சேலம், ஆக. 5 –
சேலத்தில் முத்தமிழறி ஞர் தலைவர் கலைஞர் அவர்களின் 8-ஆம் ஆண்டு நினைவு நாள் அமைதிப் பேரணி குறித்து சேலம் மத்திய மாவட்டச் செயலாளர் இரா.இராஜேந்திரன் விடுத்துள்ள அறிக்கை வருமாறு: –
தமிழினத்தலைவர், முத்தமிழறிஞர், உலக தமிழர்களின் நெஞ்சங்களில் நீக்கமற நிறைந்திருக்கும் தலைவர் கலைஞர் அவர்களின் 8-ஆம் ஆண்டு நினைவு நாள் ஆகஸ்டு 7ஆம் தேதி வெள்ளிக்கிழமை. தந்தை பெரியார், பேரறிஞர் அண்ணா வழிநின்று கழகம் வளர்த்து, ஒட்டு மொத்த தமிழ் சமுதாயத்தையும் தலைநிமிரச் செய்த தலைவரின் நினைவுநாள் ஆகஸ்டு 7.
தமிழ்கூறும் நல்லுலகில் வாழும் உள்ளங்களுக்கு உவகையூட்டும் ஒரு மந்திரச்சொல் -கலைஞர். 96 ஆண்டுகள் வாழ்ந்து மறைந்தாலும் தமிழ் என்ற ஒரு சொல் இருக்கும் வரை வாழும் உயிரோட்டமுள்ள ஒரு சொல் - கலைஞர். ஐந்து முறை தமிழ்நாட்டின் முதலமைச்சராக பொறுப்பு வகித்து இந்திய அளவில் வியப்புடன் தமிழ்நாட்டை திரும்பிப் பார்க்கச் செய்யும் பல திட்டங்களையும், சட்டங்களையும் நிறைவேற்றியவர் நம்தலைவர் கலைஞர் அவர்கள்.
50 ஆண்டுகாலம் கழகத்தலைவராக பொறுப்பேற்று இந்திய ஜனநாயக வரலாற்றில் சாதனை படைத்தவர். களம் கண்ட அனைத்து தேர்தல்களிலும் வெற்றிப் பெற்று இந்திய அரசியலில் எவரும் செய்யாத தனிப் பெறும் சாதனை படைத்து, சட்டமன்ற பணியில் வைரவிழா கண்டவர்.
பத்திரிக்கை, சொற்பொழிவு, இலக்கியம், நாடகம், திரைப்படம், தொலைக்காட்சி என அவர் பங்களிப்புஇல்லாத துறைகளே இல்லை, தொட்டத்துறைகள் அனைத்திலும் சிகரமாக உயர்ந்து நின்றார். இத்தனை திறமைகளையும் ஒருங்கிணைத்த அவரது நிர்வாகத் திறமையால் தமிழ்நாடு வளமும் நலமும் பெற்றது.
இன்று தமிழ்நாடு காணும் கல்வி வளர்ச்சி, உட்கட்டமைப்பு வளர்ச்சி, தொழில் வளர்ச்சிக்கு அடித்தளம் அமைத்தவர், உழவர் துயர் தீர்க்க நிலச் சீர்திருத்த நில உரிமைச் சட்டம், இலவச மின்சாரம், கூட்டுறவு கடன் தள்ளுபடி, உழவர் சந்தை, ஒழுங்குமுறை விற்பனை கூடம், மகளிர் முன்னேற் றம் காண மகளிர் சுயஉதவிக் குழு, அரசு பணிகளில் பெண்களுக்கு இட ஒதுக்கீடு, உள்ளாட்சி நிர்வா
கத்தில் பெண்களுக்கு இட ஒதுக்கீடு, நெசவாளர்களுக்கான பணிபாதுகாப்பு, தொழில்நுட்ப வளர்ச்சிக்கு டைடல் பூங்காக்கள், எல்காட், சிப்காட் திட்டங்கள், அரசு ஊழியர்கள், ஆசிரியர்கள் உள்ளிட்டோரின் கோரிக்கை நிறைவேற்றம் போக்குவரத்தை நாட்டுடைமை ஆக்கியது, குடிசை மாற்று வாரியம், கை ரிக்க்ஷா ஒழிப்பு, கல்வி மருத்துவ கட்டமைப்பு, கிராமங்களுக்கும் சாலை போக்குவரத்து வசதி,
புதிய தொழில் திட்டங்கள், இளைஞர்களுக்கான வேலை வாய்ப்புகள், விடுகள்தோறும் வண்ணத் தொலைக்காட்சி பெட்டி, அடுப்புடன் இலவச எரிவாயு இணைப்பு, பட்டினி சாவு இல்லாத மாநிலம் என்கிற நிலையை அடையச் செய்ய ஒரு ரூபாய்க்கு ஒரு கிலோ அரிசி என முன்னோடி திட்டங்களை செயல்படுத்தி நவீன தமிழ் நாட்டை உருவாக்கிய ஒரு பெரும் சிற்பி. ஏழை,எளியவர்கள், விவசாயிகள், தொழிலாளர்கள், மகளிர், நெசவாளர்கள், வணிகர்கள், அரசு ஊழியர்கள், மாணவர்கள், இளைஞர்கள், திருநங்கைகள் என அனைத்து தரப்பினரின் நல்வாழ்வுக்காக “கண்துஞ்சாமல் தொடர்ந்து உழைத்த தூய தலைவர்” நம் தலைவர் கலைஞர் அவர்களின் நினைவு நாள்.
தலைவர் கலைஞரின் நினைவை போற்றும் வகையில் ஆகஸ்டு 7ம் நாள் வெள்ளிக்கிழமை காலை 08.00 மணிக்கு சேலம் மாவட்ட ஆட்சியர் அலுவலகம் அருகில் உள்ள தந்தை பெரியார் சிலையிலிருந்து அமைதிப் பேரணியாகபுறப்பட்டு, பெரியார் மேம்பாலம் வழியாக அண்ணா பூங்கா அருகில் அமைந்துள்ள தலைவர் கலைஞர் அவர்களின் திருவுருவச் சிலைக்கு மாலை அணிவித்து மலர்தூவி மரியாதை செலுத்தப்படுகிறது.
தொடர்ந்து சேலம் மத்திய மாவட்டத்தில் உள்ள சேலம் மாநகரத்தின்அனைத்து வட்டங்களிலும், பேரூரில் உள்ள அனைத்து வார்டுகளிலும், ஒன்றியங்களில் உள்ள அனைத்து கிளைக்கழகங்கள் தோறும்
தலைவர் கலைஞர் அவர்களின் திருவுருவப் படத்தை வைத்து மலர்மாலை அணிவித்து நினைவை போற்றும் வகையில் மரியாதைசெலுத்திட வேண்டும் எனவும்,
இந்த நிகழ்ச்சிகளில் மாவட்ட கழக, மாநகர கழக நிர்வாகிகள் பொதுக்குழு - செயற்குழு உறுப்பினர்கள், ஒன்றிய கழக, பகுதி கழக, பேரூர் கழக நிர்வாகிகள், கழக முன்னோடிகள், மாவட்ட கழக பிரதிநிதி கள், மாநகர வட்டக் கழக செயலாளர்கள், உள்ளாட்சி பிரதிநிதிகள், இளைஞர் அணி, வழக்கறிஞர் அணி, மாணவர் அணி, விவசாய அணி, விவசாய தொழிலாளர் அணி,
மகளிர் அணி, மகளிர் தொண்டர் அணி, தகவல் தொழில்நுட்ப அணி, வர்த்தகர் அணி, இலக்கிய அணி, கலை இலக்கிய பகுத்தறிவு பேரவை, மருத்துவர் அணி, பொறியாளர் அணி, சிறுபான்மையினர் அணி, நெசவாளர் அணி, தொண்டர் அணி, மீனவர் அணி, ஆதி திராவிடர் நலக்குழு, அயலக அணி, சுற்றுச்சூழல் அணி, தொழிலாளர் அணி, விளையாட்டு மேம்பாட்டு அணி, அமைப்புசாரா ஓட்டுநர் அணி ஆகிய சார்பு அணிகள் உள்ளிட்ட அனைத்து அணிகளைச் சேர்ந்த மாவட்ட, ஒன்றிய, பகுதி, பேரூர் அமைப்பாளர்கள், துணை அமைப்பாளர்கள், தலைவர் கலைஞர் அவர்கள் மீது பற்று கொண்ட பொதுமக்கள் என அனைவரும் பங்கேற்று சிறப் பித்திட வேண்டும் என கேட்டுக்கொள் கிறேன்.
இவ்வாறு இரா.இராஜேந்திரன் தனது அறிக்கையில் தெரிவித்துள்ளார்.