சிவகங்கை, ஆக. 4 –
சிவகங்கை மாவட்டம் சிங்கம்புணரி தாலுகா ஜெயங்கொண்ட நிலை அருகே புதிய கல்குவாரி அமைக்கும் பணிகள் கடந்த ஒரு மாதங்களுக்கு மேலாக நடைபெற்று வருகிறது .
இதற்கு எதிப்பு தெரிவித்து ஜெயங்கொண்ட. நிலை, கிருஷ்ணாபுரம், மலம்பட்டி, மல்லாக்கோட்டை, சித்த பள்ளிப்பட்டி ஆகிய கிராமமக்கள் கடந்த மாதம் சாலை மறியலில் ஈடுபட்டார்கள் . கல்குவாரி அமைப்பதற்கு கனிமவளத்துறை அமைச்சர் டி .கே. பிரபுவிற்கு தொடர்பு இருப்பதாக கூறி கிராம மக்கள் சாலை மறியலில் ஈடு ட்டார்கள் . இதுகுறித்து அமைச்சர் நேரில் கிராமமக்களை சந்தித்து பேசவேண்டும் என்று கோரிக்கை விடுத்தனர். இதில் கல்குவாரி அமைக்க ஆதரவாக அதே கிராம மக்கள் கோரிக்கை வைத்தனர்.
இதனால் கிராமமக்களி டையே மோதல் ஏற்பட்டது.இதுகுறித்து போலிஸில் இருதரப்பினரும் புகார் செய்தனர். இது தொடர்பாக கிராமமக்கள் சிவகங்கை மாவட்ட ஆட்சியர் அலுவலகத்தில் கலெக்டரிடம் மனு கொடுத்தார்கள். இந்த நிலையில் நேற்று முன் தினம்கனிமவள அமைச்சர் டி.கே.பிரபு ஜெயங்கொண்டநிலைகிராமத்திற்கு நேரில் சென்று இப்பகுதியில் கல்குவாரி அமைக்க யாருக்கும் அனுமதி தரவில்லை என்று கூறினார். கிராம மக்கள் இதனால் போராட்டம் நடத்த வேண்டாம் என்று கூறினார்.
அமைச்சர் கூறியதை ஏற்று கிராமமக்கள் போராட்டத்தை கைவிட்டார்கள். ஆனால் அமைச்சரின் வாக்குறுதியை மீறி கடந்த இரண்டு சில தினங்களாகஜெயங்கொண்டநிலை பகுதியில் கல்குவாரி அமைப்பதற்கான பணிகள் தீவிரமாக நடைபெற்று வருகின்றது. எனவே இது தொடர்பாக ஜெயங்கொண்ட நிலையில் கிராம மக்கள் பங்கேற்ற கூட்டம் நடைபெற்றது . இதில் கல்குவாரி அமைக்க அனுமதி இல்லை என்று அமைச்சர் கூறியதை மீறி தற்போது கல்குவாரி அமைக்கும் பணிகள் நடைபெற்று வருகின்றது.
குடியுரிமை அட்டைகளை திருப்பி அனுப்புவோம்!
இதனால் சுற்றுச்சூழல் பாதிக்கப்படும்.
நிலத்தடி நீர் குறையும். சுத்தமாக குடிநீர் பாதிக்கப்படும். விவசாயப் பணிகள் பாதிக்கப்படும். எனவே கல்குவாரி அமைக்கும் பணிகளை உடனடியாக நிறுத்த வேண்டும் என்று தீர்மானம் நிறைவேற்றப்பட்டது. அவ்வாறு பணிகள் நிறுத்தப்பட விட்டால் ஜெயங்கொண்டம் மற்றும் அதனைச் சுற்றியுள்ள 38 கிராமமக்களை ஒன்று திரட்டி மாபெரும் போராட்டத் தை நடத்தவும் முடிவு செய்துள்ளார்கள் .
தொடர்ந்து ரேஷன் கார்டுகள் ,வாக்காளர் அட்டை, ஆதார் கார்டு போன்ற அரசு வழங்கிய அனைத்து குடியுரிமை அட்டைகளையும் திருப்பி அனுப்புவதுடன் அரசு பள்ளியில் படிக்கும் தங்களது குழந்தைகளை பள்ளிக்கு அனுப்ப மாட்டோம் என்றும் தீர்மானம் நிறைவேற்றி உள்ளார்கள். இதனால் அப்பகுதியில் கிராம மக்களிடையே பரபரப்பு ஏற்பட்டுள்ளது.அரசு அனுமதி பெறாமல் கல் குவாரி அமைக்கும் பணியை உடனே நிறுத்த வேண்டும் . இதில் அமைச்சரின் வாக்குறுதி காற்றில் பறந்ததாக கிராம மக்கள் கருதுகின்றனர் . இந்த கல்குவாரி எதிர்ப்பு கூட்டத்தில் 500க்கும் மேற்பட்ட கிராம மக்கள்கலந்து கொண்டார்கள்.