காஞ்சிபுரம், ஆக.6-
தமிழினத் தலைவர் முத்தமிழறிஞர் கலைஞர் அவர்களின் 8 ஆம் ஆண்டு நினைவு நாளை முன்னிட்டு காஞ்சிபுரம் தெற்கு மாவட்டக் கழகம் சார்பில் வரும் 7 ஆம் தேதி அன்று காஞ்சிபுரத்தில் மாபெரும் அமைதி பேரணி மற்றும் கலைஞர் அவர்களின் திருவுருவச் சிலைக்கு மாலை அணிவித்து மரியாதை செலுத்தும் நிகழ்ச்சி நடைபெறுகிறது. இந் நிகழ்ச்சியில் காஞ்சிபுரம் தெற்கு மாவட்டக் கழத்தினர் அனைவரும் பங்கேற்றிட வேண்டுமாய் மாவட் டக் கழகச் செயலாளர் க.சுந்தர் விடுத்துள்ள அறிக்கையில் கேட்டுக் கொண்டுள்ளார்.
இதுகுறித்து அவரது அறிக்கை வருமாறு: –
தந்தை பெரியார் அவர்களின் பகுத்தறிவு கொள்கையை நெஞ்சில் ஏந்தி, பேரறிஞர் அண்ணா அவர்களின் கடமை, கண்ணியம், கட்டுப்பாடு என்ற தி.மு.கழகத்தின் கொள்கையை நெஞ்சில் பதிய வைத்து தமிழ்நாட்டு முன்னேற்றத்தி ற்காக, தமிழ் மக்களின் முன்னேற்றத்திற்காக, தமிழ் மொழியின் வளர்ச்சிக்காக தன் வாழ்நாள் முழுவதை யும் அற்பணித்த திராவிட இயக்கப் பெருந்தலைவர் முத்தமிழறிஞர் கலைஞர் அவர்கள் முதலமைச்சராக இருந்த போது பல முன்னோடித் திட்டங்களைத் தீட்டி தமிழ்நாட்டின் முன்னேற்றத்திற்காக வழி வகுத்திட்டார்.
கலைஞர் அவர்களின் திட்டங்கள்தமிழ்நாட்டிற்கு ஏன் இந்தியாவிற்கே முன்னோடித் திட்டங்க ளைத் திகழ்ந்தன. கண்ணொளி வழங்கும் திட்டம், கை ரிக்ஷா ஒழிப்புத் திட்டம், இரவலர் மறு வாழ்வுத் திட்டம், மன்னர் மானியம் ஒழிப்புத் திட்டம், வங்கிகள், பேருந்துகள் தேசிய உடமை ஆக்கும் திட்டம், மாணவர்களுக்கு இலவச பேருந்து பயணத் திட்டம், சுதந்திரத் திருநாளில் மாநில முதல்வர்களே தேசிய கொடியை ஏற்றி வைக்கும் உரிமையைப் பெற்றுத் தந்தார், பெண்களுக்கு சொத்தில் சமஉரிமை, அனைத்து சாதியினரும் அர்ச்சகராகலாம், சத்துணவில் முட்டை, பெண்களுக்கு உள்ளாட்சியில் இடஒதுக்கீடு, அரசு வேலைவாய்பில் பெண்களுக்கு முன்னுரிமை, மகளிர் சுய உதவிக்குழுக்கள், திருமண நிதி உதவித் திட்டம், மகப்பேறு நிதி உதவித் திட்டம், ஏழை எளிய விவசாயிகளுக்கு இலவச நிலம், இலவச மின்சாரம், விவசாயி களுக்கு கூட்டுறவு கடன் ரத்து, ஒரு கிலோ அரிசி ஒரு ரூபாய், ரேஷன் கடைகளில் 10 வகையான மளிகைப் பொருட்கள் வழங்கும் திட்டம், அண்ணா நூற்றாண்டு நூலகம், புதிய தலைமைச் செயலகம், அருந்ததியினர், இஸ்லாமியர்களுக்கு உள் ஒதுக்கீடு, மருத்துவம் உள்ளிட்ட உயர் படிப்புகளில் நுழைவுத் தேர்வு ரத்து இப்படி தமிழ்நாட்டிற்கு செய்த திட்டங்களை, தீட்டியத் திட்டங்களை அடுக்கிக் கொண்டே போகலாம்.
குறிப்பாக கலைஞர் அவர்கள் 14 வயது முதல் 95 வயது உரை கடைசி மூச்சு உள்ள வரை உழைத்த உத்தமத் தலைவர் – தமிழினத் தலைவர் கலைஞர் அவர்கள் நம்மையெல்லாம் உடலால் விட்டு 7.8.2018 அன்று பிரிந்தார்.
நம்மை விட்டு உடலால் பிரிந்தாலும் நம் உள்ளத்தில், ஏன் ஒவ்வொரு தமிழரின் உள்ளத்திலும் என்றென்றும் நிலைத்து நிற்கும் முத்தமிழறிஞர் கலைஞர் அவர்களின் ஆகஸ்ட் 7 ஆம் தேதி 8 ஆம் ஆண்டு நினைவு நாள் ஆகும். கலைஞர்அவர்களின் 8 ஆம் ஆண்டு நினைவு நாளை முன்னிட்டு, கழகத் தலைவர் மு.க.ஸ்டாலின் அவர்களின் உத்தரவின் படி, கழக இளைஞர் அணிச் செயலாளர் உதயநிதி ஸ்டாலின் அவர்களின் அறிவுறுத்தலின் படி, காஞ்சிபுரம், காந்தி ரோட்டில் உள்ள தந்தை பெரியார் நினைவு தூணில் இருந்து 7.8.2026 வெள்ளிக்கிழமை அன்று காலை 7 மணிக்கு எனது (மாவட்டச் செயலாளர் க.சுந்தர்) தலைமையில் மாபெரும் அமைதிப் பேரணி நடைபெறுகின்றது.
இந்த அமைதிப் பேரணி தந்தை பெரியார் நினைவுத் தூணில் இருந்து புறப்பட்டு மாவட்டக் கழகம் அலுவலகம் அமைந்துள்ள கலைஞர் பவளவிழா மாளிகையை அடைந்து அங்கு கம்பீரமாக நின்றிருக்கும் முத்தமிழறிஞர் கலைஞர் அவர்களின் திருவுருவச் சிலைக்கு மாலை அணிவித்து மரியாதை செலுத்தப்படுகிறது.
எனவே இந் நிகழ்ச்சியில் மாவட்ட, மாநகர, ஒன்றிய, நகர, பேரூர்க் கழக , கிளைக் கழக நிர்வாகிகள், தலைமைச் செயற்குழு, பொதுக்குழு உறுப்பினர்கள், சட்டமன்ற முன்னாள் உறுப்பி னர்கள், நாடாளுமன்ற உறுப்பினர் உள்ளிட்டஅனைத்து அணிகளின் நிர்வாகிகள், உள்ளாட்சி மன்றப் பிரதிநிதிகள், கழக முன்னணித் தோழர்கள் அனைவரும் 7.8.2026 வெள்ளிக்கிழமை அன்று காலை 6.30 மணிக்கே காஞ்சிபுரம் தந்தை பெரியார் நினைவு தூண் அருகே வருகை தந்தை, நமது அரசியல் ஆசான், முத்தமிழறிஞர் கலைஞர் அவர்களின் நினைவு நாள் அமைதி பேரணி மற்றும் திருவுருவச் சிலைக்கு மாலை அணிவித்து மரியாதை செலுத்தும் நிகழ்ச்சியில் பங்கேற்று, கலைஞர் அவர்களின் புகழ்க்கு மேலும் புகழ் சேர்க்கும் வகையில் அனைவரும் தவறாமல் வருகை தர வேண்டுமாய் அன்புடன் கேட்டுக் கொள்கிறேன்.
இவ்வாறு மாவட்டச் செயலாளர் க.சுந்தர் விடுத்துள்ள அறிக்கையில் கேட்டுக் கொண்டுள்ளார்.