புதுடெல்ல, ஆக. 4–
திராவிட முன்னேற்றக் கழக, அரக்கோணம் நாடாளுமன்ற உறுப்பினர், டாக்டர் எஸ். ஜெகத்ரட்சகன் அவர்கள், நேற்று மக்களவையில், வெப்பமண்டல இயற்கைக் காடுகள் அழிக்கப்பட்ட பின்னர் மரங்களின் வளர்ச்சி மீண்டும் ஏற்பட்டாலும், பல்லுயிர் வளம், சுற்றுச்சூழல் செயல்பாடுகள் மற்றும் வனவிலங்கு வாழ்விடங்கள் முழுமையாக மீளுருவாக நீண்ட காலம் தேவைப்படுவதாகக் கூறும் அறிவியல் ஆய்வுகளின் பின்னணியில், தற்போதுள்ள இயற்கைக் காடுகளைப் பாதுகாத்தல், சீரழிந்த வனப் பகுதிகளை மீளுருவாக்குதல், உள்நாட்டு தாவரங்கள் மற்றும் விலங்கினங்களைப் பாதுகாத்தல், வனச் சுற்றுச்சூழல் அமைப்புகளின் ஆரோக்கியத்தை கண்காணித்தல் மற்றும் மரக்கன்றுகள் நடும் திட்டங்களில் உயிரினப் பன்முகத்தன்மை மற்றும் சுற்றுச்சூழல் சமநிலைக்கு முன்னுரிமைவழங்க ஒன்றிய அரசு மேற்கொண்டுள்ள நடவடிக்கைகள் குறித்து கேள்வி எழுப்பினார்.
இதற்கு ஒன்றிய அரசின் சுற்றுச்சூழல், வனம் மற்றும் காலநிலை மாற்றத் துறை இணை அமைச்சர்கீர்த்தி வர்தன் சிங் அவர்கள்அளித்த பதில் வருமாறு:-–
மரங்கள் இயற்கையாக மீண்டும் வளர்வதன் மூலமோ அல்லது மரக்கன்றுகள் நடுவதன் மூலமோ மரக்கவசம் மீள உருவாக முடிந்தாலும், பல்லுயிர் வளம், சுற்றுச்சூழல் செயல்பாடுகள் மற்றும் வனவிலங்கு வாழ்விடங்கள் முழுமையாக மீளுருவாகுவது அந்தந்தப் பகுதியின் சுற்றுச்சூழல் தன்மைகள் மற்றும் பொருத்தமான மேலாண்மை நடவடிக்கைகளைப் பொறுத்து படிப்படியாக நடைபெறும் நீண்டகால செயல்முறையாகும் என்று அமைச்சர் தெரிவித்தார்.
இயற்கைக் காடுகளைப் பாதுகாத்தல் மற்றும் சீரழிந்த வனப் பகுதிகளை மீளுருவாக்கும் பணிகள், உதவியுடன் இயற்கை மீளுருவாக்கம், செயற்கை மீளுருவாக்கம், வன் (பாதுகாப்பு மற்றும் மேம்பாடு) சட்டம், 1980 மற்றும் இழப்பீட்டு வன வளர்ப்பு நிதிச் சட்டம், 2016 ஆகியவற்றின் கீழ் மேற்கொள்ளப்படும் இழப்பீட்டு வன வளர்ப்பு நடவடிக்கைகள் வாயிலாக செயல்படுத்தப்பட்டு வருவதாக அமைச்சர் தெரிவித்தார். மேலும், பசுமை இந்தியா இயக்கம், நகர் வன் யோஜனா, கடற்கரை வாழ்விடங்களுக்கான சதுப்புநிலக் காடுகள் மேம்பாட்டு மற்றும் உறுதியான வருவாய் திட்டம் உள்ளிட்ட பல்வேறு வன வளர்ப்பு மற்றும் மீளுருவாக்கத் திட்டங்களின் வாயிலாகவும் இப்பணிகள் மேற்கொள்ளப்பட்டு வருவதாக கூறினார்.
பல்லுயிர் வளம்
பாதுகாப்பு!
இந்தத் திட்டங்கள் அனைத்தும் தொடர்புடைய சட்டங்கள் மற்றும் திட்ட வழிகாட்டுதல்களின் நோக்கங்களுக்கு ஏற்ப செயல்படுத்தப்படுவதுடன், சீரழிந்த வனப் பகுதிகளை மீளுருவாக்குதல், அந்தந்தப் பகுதிகளுக்கு ஏற்ற உள்நாட்டு மரவகைகளை நடுதல் மற்றும் பல்லுயிர்வளத்தைப் பாதுகாத்தல் ஆகியவற்றுக்கு முன்னு ரிமை வழங்கப்படுவதாக அமைச்சர் தெரிவித்தார்.
தேசிய பணித் திட்டக் குறியீடு–2023-இல், நிலையான வன மேலாண்மைக்கான விரிவான வழிகாட்டுதல்கள் வகுக்கப்பட்டுள்ள தாக அமைச்சர் தெரிவித்தார். அவற்றில் பல்லுயிர் வளப் பாதுகாப்பு, சீரழிந்த வனங்களைமீளுரு வாக்குதல், வனவிலங்கு வாழ்விடங்களை மேம்படுத்துதல், மண் மற்றும் நீர் பாதுகாப்பு மற்றும் ஒவ்வொரு வனப் பகுதியின் தன்மைக்கு ஏற்ப பொருத்தமான வனமேலாண்மை முறைகளைப் பின்பற்றுதல் ஆகியவற்றுக்கு முக்கியத்து வம் வழங்கப்பட்டுள்ளதாகவும் கூறினார்.
வன விலங்குகளுக்கு
பாதுகாப்பு!
மேலும், நாட்டின் வனப்பரப்பு மற்றும் மரக்கவசம் தொடர்பான தகவல்கள் இந்திய வன ஆய்வு நிறுவனம் வெளியிடும் இந்திய வன நிலை அறிக்கை வாயிலாக குறிப்பிட்ட கால இடைவெளிகளில் தொடர்ந்து கண்காணிக்கப்பட்டு வருவதாக அமை ச்சர் தெரிவித்தார். பல்லுயிர் வளத்தைப் பாதுகாப்பதற்காக, பாதுகாக்கப்பட்ட பகுதிகளின் வலையமைப்பு மற்றும் ஒன்றிய, மாநிலஅரசுகள் செயல்படுத்தி வரும் பல்வேறு பாதுகாப்பு நடவடிக்கைகள் வாயிலாக இயற்கை வளங்களும் வனவிலங்குகளும் பாதுகாக்கப்பட்டு வருவதாகவும் கூறினார்.
இயற்கைக் காடுகளைப் பாதுகாப்பதோடு மட்டுமல்லாமல், வன வளர்ப்பு நடவடிக்கைகளிலும் உயிரினப் பன்முகத்தன்மை, சுற்றுச்சூழல் சமநிலை, நீண்டகால சுற்றுச்சூழல் நிலைத் தன்மை, உள்நாட்டு மரவகைகளின் பயன்பாடு மற்றும் சீரழிந்த வனப் பகுதிகளின் மீளுருவாக்கம் ஆகிய வற்றுக்கு முன்னுரிமை வழங்கப்பட்டு வருவதாகவும், இந்நடவடிக்கைகள் தொடர்புடைய சட்டங்கள், திட்டங்கள் மற்றும் வழிகாட்டுதல்களின்படி தொடர்ந்து செயல்படுத்தப்பட்டு வருவதாகவும் ஒன்றிய அரசின் சுற்றுச் ᳚
சூழல், வனம் மற்றும் காலநிலை மாற்றத் துறை மாண்புமிகு இணை அமைச்சர் திரு. கீர்த்தி வர்தன் சிங் அவர்கள், திமுக அரக்கோணம் நாடாளுமன்ற உறுப்பினர் டாக்டர் எஸ். ஜெகத்ரட்சகன் அவர்கள் எழுப்பியகேள்விக்கு எழுத்துப்பூர்வமாக அளித்த பதிலில் தெரிவித்துள்ளார்.