சென்னை, ஆக.4–

இந்திய யூனியன் முஸ்லிம் லீக் தேசிய தலைவர் பேராசிரியர் கே.எம்.காதர் மொகிதீன் அவர்களின் புதல்வர் – அறிவியலாளர் கே.எம்.கே.கலீலூர் ரஹ்மான் மறைவுக்கு கழகத் தலைவர் மு.க.ஸ்டாலின் அவர்கள் விடுத்துள்ள இரங்கல் செய்தி வருமாறு:–

இந்திய யூனியன் முஸ்லிம் லீக் கட்சியின் தேசியத் தலைவர் அய்யா கே.எம். காதர் மொகிதீன் அவர்களது பாசத்திற்குரிய மகனும், அறிவியலாள ருமான கே.எம்.கே.கலீலூர் ரஹ்மான் அவர்களது மறைவுச் செய்தியறிந்து பெரிதும் வருந்தினேன்.

பெற்றெடுத்து பேரன்பு செலுத்தி வளர்த்து, ஆன்றோர் அவையில் பெரும்புகழ் எய்திடக் கண்ட மகன் மண்ணுலகைவிட்டு பிரிந்த துயர் தாளாது வேதனையில் வாடும் அய்யா காதர் மொகிதீன் அவர்களைத் தொலைபேசியில் தொடர்புகொண்டு, அவருக்கும் அவரது குடும்பத்தினருக்கும் எனது ஆழ்ந்த இரங்கலையும் ஆறுதலையும் தெரிவித்துக் கொண்டேன்.

இவ்வாறு கழகத் தலைவர் மு.க.ஸ்டாலின் அவர்கள் தெரிவித்துள்ளார்.