புதுடெல்லி, ஆக. 3 –
தமிழ்நாட்டில் கடலோர பயணிகள் படகுப் போக்குவரத்து குறித்து ஆய்வு மேற்கொள்ளப்பட்டுள்ளதா? ஆம் எனில் விவரம் என்ன? என்று மக்களவையில் சி.என்.அண்ணா துரை கேள்வி எழுப்பினார்.
கடந்த மூன்று ஆண்டுகளில் தமிழ்நாட்டில் கடலோர பயணிகள் போக்குவரத்து, படகு சேவைகள் மற்றும் உள்நாட்டு நீர்வழிப் போக்குவரத்தை விரிவுபடுத்துவதற்கான சாத்தியக்கூறுகள் குறித்து மத்திய அரசு ஏதேனும் ஆய்வு மேற்கொண்டுள்ளதா?
அவ்வாறு ஆய்வு மேற்கொண்டிருந்தால், அதன் விவரங்கள், இடங்களை அடையாளம் காண மேற் கொள்ளப்பட்ட ஆய்வு கள் மற்றும் மாநிலத்தில் கடலோர மற்றும்உள்நாட்டு நீர்வழி இணைப்பைமேம்படுத்த வழங்கப்பட்ட பரிந்துரைகள் என்ன?
மாநிலத்தில் புதிய கடலோர பயணிகள் படகு வழித்தடங்கள், நவீன படகு முனையங்கள் மற்றும் பல்வகை போக்குவரத்து (Multimodal) உள்கட்டமைப்புகளை உருவாக்க அரசு திட்டமிட்டுள்ளதா? அவ்வாறு இருந்தால், மாவட்ட வாரியான விவரங்கள் என்ன?
இத்திட்டங்கள் மூலம் தமிழ்நாட்டில் பாதுகாப்பான, மலிவு விலை மற்றும் சுற்றுச்சூழலுக்கு உகந்த நீர்வழிப் போக்குவரத்து, சுற்றுலா மற்றும் வேலைவாய்ப்புகளை ஊக்குவிக்க அரசு நடவடிக்கை எடுத்துள்ளதா? அவ்வாறு இருந்தால் அதன் விவரங்கள் என்ன? என மக்களவையில் சி.என்.அண்ணாதுரை கேள்வி எழுப்பினார்.
இதற்கு துறைமுகங்கள், கப்பல் போக்குவரத்து மற்றும் நீர்வழிகள் அமைச்சர் சர்பானந்த சோனோவால் அளித்த பதில் வருமாறு:
இந்திய அரசால் இதுபோன்ற எந்த ஆய்வும் மேற்கொள்ளப்படவில்லை.
துறைமுகங்கள், கப்பல் போக்குவரத்து மற்றும் நீர்வழிகள் அமைச்சகத்தின் சாகர்மாலா (Sagarmala) திட்டத்தின் கீழ், தமிழ்நாட்டில் ரூ. 42 கோடி மதிப்பில் பின்வரும் 4 திட்டங்கள் செயல்படுத்தப்பட்டுள்ளன:
நாகப்பட்டினம் துறைமுகத்தின் உள்கட்டமைப்பை மேம்படுத்துதல், நாகப்பட்டினம் (இந்தியா) – காங்கேசன்துறை (இலங்கை) பயணிகள் படகு சேவைக்காக.
அக்னி தீர்த்தம் பகுதியில் சுற்றுலாப் படகுகள் நிறுத்தும் (Berthing) வசதிகளை உருவாக்குதல்.
மண்டபம் – பாம்பன் அணுகுமுகப் பகுதியில் சுற்றுலாப் படகுகளுக்கான கூடுதல் நிறுத்தும் வசதிகளை அமைத்தல்.
கன்னியாகுமரியில் பயணிகள் ஜெட்டி (Passenger Jetty) அமைத்தல்.
தமிழ்நாட்டில் உள்ள 5 தேசிய நீர்வழிகளில் சரக்கு போக்குவரத்து மற்றும் நதிசார் சுற்றுலாமேம்பாட்டிற்காகத் திட்ட மிடப்பட்டுள்ளன என அமைச்சர் பதிலளித்தார்.