நீலகிரி மாவட்டம், உதகை வடக்கு (கிழக்கு) ஒன்றிய தி.மு.க. - சோலூர் பேரூர் கழக தி.மு.க. செயல்வீரர்கள் கூட்டம் கக்குசியில் மாவட்ட கழக பொறுப்பாளர் - குன்னூர் சட்டமன்ற உறுப்பினர் கே.எம்.ராஜூ தலைமையில் நடைபெற்றது. உதகை வடக்கு (கிழக்கு) ஒன்றிய செயலாளர் காமராஜ் வரவேற்று பேசினார், மாவட்ட அவைத் தலைவர் போஜன், சோலூர் பேரூர் செயலாளர் பிரகாஷ்குமார், தலைமை பொதுக்குழு உறுப்பினர்கள் மகேஷ், மோகன்குமார் ஆகியோர் முன்னிலை வகித்தனர். கூட்டத்தில், மாவட்டப் பிரதிநிதிகள் பசவன், போஜன், அணிகளின் துணை அமைப்பாளர்கள் டி.கே. மூர்த்தி, செல்வன், ஜோகி, காளி, நஞ்சன், போக்குவரத்துக் கழக தொ.மு.ச., மண்டல பொதுசெயலாளர் ஆனந்தன் உட்பட அணிகளின் நிர்வாகிகள், கிளை கழக நிர்வாகிகள், கழக செயல்வீரர்கள் திரளாக கலந்து கொண்டனர். ஒன்றிய இளைஞர் அணி அமைப்பாளர் விவேக் நன்றி கூறினார்.