சென்னை, ஆக.3–
இந்தியக் குடியரசுக் கட்சித் தலைவர் செ.கு.தமிழரசன் வெளியிட்டுள்ள அறிக்கை வருமாறு :–
காவிரி உரிமையை நிலைநாட்டும் திராவிட முன்னேற்றக் கழகத்தின் போராட்டத்திற்கு இந்திய குடியரசுக் கட்சி முழு ஆதரவு அளிக்கிறது.
காவிரி நதிநீர் என்பது தமிழ்நாட்டின் உரிமையும், டெல்டா விவசாயிகளின் வாழ்வாதாரமும் ஆகும். இந்த உரிமையை பாதுகாக்கவும், விவசாயிகளின் நலனை வலியுறுத்தவும் தஞ்சாவூரில் நடைபெறவுள்ள கண்டன ஆர்ப்பாட்டத்திற்கு இந்திய குடியரசுக் கட்சி தனது முழுமையான ஆதரவைத் தெரிவித்துக் கொள்கிறது.
திராவிட முன்னேற்றக் கழகத்தின் களப்போர் வீரரான உதயநிதி ஸ்டாலின் அவர்கள் ஈடுபட்டிருக்கின்ற இந்த விவசாயிகளின் உணர்ச்சிப் போராட்டத்திற்கு வலிமை ஏற்றுவதற்காக இந்திய குடியரசு கட்சியின் தொண்டர்கள் திரளாகக் கலந்து கொள்வர்.
காவிரி நீர் பிரச்சினைக்கு சட்டரீதியாகவும், நிர்வாக ரீதியாகவும் நிலையான தீர்வு காண மத்திய அரசும், சம்பந்தப்பட்ட அனைத்து தரப்பினரும் உடனடி நடவடிக்கை எடுக்க வேண்டும். டெல்டா மாவட்ட விவசாயிகளின் நலனை பாதுகாப்பது அரசுகளின் முதன்மைக் கடமையாகும்.
அரசியல் வேறுபாடுகளுக்கு அப்பாற்பட்டு, தமிழ்நாட்டின் நீர் உரிமை மற்றும் விவசாயிகளின் வாழ்வாதாரத்தை பாதுகாக்கும் எந்த முயற்சிக்கும் இந்திய குடியரசு கட்சி உறுதுணையாக இருக்கும்.
இவ்வாறு செ.கு.தமிழரசன் அறிக்கை விடுத்துள் ளார்.