#Title

முத்தமிழ் அறிஞர் கலைஞரின் நினைவு நாளில் கழகத் தலைவர் மு.க.ஸ்டாலின் தலைமையில் மாற்றுத்திறனாளிகள் இணைப்புச் சக்கர வாகனப் பேரணி! கழக மாற்றுத்திறனாளிகள் அணி மாநில தலைவர் ரெ.தங்கம் அறிக்கை!

சென்னை, ஆக 5 –

முத்தமிழ் அறிஞர் கலைஞர் அவர்களின் நினைவு நாளையொட்டி கழகத் தலைவர் மு.க. ஸ்டாலின் அவர்கள் தலைமையில் அமைதிப் பேரணியில் கழக மாற்றுத்திறனாளிகள் அணியினரும், தமிழ் நாடு மாற்றுத்திறனாளிகள் முன்னேற்ற சங்கத்தினரும் திரளாக பங்கேற்குமாறு அழைப்பு விடுத்து கழக மாற்றுத்திறனாளிகள் அணி மாநில தலைவர் ரெ. தங்கம் அறிக்கை விட்டு ள்ளார்.

அவரது அறிக்கை வருமாறு,

முத்தமிழ் அறிஞர் கலைஞர் அவர்களின் நினைவு நாளையொட்டி, 7.8.2026 வெள்ளிக்கிழமை காலை 8 மணி அளவில் ஓமந்தூரார் அரசு பல்நோக்கு மருத்துவமனை கலைஞர் சிலையிலிருந்து கழகத் தலைவர் அவர்கள் தலைமையில் அமைதி பேரணியாக புறப்பட்டு மெரினாவில் அமைந்துள்ள கலைஞர் அவர்களின் நினைவிடத்தை அடைந்து மலர் வளையம் வைத்து மரியாதை செய்து நினைவேந்தல் நிகழ்வு நடைபெற உள்ளது.

இந்த அமைதிப் பேரணியில் கழக மாநில,மாவட்ட, மற்றும் பகுதி கழக வட்டக் கழக நிர்வாகிகளும், பல்வேறு அணிகளும், திரளான தொண்டர்களும் அமைதிப் பேரணிகள் பங்கேற்க உள்ள நிலையில், கழக மாற்றுத் திறனாளிகள் அணியின் சார்பாகவும், தமிழ்நாடு மாற்றுத்திறனாளிகள் முன்னேற்ற சங்கத்தின் சார்பாகவும் மற்றும் பல்வேறு மாற்றுத்திறனாளிகள் சங்கத்தினரும் தங்கள் இணைப்புச் சக்கர வண்டிகளில் கழகத் தலைவர் அவர்களுடைய தலைமையில் பேரணியாக சென்று மெரினா கடற்கரையில் அமைந்துள்ள கலைஞர் அவர்களின் நினைவிடத்தில் மலர் தூவி மரியாதை செலுத்த உள்ளனர்.

இப்பேரணியில் கழக மாற்றுத் திறனாளிகள் அணியினரும், தமிழ்நாடு மாற்றுத்திறனாளிகள் முன்னேற்ற சங்கத்தினரும், மற்றும் பல்வேறு மாற்றுத்திறனாளிகள் சங்கத்தின் நிர் வாகிகளும் திரளாக பங்கேற்று கலைஞர் அவர்களின் நினைவிடத்தில் மலர் தூவி மரியாதை செலுத்திட அமைதிப் பேரணியில் பங்கேற்குமாறு அன்புடன் கேட்டுக்கொள்கிறேன்.

இவ்வாறு ரெ.தங்கம் தெரிவித்துள்ளார்.