சிவகங்கை .ஆக.3–
சிவகங்கை நகரில் வடக்கு ராஜவீதி உள்ளது. இந்த வடக்கு ராஜ வீதியில் திருப்பத்தூர் ,மதுரை ,மானாமதுரை, ராமேஸ்வரம் மற்றும் வெளியூர் பேருந்துகள் நகர பேருந்துகள் இந்த வழியாகத்தான் பஸ் நிலையத்தை சென்றடைகின்றது.இதன்காரணமாக வடக்கு ராஜவீதி யில் மக்கள் கூட்டம் அதிகமாக காணப்படும். இந்த வடக்கு ராஜ வீதியில் கூட்டுறவு துறைக்கு சொந்தமான இடத்தில் பாருடன் கூடிய டாஸ்மாக்கடை உள்ளது.
இந்த டாஸ்மாக் கடை அருகில் 100 மீட்டரில் வழிவிடும் சிவமுருகன் கோயிலும், அருள்மிகு கௌரி விநாயகர் ஆலயமும் உள்ளது. இது தவிர தனியார் மருத்துவமனைகள் உள்ளது .இந்த இடத்தில் நவீன டாஸ்மாக் மதுபான கடையில் வாங்கு பவர்கள் அங்கேயே மது அருந்துகின்றனர். அந்த இடத்திலேயே சிலர் மயங்கி விழுந்து விடுகி றார்கள். இதனால் பொதுமக்கள் அவ்வழியே செல்வதற்கு மிகவும் பயப்படு கிறார்கள் மேலும் பேருந்து அவ்வழியே வருவதால் மது போதையில் தள்ளாடிச் சென்று பேருந்துகள் முன் விழுகிறார்கள்.
இதனால் வாகன விபத்துகள் அடிக்கடி ஏற்படுகிறது. பல்வேறு வகையில் பொதுமக்களுக்கு இடையூறாக உள்ள டாஸ்மாக்கடையை அகற்றுமாறு அப்பகுதி மக்கள் மற்றும் வர்த்தகர்கள் பலமுறை அரசிற்கு கோரிக்கைமனு அனுப்பியுள்ளார்கள் .ஆனால் இதுவரை எவ்வித நடவடிக்கையும் இல்லை .முதல்வராக விஜய் பொறுப்பு ஏற்றதும் கோயில்கள் மருத்துவமனை அருகே மதுபான கடைகள் இருக்கக் கூடாது என்று உத்தரவிட்டார். ஆனால் அந்த உத்தரவு சிவகங்கை வடக்கு ராஜ வீதியில் உள்ள டாஸ்மாக் கடை மாற்றம் செய்யப்படவில்லை . எனவே முதல்வர் உத்திர வினை அதிகாரிகள் உடனடியாக நிறைவேற்றிடும் வகையில் சிவகங்கை வடக்கு ராஜ வீதியில் உள்ள டாஸ்மாக் கடையை மாற்ற வேண்டும் என்று மாவட்ட ஆட்சியருக்கு கோரிக்கை விடுத்துள்
ளார்கள்.