நீலகிரி, ஆக. 6–
உலக தமிழர்களின் ஒப்பற்ற தலைவர், இந்திய அரசியலில் மூத்த தலைவராக இருந்து பல்வேறு சூழ்நிலைகளில் பல குடியரசு தலைவர்கள் மற்றும் பிரதமர்களையும் உறுவாக்கி, இந்திய அரசியலில் சமூக நீதியை காப்பதில் முதன்மையாக திகழ்ந்து ஒடுக்கப்பட்ட மக்களின் உரிமைகளை பாதுகாத்தவர் தலைவர் கலைஞர் அவர்கள்.
திராவிட இயக்கத்தின் மூத்த தலைவராக திகழ்ந்து, இந்திய அளவில் அனைத்து மாநிலங்களிலும், முதன்மை மாநிலமாக தமிழகத்தை 2021–2026 வரை முதல்வராக இருந்து திகழவைத்த மாண்புமிகு தளபதி மு.க.ஸ்டாலின் அவர்களை நமக்கு தந்தவர்.
ஐந்து முறை தமிழகத்தின் முதல்வராக இருந்ததோடு, தொடர்ந்து இந்திய அரசியல் வரலாற்றில் சட்டமன்ற உறுப்பினராக போட்டியிட்ட அனைத்து தேர்தல்களிலும் வெற்றிக்கண்டு, தமிழகம் அனைத்து துறைகளிலும் இன்றும் சிறப்பு பெற்றிட அடித்தளமாக திகழ்ந்து, நவீன தமிழகத்தின் தந்தை என அனைவராலும் போற்றப்பட்டவர் தலைவர் கலைஞர் அவர்கள்.
திராவிட முன்னேற்ற கழகம் எனும் பேரியக்கத்தை கண்ட பேரறிஞர் அண்ணா வழியில் அயராது உழைத்து கழகத்தையும், கழக கொள்கைகளையும் கடைசி நொடி வரையிலும் பாதுகாத்து, தமிழ் மொழிக்காக, தமிழினத்திற்காக உழைத்த நம் நெஞ்சத்தை விட்டு அகலாத தலைவர் கலைஞர் அவர்களின் 8–வது நினைவுநாளில் புகழஞ்சலியை செலுத்திடுவோம்.
கழக தலைவர், மாண்புமிகு தளபதி அவர்களின் வழிகாட்டுதல்படி, நீலகிரி மாவட்டத்தில் உள்ள அனைத்து பகுதிகளிலும் கலைஞர் அய்யா அவர்களின் திருவுருவ படங்களை அலங்கரித்து வைத்து மலர் அஞ்சலி செலுத்திட அன்புடன்வேண்டுகிறேன்.
அதன்படி, ஆகஸ்டு 7–ம் தேதி வௌ்ளிக்கிழமை காலை 11.30 மணியளவில், மாவட்ட கழக அலுவலக முகப்பில் உள்ள தலைவர் கலைஞர் அவர்களின் திருவுருவ சிலைக்கு மாவட்ட கழகத்தின் சார்பில் மாலை அணிவித்து மலரஞ்சலி செலுத்தும் நிகழ்ச்சி நடைபெற உள்ளது.
இதனை தொடர்ந்து மாவட்டத்திலுள்ள அனைத்து நகர – ஒன்றிய – பேரூர் – கிளை கழகங்களிலும் அய்யா தலைவர் கலைஞர் அவர்களின் திருவுருவ படங்களை அலங்கரித்து வைத்து நம் இதய தலைவர் அவர்களுக்கு நம் மரியாதையை செலுத்திட வேண்டுவதோடு, நினைவஞ்சலி செலுத்தும் நிகழ்ச்சிகள் அனைத்தும் சிறப்புற நடைபெற தேவையான ஏற்பாடுகளை தொடர்புடைய நகர – ஒன்றிய – பேரூர் – கிளை கழக செயலாளர்கள் சிறப்புடன் செய்து உதவிட அன்புடன் வேண்டுகிறேன். இவ்வாறு மாவட்ட கழக பொறுப்பாளர் கே.எம்.ராஜூ எம்.எல்.ஏ. கேட்டுக் கொண்டுள்ளார்.
சென்னை, ஆக. 6–
முத்தமிழறிஞர் கலைஞர் அவர்களின் 8ஆம் ஆண்டின் நினைவு நாளையொட்டி நாளை (7.8.2026) கழகத் தலைவர் மு.க.ஸ்டாலின் அவர்களின் தலைமையில் நடைபெறும் அமைதிப் பேரணியில் சென்னை மாநகரப் போக்குவரத்துக் கழக ஊழியர் முன்னேற்ற சங்கத்தினர் திரளாகப் பங்கேற்குமாறு சங்கப் பொதுச் செயலாளர் த.ஆறுமுகம் கேட்டுக் கொண்டுள்ளார்.
இதுகுறித்து அவர் விடுத்துள்ள அறிக்கை வருமாறு:–
உலகத் தமிழ் சமுதாயத்தின் ஒப்பற்றத் தலைவர்!தமிழ்நாட்டின் தலையாய அரசியல் அகராதி!இந்திய அரசியலின் இணையற்ற-தவிர்க்க இயலாச் சக்தி! முக்கால் நூற்றாண்டு பொதுவாழ்வுப் போராளி! இனமான-சுயமரியாதைச் சுடரொளி!தன் வாழ்நாளை தன் தமிழ் சமூகத்திற்காக- எழுத்தாளராக- கவிஞராக-பத்திரிகையாளராக-நாடக நடிகராக-திரைக்கதை ஆசிரியராக-வசனகர்த்தாவாக-தந்தை பெரியாரின் பிள்ளையாக-பேரறிஞர் அண்ணாவின் தம்பியாக- பொதுவாழ்வில் -13 முறை தொடர்ந்து சட்டமன்ற உறுப்பினராக-அய்ந்து முறை முதலமைச்சராக- ஓயாது உழைத்தவர்!வரலாற்றுச் சாதனைகள் நிகழ்த்தியவர்!குறிப்பாக தமிழ்நாட்டில் உள்ள மூலை முடுக்குகளுக்கு எல்லாம்,
பொது மக்களுக்காக பேருந்துச் சேவைகள் நிறைவேற்றியவர்!அதற்காகவேப் பலப் போக்குவரத்துக் கழகங்களை உருவாக்கிச் செம்மைப்படுத்தியவர்! அப்போக்கு வரத்துக் கழகங்களில் இலட்சக்கணக்கில் பணியாற்றும் பணியாளர்களாகிய நமது வாழ்வாதாரத்திற்கு வழிகோலியவர்! பென்சன் திட்டம் வகுத்து வாழ்வளித்தவர்! போக்குவரத்துத் தொழிலாளர்களின் குடும்பத் தலைவர்!அமரர் முத்தமிழ் அறிஞர் கலைஞர் அவர்களின் 8-ஆம் ஆண்டு நினைவு நாள் பேரணி! 07.08.2026 அன்று காலை 8.00 மணிக்கு, சென்னை அண்ணா சாலை-ஓமந்தூரார் வளாகத்தில் அமைந்துள்ள கலைஞர் திருவுருவச் சிலை முன்பிருந்து, கழகத் தலைவர் முத்துவேல் கருணாநிதி ஸ்டாலின் தலைமையில் துவங்கி,கலைஞர் நினைவிடம் வரை நடைபெற உள்ளது.அவ்வமயம்,சென்னையில் உள்ள அனைத்துப் பணிமனை நிர்வாகிகள் மற்றும் சங்க முன்னோடிகள் அனைவரும் திரளாகக் கலந்து கொள்ளுமாறு கேட்டுக் கொள்கிறேன்.
இவ்வாறு அவர் தமது அறிக்கையில் கேட்டுக் கொண்டுள்ளார்.