புதுடெல்லி,ஆக.2–
திராவிட முன்னேற்றக் கழக மேலவை உறுப்பினர் எஸ். ஆர். சிவலிங்கம், 28 ஜூலை 2026 அன்று, மாநிலங்களவையில்தொடர்ந்து நீடித்து வரும் மேற்குறிப்பிட்ட போரினால் இந்திய பொருளாதாரத்தில் ஏற்படும் தாக்கங்களை சமாளிக்க ஒன்றியஅரசு ஏதேனும் நடவடிக்கைகளை எடுத்துள்ளதா? என்றும் இறக்குமதி செலவு அதிகரித்துள்ளதை தடுக்க இயலுமா? என்றும் வர்த்தகத் துறை பாதிப்படைந்துள்ளதை அரசின் கவனத்தில் உள்ளதா? என்றும் ஒன்றிய அரசின் நிதித்துறை இணையமைச்சர் பங்கஜ் செளத்ரி அவர்களிடம் விரிவான கேள்வியை எழுப்பினார்.
ஒன்றிய அரசின் நிதித்துறை இணையமைச்சர் அளித்த பதில் பின்வருமாறு:-
இந்தியப் பொருளாதாரச் சந்தை, உலக பொருளாதாரச்சந்தையுடன் இணைந்து செயல்பட்டு வருவதால் இந்திய ரூபாயின் மதிப்பு 8 சதவீதம் அளவிற்கு வீழ்ச்சி அடைந்துள்ளது என்றும் ஆனால் மொத்தப்பொருளாதார உற்பத்தி பெருக்கம் கடந்த 3 ஆண்டுகளில் 7 சதவீத அளவிற்கு வளர்ச்சி அடைந்துள்ளது என்றும் தொழிற்துறைஉற்பத்தி 5 சதவீத அளவிற்கு உயர்ந்துள்ளது என்றும் சிறுகுறு தொழில்களுக்கான கடன் வசதிகள் அதிகரித்துள்ளன என்றும் தடையில்லா வர்த்தக ஒப்பந்தங்கள் அதிகரித்துள்ளன என்றும் மாநிலங்களவையில் இணை யமைச்சர் தெரிவித்தார்.
மேலும் அந்நிய செலாவணியை அதிகரிக்க தேவையான அனைத்து முயற்சி களையும் இந்திய ரிசர்வ் வங்கி எடுத்துள்ளது என்றும் வெளிநாடு வாழ் இந்தியர்களுக்கு தேவையான அனைத்து உதவிகளும் அளிக்கப்பட்டு வருவதாகவும், இந்தோ னேஷியா, மாலத் தீவுகள் மற்றும் மொரிஷியஸ் நாடுகளுடன் பல்வேறு வர்த்தக ஒப்பந்தங்கள் ஏற்படுத்தப்பட்டுள்ளன என்றும்,
மேற்காசியப் போரினால் ஏற்பட்ட வர்த்தக இழப்புகளை ஈடுகட்ட இரண்டு இலட்சம் கோடிகளுக்கும் அதிகமான அளவில் கடன் உறுதி திட்டங்கள் ஏற்படுத்தப்பட்டுள் ளன என்றும் இந்திய பொருளாதாரம் பெருமளவில் பாதிக்கப்படவில்லை என்றும் ஒன்றிய அரசின் நிதித்துறை இணையமைச்சர் பங்கஜ் செளத்ரி அவர்கள், மாநிலங்களவையில் தி.மு.க. மேலவை உறுப்பினர் எஸ். ஆர். சிவலிங்கம் கேள்விக்கு விரிவான பதிலை அளித்துள்ளார்