புதுடெல்லி, ஆக.6–
திராவிட முன்னேற்றக் கழக, மேலவை உறுப்பினர் எஸ்.ஆர். சிவலிங்கம் 3 ஆகஸ்ட் 2026 அன்று மாநிலங்களவையில் அதிகரித்து வரும் நிலக்கரியின் விலை உயர்வைக் கட்டுப்படுத்தவும், எரிசக்தி பாதுகாப்பினை உறுதிசெய்யவும், முறையான வர்த்தக முறைகளை பின்பற்றிடவும் ஒன்றிய அரசின் நடவடிக்கைகள் உதவி செய்யுமா? என்றும் அதன் விவரங்களை உறுப்பினர்களுக்குதெரிவிக்க இயலுமா? என்றும், நிலக்கரி விதிகள் 2026 முறையாக செயல்படுத்தப்படுமா? என்றும், ஒன்றிய அரசின் நிலக்கரி மற்றும் சுரங்கத் துறை இணையமைச்சர் சதீஷ் சந்திர துபே அவர்களிடம் விரிவான கேள்வியை எழுப்பினார்.
ஒன்றியஅரசின் நிலக்கரி மற்றும் சுரங்கத் துறை இணையமைச்சர் அவர்கள் அளித்தபதில் பின் வருமாறு:-
சுரங்கங்கள் மற்றும் தனிமங்கள் மேம்பாட்டு சட்டம் 1957ன்படி, நிலக்கரி கட்டுப்பாட்டு ஆணையம் அமைக்கப்பட்டுள்ளது என்றும், இந்த ஆணையத்தின் ஆணைப்படி கடந்த ஜூன் மாதம் முதலாகவே கணிணி வழியாக நிலக்கரி விற்பவர்கள், வாங்குபவர்களின் விண்ணப்பங்கள் முறையாக பரிசீலிக்கப்பட்டு வர்த்தகத்தை பெருக்க தேவையான முயற்சிகள் மேற்கொள்ளப்பட்டுள்ளன என்றும், அனைவருக்கும் சமமான வாய்ப்புகள் வழங்கப்பட்டு வருகிறது என்றும், நிலக்கரி ஒப்பந்தங்களை ஏற்படுத்தல், நியாமான விலைப்பட்டியலை தயாரித்தல், சரியான நேரத்தில் நிலக்கரி கிடைக்கச் செய்தல், சந்தை நிலைமையை சீராக வைத்தல் எனப் பல்வேறு முக்கிய பணிகளை ஆணையம் கண்காணித்து வருகிறது என்றும், இதற்கான விதிமுறை களை ஒழுங்காக பின்பற்
றப்படுவதை ஆணையம் கவனித்து வருகிறதுஎன்றும், இணையமைச்சர் மாநிலங்களவையில் தெரிவித்தார்.
மேலும், நிலக்கரியின் தரத்திற்கு தகுந்த விலை கிடைக்கவும், நிலக்கரி வர்த்தகம் சீராக நடைபெறவும் ஆணையம் உதவி செய்கிறது என்றும்,வசதிகள் மீறப்படும் போது தேவையான ஆய்வுகளை மேற்கொள்ளவும், சந்தையில் சீரான நிலைமை உருவாக்கவும் நிலக்கரி ஆணையத்தின் செயல் பாடுகள் உதவியாக உள்ளது என்றும், இதன் மூலம் தரத்திற்கு எற்ற நிலக்கரியின் விலையும் உறுதி செய்யப்படுகிறது என்றும். இம்முயற்சிகளால் இந்தியாவின் எரிசக்திபாதுகாப்பு உறுதி செய்யப் படுகிறது என்று ஒன்றிய அரசின் மாண்புமிகு நிலக்கரி மற்றும் சுரங்கத் துறை இணையமைச்சர் திரு சதீஷ் சந்திர துபே அவர்கள் மாநிலங் களவையில் திமுக மேலவை உறுப்பினர் திரு. எஸ்.ஆர். சிவலிங்கம் எழுப்பிய கேள்விக்கு விரிவான பதிலை அளித்துள்ளார்.