சென்னை, ஆக. 2 –

தமிழ்­நாட்­டில் கூடு­தல் மின்­கட்­ட­ணத்தை பார்த்து மக்­க­ளின் அதிர்ச்­சி­யை­யும், வேத­னை­யை­யும் சுட்­டிக்­காட்டி ‘தினத்­தந்தி’ நாளி­தழ்செய்தி வெளி­யிட்­டுள்­ளது.

‘தினத்­தந்தி’ நாளி­தழ் வெளி­யிட்­டுள்ள சிறப்­புச் செய்­தி­யில், தமிழ்­நாட்­டில் 3 லட்­சத்­திற்­கும் மேற்­பட்ட வீடு­க­ளில் மின் கட்­ட­ணம் பல மடங்கு அதி­க­ரித்து பதி­வாகி உள்­ளதை குறிப்­பிட்­ டுள்­ளது.

சென்­னை­யி­லும்பல்­வேறு பகு­தி­க­ளி­லும் மின்­கட்­ட­ணம் அதி­க­மாக வந்­துள்­ள­தாக பொது­மக்­கள் புகார் தெரி­வித்து வரு­வதை காண முடி­வ­தாக ‘தினத்­தந்தி’ குறிப்­பிட்­டுள்­ளது.

வழக்­க­மாக இரண்­டா­யி­ரத்து 500 முதல் நான்­கா­யி­ரம் ரூபாய் வரை மின்­கட்­ட­ணம் வரும் நிலை­யில், இந்த முறை 16 ஆயி­ரம் ரூபாய் கட்­ட­ணம் செலுத்த வேண்­டும் என மின்­வா­ரி­யம் குறிப்­பிட்­டுள்­ள­தாக நீலாங்­க­ரையைசேர்ந்த தனி­யார் நிறு­வன ஊழி­யர் வேதனை தெரி­வித்­துள்­ளதை சுட்­டிக்­காட்­டி ­யுள்­ளது. தேனாம்­பேட்­டையைச் சேர்ந்­த­வ­ரின் வீட்­டில் முதல்­மு­றை­யாக ஆயி­ரத்து 800 ரூபாய் மின்­கட்­ட­ணம் வந்­துள்­ளது. இதற்கு முன்­பு­வரை 700 ரூபாய்க்­கும் கீழ்­தான் கட்­ட­ணம் வரும் என்றுஇப்­போது இரு மடங்கு கட்­ட­ணம் செலுத்த வேண்­டிய நிலை உள்­ள­தாக வேத­னையை பகிர்ந்­துள்­ள­னர்.

மாமல்­ல­பு­ரத்­தில் பல­ரது வீடு­க­ளில் வழக்­க­மாக வரும் மின்­கட்­ட­ணம் இரு மடங்­காக பதிவு செய்­யப்­பட்­டுள்­ளது. இது­கு­றித்து மின்­வா­ரிய அதி­கா­ரி­கள் எந்த விளக்­க­மும் அளிக்க மறுப்­ப­தாக மக்­கள் ஆதங்­கத்தை வெளிப்­ப­டுத்­தி­யுள்­ள­னர்.

200 யூனிட் மின்­சா­ரம் இல­வ­ச­மாக தெரிந்­தா­லும், மறை­மு­க­மாக மின்­கட்­ட ­ணத்தை அதி­க­மாக காட்டி கூடு­தல் சுமை­யை­தான் த.வெ.க. அரசு ஏற்­ப­டுத்­தி­யி­ருப்­ப­தாக மக்­கள் பர­வ­லாக குற்­றம் சாட்­டு­வதை காண முடி­வ­தாக செய்­தி­யில் தெரி­விக்க­ப்­பட்­டுள்­ளது.