சிவகங்கை, ஆக. 3 –

மாவட்ட தலைநகர் சிவகங்கை யில் மாவட்ட கூடுதல் நீதிமன்றம் பல ஆண்டுகளாக செயல்பட்டு வருகிறது தற்பொழுது காரைக்குடியில் சட்டக் கல்லூரி செயல்பட்டு வருகிறது. எனவே அங்கு படிக்கும் வழக்கறிஞர் களுக்கு உதவியாக காரைக்குடிக்கு மாவட்ட கூடுதல் நீதிமன்றத்தை மாற்றுவதற்கான முயற்சிகள் நடைபெற்று வருகிறது. தலைநகர் சிவகங்கையில் இருந்து மாவட்ட கூடுதல் செசன்ஸ் நீதிமன்றம் மாற்ற எதிர்ப்பு தெரிவித்து சிவகங்கை மாவட்ட நீதிமன்ற வளாகம் முன்பாக வழக்கறிஞர் சங்கத்தினர் ஆர்ப்பாட் டத்தினை நடத்தினார்கள்.

வழக்கறிஞர் சங்க தலைவர் ஜானகிராமன் தலைமையில் செய லாளர் சித்திரை சாமி முன்னிலையில் நடைபெற்ற ஆர்ப்பாட்டத்தில் ஏராள மான வழக்கறிஞர்கள் கலந்து கொண்டார்கள்.சிவகங்கையில் செயல்பட்டுவரும் இந்த நீதிமன்றம் மாற்றப்படுவதால் சிவகங்கை, காளையார்கோவில், மானாமதுரை, இளையான்குடி, திருப்புவனம், திருப்பத்தூர், மதகு பட்டி, சிங்கம்பு ணரி கல்லல் ஆகிய பகுதிவகளைச் சேர்ந்த வழக்கு நடத்துபவர்கள் மிகவும் பாதிக்கப்படுபவர்கள்.இந்த நீதிமன்றம் மாற்றப்பட்டால் இவர்கள் அனைவரும் வெகு தொலைவில் உள்ள காரைக்குடிக்கு செல்ல வேண்டும். இதனால் அலைச்சலும் பணமும் அதிகம் செலவாகும்.

எனவே காரைக்குடி சட்டக்கல்லூ ரிக்கு தனியாக ஒரு நீதிமன்றம் அமைக்குமாறு அரசிற்கு கோரிக்கை விடுத்துள்ளார்கள்.

வழக்கறிஞர்கள் ஆர்ப்பாட்டத் தினை முன்னிட்டு சிவகங்கை நீதிமன்றத்தில் நடை பெற்ற வழக்குகள் அனைத்தும் ஒத்தி வைக்கப்பட்டது.