ஈரோடு, ஆக. 3–
ஈரோட்டில் புத்தக கண்காட்சி திறப்பு விழாவில் பரபரப்பு விருதுநகர் மாவட்ட தலித் இளைஞர் பிரகாஷ் தீண்டாமை தடுப்பு சுவரை அகற்றக்கோரி பள்ளிக்கல்வித்துறை அமைச்சர் ராஜ்மோகனிடம் தொடர்ந்து பத்தாவது முறையாக மனு வழங்கினார்.
ஈரோட்டில் புத்தக கண்காட்சி துவக்க நிகழ்ச்சி நடைபெற்றது அமைச்சர்கள் ராஜ்மோகன், விஜய் பாலாஜி ஆகியோர் கலந்து கொண்டு துவக்கி வைத்தனர்.
விழா மேடையில் அமைச்சர் ராஜ்மோகனிடம் விருதுநகரில் பட்டியலின குழந்தைகள் கல்வி கற்க தடையாக உள்ள
தீண்டாமை தடுப்பு சுவற்றை அகற்ற வேண்டி பிரகாஷ் என்கிற தலித் இளைஞர் அமைச்சரிடம் மனு வழங்கினார்.
மனுவை பெற்றுக்கொண்ட அமைச்சர் ராஜ்மோகன், இதுகுறித்து ஆவண செய்யவுள்ளோம் என கூறிவிட்டு தன்னை பற்றி “திட்டி வீடியோ” வெளியிட்டுள்ளதாக அந்த இளைஞரைமேடையிலேயே ஆவேசமாக திட்டினார். பின்னர் ஆட்சியரிடம் கொடுத்து நடவடிக்கை எடுக்கிறேன் என்று கூறினார்.
பிரகாஷ் அளித்த கோரிக்கை மனுவினை விருதுநகர் மாவட்ட ஆட்சியரிடம் கொடுப்பதற்கு பதிலாக விழா நடைபெற்ற இடத்தில் இருந்த ஈரோடு மாவட்ட ஆட்சித் தலைவர் ச.கந்தசாமியிடம் அமைச்சர் கொடுத்துவிட்டு மாவட்ட ஆட்சியர் நட
வடிக்கை எடுப்பார் என சமாளித்தார். ஆனால் பிரகாஷ் சார் இது விருதுநகர் மாவட்ட பிரச்சினை அந்த மாவட்ட ஆட்சியரிடம் வழங்க வேண்டும் என கூறியதால் அசடு வழிந்த அமைச்சர்தனது நேர்முக உதவியாளரை அழைத்து மனுவை வழங்கினார்.
காவலர்கள் பிரகாஷை அங்கிருந்து வெளியேறினர்.
பிரகாஷ் ஏற்கனவே பலமுறை மனு வழங்கியும் நடவடிக்கை எடுக்கவில்லை என்பதால் தற்போது
மீண்டும் வழங்கியிருப்பதாக தெரிவித்துள்ளார். கல்வி அமைச்சர் செல்லும் இடம் எல்லாம் சென்று இந்த மனுவை வழங்கி வருகிறார் ஈரோட்டில் பத்தாவது முறையாக மனு வழங்கியுள்ளார் என்பது குறிப்பிடத்தக்கது.
பட்டியலின குழந்தை களின்கல்வி பாதிக்க கூடாது என்பதற்காக தீண்டாமை சுவரை அகற்ற அலைக்கழிக்கும் அமைச்சரின் செயலை பார்த்து விழாவிற்கு வந்திருந்தவர்கள் வேதனையடைந்த
னர்.