#Title

தர்மபுரி மாவட்டத்தில் உயிருக்கு ஆபத்தான நோய்களுக்கு சிகிச்சை வசதிகள் ஏற்படுத்த ஒன்றிய அரசின் நடவடிக்கைகள் என்ன? மக்களவையில் -– ஆ.மணி கேள்வி

புதுடெல்லி, ஆக.5–

தமிழ்நாட்டில், குறிப்பாக தர்மபுரி மாவட்டத்தில், புற்றுநோய், நரம்பியல் கோளாறுகள், சிறுநீரக செயலிழப்பு, இதய நோய்கள் உள்ளிட்ட நாள்பட்ட மற்றும் உயிருக்கு ஆபத்தான நோய்களுக்கான சிகிச்சையால் பொருளாதாரத்தில் பின்தங்கியோர் மற்றும் நடுத்தர வர்க்கக் குடும்பங்கள் எதிர்கொள்ளும் நிதிச் சுமை குறித்து ஒன்றிய அரசு ஆய்வு மேற்கொண்டுள்ளதா? என்று மக்களவையில் கழக உறுப்பினர் ஆ. மணி கேள்வி எழுப்பினார்.

மேலும் அவர் இத்தகைய நோய்களுக்கு இலவசமாக அல்லது மானியச் சிகிச்சை வழங்கும் தமிழக அரசு மருத்துவமனைகள் மற்றும் மூன்றாம் நிலை (Tertiary Care) மருத்துவ நிறுவனங்களின் விவரங்கள் என்ன?கடந்த மூன்று ஆண்டுகளில்ஆண்டு வாரியாக தர்மபுரி மாவட்டத்தைச் சேர்ந்த பயனாளிகளின் எண்ணிக்கை என்ன?

தமிழ்நாட்டில், குறிப்பாக தர்மபுரி மாவட்டத்தைச் சேர்ந்தநோயாளிகளின் நேரடி மருத்துவச் செலவைக் (Out-of-Pocket Expenditure) குறைக்கும் வகையில்,ஒன்றிய அரசின் சுகாதாரத் திட்டங்களின் கீழ் வழங்கப்படும் நிதியுதவியை விரிவுபடுத்த அரசு திட்டமிட்டுள்ளதா? இருப்பின், அதன் விவரங்கள் என்ன? என்றும்

தர்மபுரி உள்ளிட்ட போதிய மருத்துவ வசதிகள் இல்லாத மாவட்டங்களில், நாள்பட்ட நோய்களுக்குத் தேவையான மலிவு விலை பரிசோதனை வசதிகள், அத்தியாவசிய மருந்துகள் மற்றும் சிறப்பு மருத்துவச் சிகிச்சை சேவைகளை மேம்படுத்த ஒன்றிய அரசு இதுவரை மேற்கொண்டுள்ள நடவடிக்கைகள் மற்றும் எதிர்காலத்தில் மேற்கொள்ளத் திட்டமிட்டுள்ள நடவடிக்கைகள் குறித்தும் விளக்கம் அளிக்குமாறும் தருமபுரி ஆ.மணி எம்.பி.மக்களவையில் சுகாதாரம் மற்றும் குடும்ப நலன் அமைச்சர் பிரதாப் ராவ் ஜாதவ்விடம் கேள்வி எழுப்பியுள்ளார்.