திருவள்ளூர், ஆக.6;-
முத்தமிழறிஞர், சமூகநீதியின் காவலர், பகுத்தறிவுப் பகலவன், தமிழினத்தின் ஒப்பற்ற தலைவர், ஐந்து முறை தமிழ்நாட்டின் முதலமைச்சராகப் பொறுப்பேற்று மக்கள் நல ஆட்சிக்கு புதிய பரிமாணத்தை உருவாக்கிய டாக்டர் கலைஞர் அவர்களின் நினைவு நாளை முன்னிட்டு, வரும் ஆகஸ்ட் 7ஆம் தேதி திருவள்ளூர் மேற்கு மாவட்டம் முழுவதும் நினைவு நாள் நிகழ்ச்சிகளை நடத்திட வேண்டும் என்று திரு வள்ளூர் மேற்கு மாவட்டக் கழகச் செயலாளர்திருத்தணிஎஸ்.சந்திரன் அறிக்கை வெளியிட்டுள்ளார்.
அவர் வெளியிட்டுள்ள அறிக்கையில் கூறியிருப்பதா வது:
முத்தமிழறிஞர் கலைஞர் அவர்கள் தமிழர் வரலாற்றில் என்றும் அழியாத இடத்தைப் பெற்ற மாமனிதர். அவரது அரசியல் வாழ்வும், இலக்கியப் பங்களிப்பும், சமூகநீதிக்கான இடை யறாத போராட்டங்களும், தமிழ்மொழி வளர்ச்சிக்காக ஆற்றிய அரும்பணிகளும் தலைமுறைகள் கடந்தும் வழிகாட்டும் கலங்கரை விளக்கமாகத் திகழ்கின்றன. கல்வி, சமூகநீதி, இடஒதுக்கீடு, பெண்கள் முன்னே ற்றம், விவசாயிகள் நலன், தொழிலாளர் உரிமைகள், உள்ளாட்சி அமைப்புகளின் வலிமை, தமிழ்மொழி வளர்ச்சி, தமிழர் பண்பாட்டு பெருமை உள்ளிட்ட அனைத்துத் துறைகளிலும் வரலாற்றுச் சாதனை களைப் படைத்து தமிழகத்தை முன்னேற்றப் பாதையில் அழைத்துச் சென்ற பெருந்தலைவர் கலைஞர். அவர் உருவாக்கிய மக்கள் நலத் திட்டங்களும், சட்டங்களும், கொள்கைகளும் இன்றளவும் தமிழ்நாட்டின் வளர்ச்சிக்கான உறுதியான அடித்தளமாக விளங்கி வருகின்றன.
எனவே, அவரது நினைவு நாளை முன்னிட்டு திருவள்ளூர்மேற்கு மாவட்டத்தில் உள்ள அனைத்துஒன்றியம் நகர, பேரூர், ஊராட்சி, வார்டு, கிளைக் கழகங்கள் மற்றும் அனைத்து அணிகளும் தங்களது பகுதிகளில் நினைவு நாள் நிகழ்ச்சிகளை நடத்த வேண்டும்.
ஒவ்வொரு பகுதியிலும் கலைஞர் அவர்களின் திருவுருவப் படத்திற்கு மலர்தூவி மரியாதை செலுத்துதல், அமைதி அஞ்சலி நிகழ்ச்சி கள், பொதுமக்களுக்கு நலத்திட்ட உதவிகள் வழங்குதல், அன்னதானம், இரத்ததான முகாம்கள், மரக்கன்று கள் நடுதல், மாணவ-மாணவிகளுக்கு கல்வி உபகரணங்கள் வழங்குதல் உள்ளிட்ட மக்கள் நலப் பணிகளை சிறப்பாக மேற்கொள்ள வேண்டும். மேலும், கலைஞர் அவர்கள் வாழ்நாள் முழுவதும் வலியுறுத்திய சமூகநீதி, சுயமரியாதை, சமத்துவம், பகுத்தறிவு, மதச்சார்பின்மை, மொழி உரிமை ஆகிய உயரிய கொள்கைகளை பொதுமக்களிடம் எடுத்துரைக்கும் நிகழ்ச்சிகளும் நடத்தப்பட வேண்டும்.
இந்தியாவுக்கே முன்னோடி மாநிலமாக தமிழ்நாடு உயர்வதற்கான வலுவான அடித்தளத்தை அமைத்தவர் கலைஞர். எனவே, கலைஞரின் நினைவு நாளை வெறும் அஞ்சலி நாளாக மட்டுமின்றி, அவரது இலட்சியங்களை வாழ்விலும், மக்கள் பணியிலும் தொடர்ந்து செயல்படுத்த உறுதியேற்கும் நாளாக ஒவ்வொரு கழகத்தினரும் கடைப்பிடிக்க வேண்டும்.
ஆகையால், திருவள்ளூர் மேற்குமாவட்டத்தைச் சேர்ந்த மாநில, மாவட்டக் கழக நிர்வாகிகள், ஒன்றிய, நகர, பேரூர் கழகச் செயலாளர்கள், முன்னாள் மற்றும் இந்நாள் உள்ளாட்சி பிரதிநிதிகள், முன்னோடிகள், அனைத்து அணிகளின் நிர்வாகிகள், கழக உடன்பிறப்புகள், தொண்டர்கள் அனைவரும் தங்களது பகுதிகளில் பெருந்திரளாகப் பங்கேற்று, முத்தமிழறிஞர் டாக்டர் கலைஞர் அவர்களின் நினைவு நாளை மக்கள் நலப் பணிகளுடன் எழுச்சியோடு அனுசரிக்க வேண்டும் என்று அன்புடன் கேட்டுக்கொள்கிறேன்.
இவ்வாறு திருவள்ளூர் மேற்கு மாவட்டக் கழகச் செயலாளர் திருத்தணி எஸ்.சந்திரன் தனது அறிக்கையில் தெரிவித்துள்ளார்.