#Title

டி.ஆர்.பாலு, எம்.பி. பரிந்துரையின் பேரில்-- – நெற்குன்றம் பகுதியை சேர்ந்த எஸ்.ஏழுமலைக்கு ரூ.2 லட்சம் – பிரதமர் மருத்துவ நிதி உதவி! டி.ஆர்.பாலு எம்.பி.க்கு பிரதமர் அலுவலகம் பதில் கடிதம்!

புதுடெல்லி, ஆக.2–

திராவிட முன்னேற்றக் கழகப் பொருளாளரும், கழக நாடாளுமன்ற மக்களவைக் குழுத் தலைவருமான டி.ஆர்.பாலு அவர்கள், தனது திருப்பெரும்புதூர் நாடாளுமன்றத் தொகுதிக்கு உட்பட்ட பொதுமக்கள் பலரின் பல்வேறு மருத்துவ சிகிச்சைகளுக்காக, சில சிறப்பு சூழ்நிலைகளில் ஏழை மக்களுக்கு இதய அறுவை சிகிச்சை, புற்றுநோய் சிகிச்சை போன்ற பல்வேறு சிகிச்சைகளுக்கு, பிரதமர் தேசிய நிவாரண நிதியிலிருந்து வழங்கப்படும் பகுதி நிதியுதவியில் இருந்து எஸ்.ஏழுமலை என்பவருக்கு “இரண்டு லட்சம் ரூபாய்” பெற்றுத் தந்துள்ளார். அதன் விபரம் பின்வருமாறு,

எண்.8, வி.ஓ.சி. தெரு, ஜானகிராமன் காலனி, நெற்குன்றம்- 600107 திருவள்ளு வர் மாவட்டத்தை சேர்ந்த,எஸ்.ஏழுமலை அவர்களுக்குபுற்றுநோய் சிகிச்சைகளுக் காக, பிரதமர் தேசிய நிவாரண நிதியிலிருந்து உதவிடுமாறு பிரதமர் நரேந்திர மோடி அவர்களுக்குக் கடிதம் எழுதியிருந்தார்.

டி.ஆர்.பாலு அவர்களின் பரிந்துரையினையும் வேண்டுகோளினையும் ஏற்ற பிரதமர் அவர்கள், பிரதமர் தேசிய நிவாரண நிதியிலி ருந்து புற்றுநோய் சிகிச்சைக்காக எஸ்.ஏழுமலைக்கு இரண்டு லட்சம்ரூபாய் வழங்கப்படுவதாகத் தெரிவித்துள்ளார்.

இது விஷயம் தொடர்பாக டி.ஆர்.பாலு எம்.பி. அவர்களுக்கு பிரதமர் அலுவலகம் எழுதிய கடிதத்தில் தெரிவிக்கப்பட்டுள்ள விவரம் பின் வருமாறு:–

பிரதமரின் தேசிய நிவாரண நிதியிலிருந்து, மருத்துவ சிகிச்சைகளுக்காக வழங்கப்படும் உதவித் தொகையானது மேற்கண்ட பயனாளர்கள் சிகிச்சை பெறும் - பிரதமர் தேசிய நிவாரண நிதியின்கீழ் பட்டியிலிடப்பட்ட மருத்துவமனையான கிறிஸ்டியன் மெடிக்கல் காலேஜ் வேலூர் மருத்துவமனைக்கு வழங்கப்படும் என்றும், சிகிச்சை முடிவடைந்த பின்னர், உரிய ஆவணங்களின் நகலைப் பிரதமர் அலுவலகத்திற்கு அனுப்பி வைக்க வேண்டும் என்றும், ஆவணங்கள் கிடைத்த பின்னர், உதவித் தொகையானது உடனடியாக மேற்கண்ட மருத்துவமனைகளுக்கு அனுப்பி வைக்கப்படும் என்றும், பிரதமர் அலுவலகக் கடிதத்தில் தெரிவிக்கப்பட்டுள்ளது.