சென்னை, ஆக. 5–
தஞ்சாவூர் பேச்சைத் தொடர்ந்து நேற்று காலை 11 மணியளவில் கைது செய்யப்பட்ட எதிர்க்கட்சித் தலைவரும் சட்டமன்ற உறுப்பினருமான உதயநிதி ஸ்டாலினின் கைது விவகாரத்தில், தற்போது மிகப்பெரிய சட்டத் திருப்பம் ஏற்பட்டுள்ளது.
உதயநிதி ஸ்டாலினைச் சிறையில் அடைக்கக் காவல்துறையினர் முற்பட்ட நிலையில், நீதிமன்றத்தில் நடைபெற்ற அவசர விசாரணையின் போது தமிழ்நாடு அரசு தெரிவித்த வாதத்தைத் தொடர்ந்து, நேற்று மாலையிலேயே அவரை காவல் நிலைய ஜாமீனில் விடுவிக்க நீதி
மன்றம் அதிரடி உத்தரவிட்டுள்ளது.
உதயநிதி ஸ்டாலின் அவர்கள் நேற்று காலை கைது செய்யப்பட்டதைத் தொடர்ந்து, அவரது தரப்பு மூத்த வழக்கறிஞர்கள் சென்னை உயர்நீதிமன்றத்தில் அவசர மனு ஒன்றைத் தாக்கல் செய்தனர். அந்த மனுவில், அரசியல் பழிவாங்கும் நோக்கோடும், சட்டமன்றக் கூட்டத்தொடர் தொடங்கவுள்ள நிலையிலும் எதிர்க்கட்சித் தலைவரைக் சட்டத்திற்குப் புறம்பாக ரிமாண்ட் செய்யக் காவல்துறை திட்டமிட்டுள்ளதாகக்
குற்றம் சாட்டப்பட்டது.
மனுவை உடனடியாக விசாரணைக்கு எடுத்துக்கொண்ட நீதிபதி முன், உதயநிதி ஸ்டாலின் தரப்பு மற்றும் அரசு தரப்பு வழக்கறிஞர்களிடையே காரசாரமான வாதங்கள் நடைபெற்றன. விசாரணையின் போது அரசு தரப்பில் ஆஜரான தலைமை வழக்கறிஞர், உதயநிதி ஸ்டாலினைக் சிறையில் அடைக்கும் எண்ணம் அரசுக்கோ அல்லது
காவல்துறைக்கோ இல்லை எனத் தெளிவுபடுத்தினார்.
எதிர்க்கட்சித் தலைவர் மீது அளிக்கப்பட்ட புகாரின் பேரில் சட்டப்பூர்வமாக முதற்கட்ட விசாரணை நடத்தப்பட வேண்டியது அவசியமாகிறது. அவரைச் சிறையில் அடைத்து ரிமாண்ட் செய்யும் நோக்கம் காவல்துறைக்கு இல்லை. காவல் நிலையத்தில் வைக்கப்படும் முறையான விசாரணைக்குப் பிறகு, காவல் துறை ஜாமீனிலேயே அவர் விடுவிக்கப்படு வார். அரசு தரப்பின் இந்த வாக்கு
மூலத்தைப் பதிவு செய்து கொண்ட நீதிபதி, காவல்துறையின் ரிமாண்ட் முயற்சிகளுக்கு முற்றுப்புள்ளி வைத்தார்.
நீதிமன்றத்தின் அதிரடி உத்தரவு :
இருதரப்பு வாதங்களையும் கேட்டறிந்த நீதிமன்றம், உதயநிதி ஸ்டாலினின் உரிமைகளைப் பாதுகாக்கும் வகையிலும், விசாரணைக்கு அவர் முழு ஒத்துழைப்பு அளிக்க வேண்டும் என்ற நிபந்தனையோடும் முக்கிய உத்தரவைப் பிறப்பித்தது: காவல் நிலையத்தில் விசாரணை முடிந்த கையோடு, ‘செவ்வாய்க்கிழமை மாலையிலேயே உதயநிதி ஸ்டாலினைச் சொந்த ஜாமீனில் விடுவிக்க வேண்டும் அவரை நீதிமன்றக் காவலில் அடைக்கக் கூடாது’ எனத் தெளிவு படுத்தப்பட்டது. நீதிமன்றத்தின் இந்த உத்தரவைத் தொடர்ந்து நீலாங்கரை மற்றும் காவல் நிலையப் பகுதிகளில் முகாமிட்டிருந்த திமுக தொண்டர்கள் உற்சாகமடைந்தனர். உதயநிதி ஸ்டாலினைக் சிறையில் அடைத்து அரசியல் ரீதியாக முடக்க நினைத்த ஆளுங்கட்சியின் முயற்சிக்கு நீதி
மன்றத்தின் இந்த உத்தரவு பெரும் சாட்டை அடியாக அமைந்திருப்பதாக தி.மு.க. வழக்கறிஞர்கள் அணி தெரிவித்துள்ளது.