திருவாரூர், ஆக- 3–
தமிழ்நாட்டின் விவசாயத்தை கேள்விக்குறியாக்கி, லட்சோப லட்ச மக்களை கண்ணீரில் தள்ளும் தவெக எனும் ஆளுமையற்ற அரசைக் கண்டித்து கழகத் தலைவர் மு.க.ஸ்டாலின் அவர்களின் வழிகாட்டுதலின்படி தஞ்சையில் இன்று (03.08.2026) எதிர்க்கட்சித்தலைவர் உதயநிதி ஸ்டாலின் அவர்களின்தலைமையில் நடைபெறும்ஆர்ப்பாட்டத்திற்கு போக்குவரத்து தொ.மு.ச.வினர் பெருமளவில் பங்கேற்கவேண்டும் என பொதுச்செயலாளர் சு.பாண்டியன் வெளியிட்டுள்ள அறிக்கை வருமாறு.
“மாடுகட்டி போரடித்தால் மாளாது என்று சொல்லி யானை கட்டி போராடித்த, நஞ்சையும் புஞ்சையும் கொஞ்சி விளையாடிய சோருடைத்த சோழ வளநாடு , நம் நாட்டு நெற்களஞ்சியம், நாம் வாழும் சோழ வளநாடு. வலம் கொழித்து எழில் கொஞ்ச நீர் தந்தாள் காவிரித்தாய்.
ஆளுமையற்றவர்களின் ஆட்சியில் ஆடிப்பதினெட்டுக்கு கூட நீரின்றிப்போன அவலம். விவசாயிகளின் கண்களில் நீர்வழியும் துயரம். கழக ஆட்சியில் ஜூன்-12 மேட்டூர் அணை திறக்கப்பட்டு, நெல் வளமும் மக்களவளமும் நிறைந்திருந்தது.
தஞ்சை உள்ளிட்ட டெல்டா பகுதி விவசாயி கள் வேதனை துடைக்க காவிரிப்பிரச்சனைக்கு தீர்வு காணும் முயற்சியின் முதல்படியாக , கழகத் தலைவர் திராவிட நாயகர் முத்துவேல் கருணாநிதி ஸ்டாலின் அவர்கள் ஆர்ப்பாட்டம் அறிவித்து இருக்கிறார்கள்.
சட்டமன்ற சண்டமருதம் இளம்தலைவர் சட்டமன்ற எதிர்க்கட்சித்தலைவர் உதயநிதி ஸ்டாலின் அவர்களின் தலைமையில் தஞ்சை பனகல் கட்டிடம் எதிரில் இன்று (03.08.2026 திங்கள்) காலை 10.00 மணிக்கு காவிரியில் தண்ணீர் பெற்றுத்தர வாக்கில்லாத தவெக அரசை கண்டித்து நடைபெறும் கண்டன ஆர்ப்பட்டத்தில் போக்குவரத்து தொ.மு.ச. தோழர்கள் பெருமளவில் பங்கேற்கவேண்டும்.
விவசாயம் செழித்து விவசாயிகள் வறட்சியின்றி வறுமையின்றி வாழும் காலம்தான், போக்குவாரத்து கழகத்தின்பொருளாதாரத்தையும் உயர்த்தும் என்பதை உணர்ந்து பங்கேற்று , 03.08.2026. இன்று பணி பாதிப்பின்றி வார ஓய்வு DRல் உள்ளவர்கள் அவசியம் பங்கேற்று ஆர்ப்பாட்டம் வெற்றிபெற அணிதிரள அன்புடன் கேட்டுக்கொள்கிறேன்.
இவ்வாறு போக்குவரத்து தொ.மு.ச. பொதுச்செயலாளர் சு.பாண்டியன் தமது அறிக்கையில் குறிப்பிட்டுள்ளார்.