புதுடெல்லி, ஆக. 3 –
ஒன்றிய அரசின் கட்டாய எத்தனால் கலந்த பெட்ரோல் கொள்கையால் வாகனங்களின் மைலேஜ் குறைவதாகவும், என்ஜின்கள் பாதிக்கப்படுவதாகவும் குற்றச்
சாட்டுக்கள் எழுந்துள்ளன.
இதனை எதிர்த்து “டீம் பாரத்” அமைப்பு சார்பில் ஜூலை 31 அன்று டெல்லியில் வாகனப் பேரணி நடத்தத் திட்டமிடப்பட்டிருந்தது. டெல்லி இந்தியா கேட் முதல் நாடாளுமன்ற வீதி வரை நடத்தவிருந்த வாகனப் பேரணிக்கு டெல்லி போலீசார் அனுமதி மறுத்தனர். பேரணியைத் தொடர்ந்தால் வாகனங்கள் பறிமுதல் செய்யப்படும் என்றும், பங்கேற்பாளர்கள் கைது செய்யப்படுவார்கள் என்றும் போலீசார் எச்சரித்தனர்.
போராட்டம் தொடங்குவதற்கு முன்பே ஜூலை 30-ம் டெக்சீன் பூனாவாலா போலீசாரால் கைது செய்யப்பட்டார். மேலும், அவருடைய இன்ஸ்டாகிராம் பக்கமும் முடக்கப்பட்டது. அரசின் இந்த நடவடிக்கையைத் தொடர்ந்து வாகனப் பேரணி தற்காலிகமாக ஒத்திவைக்கப்பட்டது. இந்நிலையில், டெக்சீன் பூனாவாலா வீட்டு காவலில் வைக்கப்பட்டுள்ளதாக தகவல் வெளியாகி உள்ளது.