சென்னை, ஆக.5–

‘‘கைதுக்­கெல்­லாம் பயப்­ப­டக்­கூ­டிய ஆள் நான் அல்ல! நான் கலை­ஞ­ரின் வளர்ப்பு! சட்­டப்­படி வழக்கைச் சந்­திப்­பேன்’’ என்று தான் கைது செய்­யப்­பட்­ட­பின் எதிர்க்­கட்­சித் தலை­வர் உத­ய­நிதி ஸ்டாலின் அவர்கள் உறு­தி­ப­டக் கூறி­னார்.

கழக இளை­ஞர் அணிச் செய­லா­ள­ரும் சட்­டப்­பே­ரவை எதிர்க்­கட்­சித் தலை­வ­ரு­மான உத­ய­நிதி ஸ்டாலின் அவர்­கள் அளித்த பேட்டி வரு­மாறு:–

‘‘த.வெ.க அர­சின் இந்த கைது நட­ வ­டிக்­கையை நான் காமெ­டி­யா­கத்­தான் பார்க்­கி­றேன். கிட்­டத்­தட்ட 22 நிமி­டங்­கள், நான் தஞ்­சை­யில் நடை­பெற்ற ஆர்ப்­பாட்­டத்­தில் பேசி­னேன். இந்த அரசு, எப்­படி எல்­லாம் விவ­சா­யி­களை ஏமாற்­றிக் கொண்­டி­ருக்­கி­றது, தேர்­தல் வாக்­கு­று­தி­யில் சொன்ன ஒன்­றை­யும் செய்­ய­வில்லை, விவ­சா­யி­க­ளுக்­குக் கொடுத்த வாக்­கு­று­தி­க­ளைக் காப்­பாற்­ற­வில்லை என்­றெல்­லாம் பேசி­னேன்.

மேக­தாது அணை கட்­டு­வ­தற்கு எதி­ராக, இந்­தத் திரா­ணி­யற்ற, தெம்­பில்­லாத, பயந்­தாங்­கொள்ளி அரசு, எதற்­குமே குரல்கொடுக்க மறுக்­கி­றது. இவற்­றை­யெல்­லாம் எதிர்த்து முத­ல­மைச்­சர் பேச வேண்­டும்.

ரீல்ஸ் வெறி

முற்­றிப்­போய்­விட்­டது!

விவ­சா­யி­க­ளோடு திரா­விட முன்­னேற்­றக் கழ­க­மும், எங்­கள் தலை­வ­ரும் என்­றைக்­கும் துணை நிற்­பார்­கள் என்று அந்த ஆர்ப்­பாட்­டத்­தில் நான் பேசி­னேன். அவற்­றை­யெல்­லாம் மறைத்­து­விட்டு, இந்த த.வெ.க. அரசு வெறும் திசை­தி­ருப்­பும் தந்­தி­ரங்­களை (Diversion tactics) மட்­டும்­தான் பயன்­ப­டுத்­திக் கொண்­டி­ருக்­கி­றது.

ஏதே­னும் ஒரு பிரச்­சினை என்று வந்­தால், அதி­லி­ருந்து திசை­தி­ருப்­பு­ வ­தற்கு, தின­மும் டம்மி முத­ல­மைச்­சர் ஏதே­னும் ஒரு ரீல்ஸ் பதி­விட்­டுக் கொண்டு, முத­ல­மைச்­சர் மட்­டும் அல்ல, முத­ல­மைச்­சர், அமைச்­சர்­கள், சட்­ட­மன்ற உறுப்­பி­னர்­கள் அத்­தனை பேரும் வெறும் ரீல்ஸ்க­ளில்­தான் வாழ்ந்து கொண்­டி­ருக்­கி­றார்­கள். ரீல்ஸ் வெறி முற்­றிப்­போய், அனை­வ­ரும் ரீல்ஸ்­க­ளில் வாழ்ந்து கொண்­டி­ருக்­கி­றார்­கள். இத­னைக் கண்­டித்து நான் பேசி­னேன்.

பொய்ச் செய்­தி­யைப்

பரப்­பு­கி­றார்­கள்!

அதைத் திசை­தி­ருப்­பு­வ­தைப் போல, இன்­றைக்கு நான் பேசாத ஒன்றை பேசி­ய­தா­கக் கூறி, வெட்டி ஒட்டி (Cut,Copy, Paste), பொய்ச் செய்­தி­யைப் பரப்­பு­கி­றார்­கள். இந்­தக் கட்சி தொடங்கி, இந்த இரண்­டரை ஆண்­டு­க­ளில் எதில் வல்­ல­வர்­கள் என்­றால், வெறும் வெட்டி ஒட்­டு­வது, போலி ரீல்ஸ்­க­ளைப் பரப்­பு­வது, இவற்­றில் மட்­டும்­தான்.

இதன்தொடர்ச்­சி­யாக இன்­றைக்­குப் பொய் வழக்­குப் பதிவு செய்து, என்­னைக் கைது செய்­தி­ருக்­கி­றார்­கள். இதற்­கெல்­லாம் பயப்­ப­டக்­கூ­டிய ஆள் நான் இல்லை.கலை­ஞ­ரு­டைய வளர்ப்பு நான், திரா­விட முன்­னேற்­றக் கழ­கத்­தி­னு­டைய உடன்­பி­றப்பு, எங்­க­ளு­டைய தலை­வ­ரு­டைய வளர்ப்பு நான். நான்மட்­டும் இல்லை, தி.மு.க. வின் கடை­சித் தொண்­டன்­கூட இது­போன்ற கைது­க­ளுக்­கெல்­லாம் பயப்­படக்­கூ­டிய ஆள் இல்லை. இதைச் சட்­டப்­படி நான் சந்­திப்­பேன்’’

இவ்­வாறு கழக இளை­ஞர் அணிச் செய­லா­ள­ரும் சட்­டப்­பே­ரவை எதிர்க்­கட்­சித் தலை­வ­ரு­மானஉத­ய­நிதி ஸ்டாலின் பேட்டி அளித்­தார்.