புதுடெல்லி, ஆக. 5 –
தொழில் மாவட்டங்களுக்கான சமமான CSR (பெரு நிறுவன சமூக பொறுப்பு) நிதி ஒதுக்கீட்டில் ஒன்றிய அரசு பொறுப்பேற்க மறுப்பு; ஈரோடு போன்ற மாவட்டங்களின் நியாயமான கோரிக்கைக்கு பதில் இல்லை என ஈரோடு கே.இ.பிரகாஷ் மக்களவையில் குறிப்பிட்டார்.
ஈரோடு மக்களவை உறுப்பினர் கே. இ. பிரகாஷ் அவர்கள், நிறுவனங்கள் சட்டம், 2013–ன் கீழ் அமல்படுத்தப்படும் நிறுவனங்களின் சமூகப் பொறுப்பு (CSR) விதிகள் தொடர்பாக, மாநிலங்கள் மற்றும் தொழில் வளர்ச்சி பெற்ற பகுதிகளுக்கிடையே CSR நிதி சமமாகப் பகிரப்படுகிறதா என்பதையும், குறிப்பாக தமிழ்நாட்டின் ஈரோடு போன்ற இரண்டாம் நிலை தொழில் மையங்களுக்கு வழங்கப்படும் CSR நிதி குறித்து ஒன்றிய அரசு ஆய்வு மேற்கொண்டுள்ளதா என்பதையும் விளக்கம் கோரினார்.
மேலும், நிறுவனங்கள் சட்ட (திருத்த) மசோதா, 2026 தொடர்பாக தொழில் அமைப்புகள், சமூக அமைப்புகள் மற்றும் பிற பங்குதாரர்களிட மிருந்து பெறப்பட்ட கருத்துகள் என்ன, தற்போதைய நிறுவன ஆளுமைச் சட்ட அமைப்பின் கீழ் CSR செயல்பாட்டை மேலும் வலுப்படுத்தவும், வெளிப் படைத்தன்மை மற்றும் கண்காணிப்பு நடைமுறைகளை மேம்படுத்தவும் ஒன்றிய திட்டமிட் டுள்ளதா என்பதையும் கேட்டறிந்தார்.
அரசு நிறுவன விவகாரங்கள் அமைச்சகம் அளித்த பதில் பின் வரு மாறு:–
(அ): இல்லை. நிறுவனங்கள் சட்டம், 2013–ன் கீழ் செயல்படும் CSR அமைப்பு முழுமையாக வெளிப்படுத்தல் (Disclosure) அடிப்படையிலானது என்றும், CSR நடைமுறைப்படுத்த வேண்டிய நிறுவனங்கள் தங்களது CSR நடவடிக்கைகளின் விவரங்களை ஆண்டுதோறும் MCA21 பதிவேட்டில் சமர்ப்பிக்கவேண்டும் என்றும் அமைச்சகம் தெரிவித்துள்ளது.
CSR என்பது நிறுவனத்தின் இயக்குநர் குழு (Board) வழிநடத்தும் செயல்முறையாகும். நிறுவனத்தின் CSR குழுவின் பரிந்துரையின் அடிப்படையில், நிறுவனங்கள் சட்டத்தின் அட்டவணை VII–ல் குறிப்பிடப் பட்டுள்ள திட்டங்கள் மற்றும் துறைகளில் CSRநடவடிக்கைகளைத் திட்டமிடுதல், முடிவு செய்தல், செயல்படுத்தல் மற்றும் கண்காணித்தல் ஆகிய அதிகாரங்கள் இயக்குநர் குழுவிற்கு வழங்கப்பட்டுள்ளன.
நிறுவனங்கள் சட்டத்தின் பிரிவு 135(5)–இன் முதல் விதிவிலக்கின்படி, நிறுவனங்கள் தாங்கள் செயல்படும் உள்ளூர் பகுதிகளுக்கு முன்னு ரிமை அளிக்க வேண்டும் என்று குறிப்பிடப்பட்டி ருந்தாலும், அது கட்டாய விதியாக அல்ல; வழிகாட்டும் தன்மை கொண்டதாக மட்டுமே இருப்பதாக அமைச்சகம் தெரி வித்துள்ளது.
மேலும், உள்ளூர் பகுதிகளுக்கான முன்னுரிமையையும் தேசிய முன்னுரிமைகளையும் நிறுவனங்கள் சமநிலைப் படுத்த வேண்டும் என்றும் கூறியுள்ளது.
எனவே, குறிப்பிட்ட பகுதி அல்லது குறிப் பிட்ட செயல்பாட்டிற்காக CSR நிதியை செலவிடுமாறு நிறுவனங்க ளுக்கு ஒன்றிய அரசு எந்தவித உத்தரவும் வழங்குவதில்லை. இதன் காரணமாக, ஈரோடு போன்ற மாவட்டங்களில் CSR நிதி பகிர்வு குறித்து தனிப்பட்ட ஆய்வு எதுவும் மேற்கொள்ளப்படவில்லை என்றும் அமைச்சகம் தெரிவித்துள்ளது.
(ஆ): நிறுவனங்கள் சட்ட (திருத்த) மசோதா, 2026 நாடாளுமன்றத்தில் அறிமுகப்படுத்தப்பட்டு கூட்டு நாடாளுமன்றக் குழுவிற்கு (Joint Parlia mentary Committee JPC) அனுப்பப்பட்டுள்ளது. இந்த மசோதா தொடர்பாக பல்வேறு பங்குதாரர்களிடமிருந்து பெறப்பட்டுள்ள கருத்துகள் மற்றும் பிரதிநிதித்துவங் கள் தற்போது அந்தக் குழுவின் பரிசீலனையில் உள்ளதாக அமைச்சகம் தெரிவித்துள்ளது.
(இ): தற்போதைய CSR சட்ட அமைப்பிலேயே வெளிப்படைத்தன்மை மற்றும் பொறுப்புணர்வை உறுதி செய்ய போதுமான சட்ட ஏற்பாடுகள் உள்ளன என்று அமைச்சகம் தெரிவித்துள்ளது.
CSR நடைமுறைப்படுத்தும் நிறுவனங்கள் ஆண்டுதோறும் MCA21 பதிவேட்டில் CSR நடவடிக்கைகளின் விவரங்களை தாக்கல் செய்ய வேண்டும்.
மேலும், நிறுவனத்தின் CSR கொள்கையை இயக்குநர் குழு அறிக்கையில் வெளியிட வேண்டும். ஒப்புதல் அளிக்கப்பட்ட CSR நிதி குறிப்பிட்ட நடவடிக்கைகளுக்காக முழுமையாக செலவிடப்பட்டுள்ளதா என்பதை உறுதி செய்வதும் இயக்குநர்குழுவின் பொறுப்பாகும்.
மேலும், CSR குழுஅமைத்தல், CSR கொள்கைஉருவாக்குதல், ஆண்டு செயல் திட்டம் தயாரித்தல், திட்டங்கள் மற்றும் செயல்படுத்தும் பகுதி களைத் தேர்வு செய்தல், CSR செலவினங்களை தலைமை நிதி அதிகாரி (CFO) சான்றளித்தல் மற்றும் சட்டப்பூர்வ தணிக்கையர்களால் (Statutory Auditors) தணிக்கை செய்தல் போன்ற தற்போதைய சட்ட ஏற்பாடுகள் போதுமான கண்காணிப்பு மற்றும் வெளிப்படைத்தன்மையை உறுதி செய்கின்றன என்றும், இதற்கும் மேலாக புதிய கண்காணிப்பு அல்லது வெளிப்படைத்தன்மை நடைமுறைகளை கொண்டு வருவதற்கான எந்தவொரு புதிய முன்மொழிவும் தற்போது அரசின் பரிசீலனையில் இல்லை என்றும் அமைச்சகம் தெரிவித்துள்ளது.