சென்னை, ஆக. 6 –
எதிர்க்கட்சித் தலைவர் உதயநிதி ஸ்டாலின் அவர்களை கைது செய்ததைக் குறித்துஜனநாயகத்தின் குரல்வளையை நெரிக்கும் அரசியல் பழிவாங்கலாகும்! என்று ஆதித் தமிழர் பேரவைத் தலைவர் இரா.அதியமான் தெரிவித்துள்ளார்.
இது குறித்த அவரது அறிக்கை வருமாறு:
மேகதாது – காவிரி உரிமைப் போராட்டத்தில் தோல்வியடைந்ததை மறைக்க பழிவாங்கும் அரசியலில் இறங்கியுள்ளதாக கூறப்படும்
த.வெ.க.அரசின் அணுகுமுறையை ஆதித்தமிழர் பேரவை வன்மையாகக் கண்டிக்கிறது!
கர்நாடக அரசு மேகதாது அணைத் திட்டத்தை முன்னெடுத்து, காவிரி நதிநீரில் தமிழ்நாட்டின் உரிமையை பறிக்கமுயன்று கொண்டிருக்கும் இந்த ஆபத்தான நேரத்தில், தமிழ்நாட்டின் அனைத்து அரசியல் சக்திகளும் ஒன்றுபட்டு மாநில உரிமைக்காக குரல் கொடுக்க வேண்டிய வரலாற்றுப் பொறுப்பு ஏற்பட்டுள்ளது.
இந்தச் சூழலில், காவிரி பிரச்சினையிலும் மேகதாது அணைத் திட்டத் திலும் தமிழ்நாட்டு மக்களின் உரிமையை உறுதி யாகப் பாதுகாக்கத் தவறியதை மறைக்கஅரசியல் பழிவாங்கும் நடவடிக்கைகள் மேற்கொள்ளப்படுவதாக வெளிவரும் தகவல்கள் மிகுந்த கவலையளி க்கின்றன. அதன் வெளிப்பாடாக, தமிழ்நாடு சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களை கைது செய்ய முயற்சிப்பதாக வெளியாகும் தகவல்கள் கடும் கண்டனத்திற்குரியவை.
மக்களின் குடிநீர் உரிமை, விவசாயிகளின் வாழ்வாதாரம், காவிரி டெல்டாவின் எதிர்காலம் போன்ற உயிர் சார்ந்த பிரச்சினைகளில் உறுதியான நடவடிக்கை எடுக்கத் தவறும் அரசு, எதிர்க்கட்சித் தலைவர்களை கைது செய்து மௌனப்படுத்த முயல்வதாக தோன்றும் எந்த நடவடிக்கையும் ஜனநாயகத்தின்மீதுநடத்தப்படும் நேரடி தாக்குதலாகவே பார்க்கப்படும்.
மேகதாது அணை என்பது வெறும் அணைத் திட்டமல்ல; அது தமிழ்நாட்டின் நீருரிமை, விவசாய உரிமை, வாழ்வுரிமை ஆகியவற்றின் மீது நடத்தப்படும் தாக்குதல். அந்த தாக்குதலைத் தடுக்க வேண்டிய அரசு, உரிமைக்காக குரல் கொடுப்பவர்களை அச்சுறுத்தும் பாதையில் சென்றால், அது வரலாறு மன்னிக்க முடியாத அரசியல் தவறாகப் பதிவாகும்.
பெரியார், அண்ணா, கலைஞர் உருவாக்கிய சமூகநீதி மற்றும் மாநில உரிமைப் போராட்ட மரபை காவல்துறை அடக்குமுறையால் அழிக்க முடியாது. அரசியல் எதிரியை கைது செய்துவெல்லலாம் என்று நினைப்பவர்கள்தமிழ்நாட்டின் அரசியல் வரலாற்றையும் ஜனநாயகத்தின் அடிப்படை மதிப்பு களையும் புரிந்துகொள்ளா தவர்கள்.
எனவே, உதயநிதி ஸ்டாலின் அவர்களை கைது செய்யும் முயற்சியை உடனடியாக கைவிட வேண்டும். அதற்குப் பதிலாக, மேகதாது அணைத் திட்டத்தை தடுக்கவும், காவிரி நீர் உரிமையை முழுமையாக நிலை நாட்டவும் அனைத்துக் கட்சிகளையும் ஒன்றிணைத்து உறுதியான சட்ட, அரசியல் மற்றும் மக்கள் போராட்ட நடவடிக்கைகளை முன்னெடுக்க வேண்டும்.
ஆதித்தமிழர் பேரவை ஜனநாயகத்திற்கும், சமூகநீதிக்கும், மாநில உரிமைக்கும், காவிரி நீர் உரிமைக்கும் உறுதியுடன் குரல் கொடுக்கும் என்பதை இத்தருணத்தில் மீண்டும் வலியுறுத்துகிறோம்.
இவ்வாறு அவர் தெரிவித்துள்ளார்.
தமிழ்நாடு எதிர்க்கட்சித் தலைவர் இளைஞரணிச் செயலாளர் உதயநிதி ஸ்டாலின் அவர்கள் கைது செய்யப்பட்டதைக் கண்டித்து, விஜய் தலைமையிலான தவெக அரசைக் கண்டித்து கிருஷ்ணகிரி ரவுண்டானா பகுதியில் நகரச் செயலாளர்கள் அஸ்லாம், வேலுமணி ஆகியோர் தலைமையில் நடைபெற்ற கண்டன ஆர்ப்பாட்டத்தில் செங்குட்டுவன், கோவிந்தசாமி, தனசேகரன், மகேந்திரன், மாணவரணி ஜெயந்திரன் உள்ளிட்ட நூற்றுக்கணக்கான கழகத் தொண்டர்கள் கலந்து கொண்டனர். பின்னர் போராட்டத்தில் ஈடுபட்ட தி.மு.க.வினரை காவல்துறையினர் கைது செய்து தனியார் மண்டபத்தில் அடைத்தனர்.