சேலம், ஆக.5–
சேலம் மேற்கு மாவட்டச் செயலாளர் டி.எம். செல்வகணபதி எம்.பி. விடுத்துள்ள அறிக்கை வருமாறு:-
ஆகஸ்ட் 7-ஆம் தேதி வெள்ளிக்கிழமை முத்தமிழறிஞர்கலைஞர் அவர்களின் 8-ஆம் ஆண்டு நினைவு நாள். திராவிட இயக்கத்தின் பாதுகாவலராக, தமிழினத்தில் அழியா சொத்தாக, ஐந்து முறை தமிழகத்தின் முதலமைச்ச ராக, உலகமே போற்றும் பன்முகத் தலைவர் செம்மொழி நாயகராக நம் நெஞ்சமெல்லாம் நிறைந்து நிற்கும் நம் குடும்பத் தலைவரின் நினைவுநாள்.
தமிழே மூச்சாக - தமிழர் நலமே வாழ்வாகக் கொண்டு இன உணர்வு, மொழி உணர்வு, சமூக நீதி, தீண்டாமை ஒழிப்பு, வறுமை ஒழிப்பு, பெண்கள் முன்னேற்றம், சாதி ஒழிப்பு என வராற்றில், பொது வாழ்வில் உலக அளவில் அனைவருக்கும் முன் உதாரணமாகத் திகழ்ந்த நம் குடும்பத் தலைவருக்கு நினைவு நாள். மாபெரும் தலைவருடைய நினைவு நாளை முன்னிட்டு கழகத் தலைவர் அண்ணன் மாண்புமிகு தளபதி அவர்களின் ஆணைப்படி வருகிற 7-ஆம் தேதி சேலம் மேற்கு மாவட்டத்தில் உள்ள ஒன்றிய, நகர, பேரூர் கழகம் மற்றும் கழக உடன் பிறப்புகள் அனைவரது இல்லத்தின் வாயிலில் முத்தமிழறிஞர் கலைஞர் அவர்களின் திருவுருவப் படத்திற்கு மாலையிட்டு - மலர்தூவி புகழ் அஞ்சலி செலுத்திட வேண்டும். முத்தமிழ் அறிஞர் கலைஞர் அவர்கள் நம்மை விட்டு மறைந்தாலும் நம் நெஞ்சங்களிலும், நினைவுகளிலும் நிரந்தரமாகக் குடிகொண்டிருக்கும் தமிழினத் தலைவருக்கு வீடுகள் தோறும் மரியாதை செலுத்திடுவோம்.
07.-08.-2026 தேதி வெள்ளிக்கிழமை காலை 08.30 மணியளவில் தாரமங்கலத்தில் உள்ள முத்தமிழறிஞர் கலைஞர் அவர்களின் திருவுருவச் சிலைக்கு சேலம் மேற்கு மாவட்ட தி.மு.க சார்பில் மாலை அணிவித்து புகழ் அஞ்சலி செலுத்தும் நிகழ்ச்சி ஏற்பாடு செய்யப்பட்டுள்ளது.
அதுசமயம் சேலம் மேற்குமாவட்ட கழக நிர்வாகிகள், தலைமை செயற்குழு, பொதுக்குழு உறுப்பினர்கள், இந்நாள்-முன்னாள் சட்டமன்ற, நாடாளுமன்ற உறுப்பினர்கள், ஒன்றிய, நகர, பேரூர் கழக செயலாளர்கள், நிர்வாகிகள், வார்டு, கிளை கழக செயலாளர்கள், நிர்வாகிகள், சார்பு அணி நிர்வாகிகள், இந்நாள்-முன்னாள் உள்ளாட்சி பிரதிநிதிகள், பாகநிலை முகவர்கள்,பூத் கமிட்டிஉறுப்பினர்கள்,பூத் டிஜிட்டல் ஏஜென்ட், கழக முன்னோடிகள், மற்றும் கழக உடன் பிறப்புகள் என அனைவரும் பெரும் திரளாக கலந்து கொள்ள வேண்டுமென அன்புடன் கேட்டுக்கொள்கிறேன்.
சேலம் மேற்கு மாவட்ட தி.மு.க. செயலாளர், சேலம் நாடாளுமன்ற உறுப்பினர் டி.எம்.செல்வகணபதி
இவ்வாறு அவர் அறிக்கையில் தெரிவித்துள்ளார்.
எதிர்க்கட்சித் தலைவர் உதயநிதி ஸ்டாலின் அவர்களை கைது செய்து அழைத்துச் செல்லும் வழியில் விக்கிரவாண்டி அருகே கழக விவசாய தொழிலாளர் அணி செயலாளர் அன்னியூர் அ.சிவா தலைமையில் கழகத்தினர் சாலை மறியலில் ஈடுபட்டனர்.