புது­டெல்லி, ஆக.6–

மின்­னணு உற்­பத்தி வளர்ச்சி குறித்து பெருமை பேசும் ஒன்­றிய அரசு; தமிழ்­நாட்­டின் உயர்­­மதிப்பு உற்­பத்தி இலக்­கு­க­ளுக்கு தெளி­வான உறுதி இல்லைஎன மக்­க­ள­வை­யில் ஈரோடு கே.இ.பிர­காஷ் குற்­றம் சாட்­டி­னார்.

ஈரோடு மக்­க­ளவை உறுப்­பி­னர் கே. இ. பிர­காஷ், புதிய மொபைல் போன் உற்­பத்­தித் திட்­டத்­தின் கீழ் உள்­நாட்டு மதிப்­புக் கூட்­டல், வடி­வ­மைப்­புத் திறன் மற்­றும் மேம்­பட்ட மின்­னணு கூறு­கள் உற்­பத்­தியை ஊக்­கு­விக்­கும் நட­வ­டிக்­கை­கள் எடுக்­கப்­பட்­டுள்­ள­னவா என்று கேட்­டார். மேலும், ஆராய்ச்சி, புதுமை மற்­றும் மின்­னணு கூறு­கள் உற்­பத்­திக்­காக வழங்­கப்­ப­டும் ஊக்­கத்­தொ­கை­கள் மற்­றும் நிதி ஆத­ர­வின் விவ­ரங்­கள், ஸ்ரீபெ­ரும்­பு­தூர் மற்­றும் ஓசூர் உள்­ளிட்ட தமிழ்­நாட்­டின் உற்­பத்தி மையங்­க­ளின் திறன் உயர்­ம­திப்பு மின்­னணு உற்­பத்தி மற்­றும் உல­க­ளா­விய மதிப்­புச் சங்­கி­லி­யில் இணை­வ­தற்­காக மதிப்­பீடு செய்­யப்­பட்­டுள்­ளதா என்­ப­தை­யும், உள்­நாட்டு மின்­னணு உற்­பத்­தித் திறன் மற்­றும் தொழில்­நுட்ப வளர்ச்­சியை மேலும் வலுப்­ப­டுத்த ஒன்­றிய அரசு மேற்­கொண்­டுள்ள அல்­லது மேற்­கொள்­ள­வுள்ள நட­வ­டிக்­கை­கள் என்னஎன்­ப­தை­யும் விளக்­கம் கோரி­னார்.

அதற்கு மின்­னணு மற்­றும் தக­வல் தொழில்­நுட்ப அமைச்­ச­கத்­தின் பதில் வரு­மாறு

(அ) முதல் (ஈ) வரை: மேக் இன் இந்­தியா மற்­றும் ஆத்­ம­நிர்­பர் பாரத் என்ற பிர­த­ம­ரின் நோக்­கத்தை முன்­னி­றுத்தி, இந்­தி­யா­வில் முழு­மை­யான மின்­னணு உற்­பத்தி சூழலை உரு­வாக்க ஒன்­றிய அரசு பல்­வேறு கொள்கை முயற்­சி­களை மேற்­கொண்­டுள்­ளது.

முத­லில் இறு­திப் பொருட்­கள், பின்­னர் துணைக் கூறு­கள், அதன்­பின் மின்­னணு கூறு­கள், இறு­தி­யில் இயந்­தி­ரங்­கள் மற்­றும் கரு­வி­கள் என கட்­ட­மைக்­கப்­பட்ட முறை­யில் இந்­தி­யா­வின் மின்­னணு உற்­பத்­தித் துறையை வளர்க்­கும் உத்தி பின்­பற்­றப்­பட்­ட­தா­க­வும், அதற்­குத் தேவை­யான உள்­கட்­ட­மைப்­பு­க­ளும் உரு­வாக்­கப்­பட்­ட­தா­க­வும் அமைச்­ச­கம் தெரி­வித்­துள்­ளது.

இதன் விளை­வாக இந்­தியா உல­க­ளா­விய மின்­னணு உற்­பத்தி மைய­மாக உரு­வெ­டுத்­துள்­ள­தா­க­வும், கடந்த 12 ஆண்­டு­க­ளில் மின்­னணு உற்­பத்தி குறிப்­பி­டத்­தக்க அள­வில் வளர்ச்சி பெற்­றுள்­ள­தா­க­வும் கூறப்­பட்­டுள்­ளது.

2014–15 – 2025–26 ஆகிய ஆண்­டில் விப­ரம் வளர்ச்சி

மின்­னணு பொருட்­கள் உற்­பத்தி – சுமார் ₹1.9 லட்­சம் கோடி – சுமார் ₹13.11 லட்­சம் கோடி – 7 மடங்கு

மின்­னணு பொருட்­கள் ஏற்­று­மதி – சுமார் ₹38 ஆயி­ரம் கோடி – சுமார் 34.24 லட்­சம் கோடி – 11 மடங்கு

மொன­பல் போன் உற்­பத்தி – சுமார் ₹18 ஆயி­ரம் கோடி – சுமார் ₹6 27 லட்­சம் கோடி – 33 மடங்கு

மொபைல் போன் ஏற்­று­மதி – சுமார் ₹1,500 கோடி – சுமார் 22.59 லட்­சம் கோடி – 165 மடங்கு

இந்த வளர்ச்­சிக்­காக ஒன்­றிய அரசு கடந்த 12 ஆண்­டு­க­ளில் பல்­வேறு திட்­டங்­களை செயல்­ப­டுத்­தி­யுள்­ள­தா­க­வும், அவற்­றில் பெரிய அள­வி­லான PLI LLD, IT Hardware PLI 2.0, Electronics Component Manufacturing Scheme (ECMS), Semicon India Programme, EMC 2.0, SPECS, செமி­கண்­டக்­டர் மற்­றும் டிஸ்ப்ளே உற்­பத்தி மேம்­பாட்டு திட்­டம், Make in India கொள்­மு­தல் முன்­னு­ரிமை மற்­றும் 100% அந்­நிய நேரடி முத­லீட்­டுக்கு அனு­மதி ஆகி­யவை அடங்­கும் என தெரி­விக்­கப்­பட்­டுள்­ளது.

மொபைல் போன் உற்­பத்­தி­தான் இந்­தி­யா­வின் மின்­னணு உற்­பத்தி வளர்ச்­சிக்கு முக்­கிய கார­ண­மாக இருந்­த­தா­க­வும், 2025–26 ஆம் ஆண்­டில் இந்­தியா உல­கின் இரண்­டா­வது பெரிய மொபைல் போன் உற்­பத்­தி­யா­ள­ரா­க­வும், இறக்­கு­மதி செய்­யும் நாட்­டி­லி­ருந்து நிகர ஏற்­று­மதி நாடா­க­வும் மாறி­யுள்­ள­தா­க­வும் அமைச்­ச­கம் கூறி­யுள்­ளது.

15.07.2026 அன்று ₹62,500 கோடி நிதி ஒதுக்­கீட்­டில் மொபைல் போன் உற்­பத்­தித் திட்­டம் (MPMS) ஒன்­றிய அமைச்­ச­ரவை ஒப்­பு­தல் பெற்­றுள்­ள­தா­க­வும், உள்­நாட்டு மதிப்­புக் கூட்­டல், முக்­கிய கூறு­க­ளின் உள்­நாட்டு கொள்­மு­தல், இந்­திய வடி­வ­மைப்பு, ஆராய்ச்சி மற்­றும் புது­மைக்கு கூடு­தல் ஊக்­கத்­தொ­கை­கள் வழங்­கு­வது இதன் நோக்­கம் என்­றும் தெரி­விக்­கப்­பட்­டுள்­ளது.

மேலும், முக்­கிய மின்­னணு கூறு­கள் மற்­றும் துணைக் கூறு­க­ளின் உற்­பத்­தியை ஊக்­கு­விக்­கும் வகை­யில் Electronics Component Manufacturing Scheme (ECMS) ஏற்­க­னவே அறி­மு­கப்­ப­டுத்­தப்­பட்­டுள்­ள­தா­க­வும் கூறப்­பட்­டுள்­ளது.

தமிழ்­நாட்­டில் மின்­னணு உற்­பத்தி

மாவட்­டம் – உற்­பத்தி அல­கு­கள் எண்­ணிக்கை விப­ரம் வரு­மாறு:

செங்­கல்­பட்டு – 4, சென்னை – 6, கோயம்­புத்­தூர் – 1, காஞ்­சி­பு­ரம் – 38, கிருஷ்­ண­கிரி – 8, தூத்­துக்­குடி – 2, திரு­நெல்­வேலி – 1, திரு­வள்­ளூர் – 6, வேலூர் – 1

இந்த அல­கு­க­ளில் மொபைல் போன்­கள், IT Hardware வாகன மின்­னணு சாத­னங்­கள், நுகர்­வோர் மின்­னணு சாத­னங்­கள். Printed Circuit Boards (PCB), Display Modules, Enclosures, Transducers, LED, Chargers Connectors ஆகி­யவை உற்­பத்தி செய்­யப்­ப­டு­கின்­றன.

EMC 2.0 திட்­டத்­தின் கீழ் தமிழ்­நாட்­டில் காஞ்­சி­பு­ரம் மற்­றும் திரு­வள்­ளூ­ரில் இரண்டு Greenfield Electronics Manufacturing Clusters ஒப்­பு­தல் பெற்­றுள்­ளன. இத்­திட்­டங்­க­ளின் மொத்த மதிப்பு ₹1,012.02 கோடி: 853.6 ஏக்­கர் பரப்­ப­ளவை உள்­ள­டக்­கிய இத்­திட்­டங்­க­ளுக்கு ஒன்­றிய அர­சின் நிதி உத­வி­யாக ₹506 கோடி வழங்­கப்­பட்­டுள்­ளது.

மேற்­கண்­ட­வாறு கே.இ.பிர­காஷ் கேள்­விக்கு பதி­ல­ளிக்­கப்­பட்­டுள்­ளது.