சென்னை, ஆக. 6–
சென்னை தெற்கு மாவட்டச் செயலாளர் மா.சுப்பிரமணியன் விடுத்துள்ள அறிக்கை வருமாறு:
பதின்மூன்று வயதில் பண்பாட்டு தமிழர்களுக்கு தம்மை எடுத்தளித்த ஏந்தல், பதினான்கு வயதில் பகுத்தறிவுக்கொடியேந்தி மொழிப்போர் கழகத்தில் குதித்து முத்துவேலர் பெற்றெடுத்த செல்வர், ஈராயிரம் ஆண்டுகால தமிழர்களின் இழிவைத் துடைக்க வந்த இனமான அரிமா, ஈரோட்டுச் சூரியனின் கோபநெருப்பை தம் எழுதுகோளில் வாங்கி, இனமானப் போருக்கு வித்திட்ட இயற்றமிழ் வள்ளல், மானமும், அறிவும் திராவிட மண்ணின் சொத்து என முழங்கிய மகத்தான மக்கள் நெஞ்சமெல்லாம் என்றும் நிறைந்திருக்கக்கூடிய மக்கள் தலைவர், தென்னாட்டின் மகத்தான திராவிட புரட்சியாளர் தயாளு அன்னைப் பெற்றெடுத்த தனித்தமிழ் சிகரம், ஐந்து முறை நாடாண்ட அறிவாசான், அன்னைத் தமிழ்நாட்டின் முகவரியாய் விளங்குகிற ஆற்றொழுக்கின் இலக்கணம், பேரறிஞர் பெருந்தகையின் கொள்கைகளை வார்த்தெடுத்த கொள்கைப் போராளி, திராவிட இயல் நாயகர் முத்துவேல் கருணாநிதி ஸ்டாலின் அவர்களை இந்த மண்ணிற்கு எடுத்தளித்த தியாகசீலர் முத்தமிழ றிஞர் கலைஞர் பெருந்தகையின் 8ஆம் ஆண்டு நினைவுநாளில்
ஆகஸ்ட்-7, வெள்ளிக்கிழமை அன்று காலை 8.00 மணி அளவில் கழகத் தலைவர் மு.க.ஸ்டாலின் அவர்கள் தலைமையில் சென்னை, அண்ணா சாலை,ஓமந்தூரார் வளாகத்தில் அமைந்துள்ள முத்தமிழறிஞர் கலைஞர் சிலை அருகிலிருந்து புறப்பட்டு, காமராஜர் சாலையில் அமைந்துள்ள கலைஞர் நினைவிடத்தில் மலர்வளையம் வைத்து அஞ்சலி செலுத்துகிறார். தி.மு.கழகத்தின் முன்னணியினர் பங்கேற்கின்றனர்.
ஆகவே இந்த வரலாற்றில் என்றும் நிலைக்கக் கூடிய இந்நிகழ்வில் சென்னை தெற்கு மாவட்டத்திற்கு உட்பட்ட நாடாளுமன்ற உறுப்பினர்கள், மேனாள் சட்டமன்ற உறுப்பினர்கள், தலைமை செயற்குழு உறுப்பினர்கள், மாநிலக் கழக நிர்வாகிகள், மாவட்ட கழக நிர்வாகிகள், பகுதி கழக செயலாளர்கள், ஒன்றிய கழக செயலாளர்கள், தலைமை பொதுக்குழு உறுப்பினர்கள், மாமன்ற உறுப்பினர்கள், பகுதி கழக நிர்வாகிகள், வட்டக் கழக செயலாளர்கள், அனைத்து அணிகளின் மாவட்ட, பகுதி, வட்ட, ஒன்றிய அமைப்பாளர்கள், துணை அமைப்பாளர்கள், கழக சார்பு மன்றங்களைச் சார்ந்தோர், கழக முன்னோடிகள், கழக செயல் வீரர்கள் முதலானோர் திரளாக பங்கேற்றிடுமாறு அன்புடன் கேட்டுக்கொள்கிறேன்.
இவ்வாறு அவர் தெரிவித்துள்ளார்.