தெரிவித்தனர்.
இந்நிலையில்,
முந்தைய தி.மு.க. ஆட்சியில் 70வயதுக்கு மேற்பட்ட மூத்த குடிமக்கள்மற்றும் மாற்றுத்திறனாளிகள் மட்டுமேகொண்ட குடும் பங்கள்ரேஷன் கடைகளுக்குநேரில் சென்று பொருட்களை பெற்றுச் செல்வதில் ஏற்படும் இடர்பாடுகளை, களையும் பொருட்டுஅவர்களின் வீடு களுக்கே சென்று அத்தியாவசிய பொருட்களைவிநியோகம் செய்யும் வகையில் முதலமைச்ச ரின் தாயுமானவர் திட்டம் என்ற திட்டத்தை அப்போதைய முதல்வர் மு.க.ஸ்டாலின் துவக்கி வைத்தார்.
இத்திட்டத்தின் கீழ் ஒவ்வொருமாதத்தின் முதல் வாரத்தில் ரேஷன் பொருட்கள் வீடு வீடாக எடுத்துச் செல்லப்பட்டு விநியோகம் செய்யப்பட்டுவருகிறது. இத்திட்டத்திற்கு மூத்த குடிமக்கள் மற்றும் மாற்றுத்திறனாளிகளிடம் பெரும் வரவேற்பு இருந்து வருகிறது.
இந்த நிலையில், மூத்த குடிமக்களின் வீடுகளுக்கேசென்று ரேஷன் பொருட்கள் விநியோகம் செய்யும் முதலமைச்சரின் தாயுமானவர் திட்டத்தின் பெயரையே த.வெ.க. அரசு நீக்கியுள்ளது. அதற்கு பதிலாக புதிதாக வேறு எந்த பெயரும் வைக்காத நிலையில் ஆகஸ்ட் மாதத் திற்கு பொது விநியோக திட்டத்தின் கீழ் வயது முதிர்ந்தோர் மற்றும் மாற்றுத்திறனாளிகளின் இல்லத்திற்கே சென்று அத்தியாவசிய பொருட்கள் விநியோகம் செய்யப்படும் என குறிப்பிடப் பட்டு அறிவிப்பு வெளியிடப்பட்டுள்ளது. த.வெ.க.அரசின் இந்த நடவடிக்கை முந்தைய அரசின் அரசியல் அடையாளங்களை நீக்கும் நோக்கில் இருப்பதாக மக்கள்மத்தியில் கடும் அதிருப்தியை ஏற்படுத்தியுள்ளது.