சென்னை,ஆக.6–
உதயநிதி ஸ்டாலின் கைது செய்ததை கண்டித்து காஞ்சிபுரம் வடக்கு மாவட்டத்தில் 15 இடங்களில் கழகத்தினர் பெருந்திரளாக திரண்டு சாலை மறியல் போராட்டத்தில் ஈடுபட்ட முன்னாள் அமைச்சர் தா.மோ.அன்பரசன் – முன்னாள் சட்டமன்ற உறுப்பினர்கள் இ.கருணாநிதி – எஸ்.ஆர்.ராஜா உள்ளிட்ட 5 ஆயிரத்திற்கும் மேற்பட்ட கழகத்தினரை காவல்துறையினர் கைது செய்தனர். இம்மறியல் போராட்டத்தில் ஈடுபட்ட கழகத்தினர் காவல் துறையையும் த.வெ.க. அரசையும் கண்டித்து கண்டன முழக்கங்களை எழுப்பினார்கள்.
தமிழ்நாடு எதிர்க்கட்சித் தலைவர் – கழக இளைஞர் அணி செயலாளர் உதயநிதி ஸ்டாலின் அவர்களை நேற்று காலை பொய் வழக்கில் கைது செய்தனர்.
எதிர்க்கட்சித் தலைவர் உதயநிதி ஸ்டாலின் கைது செய்ததைக் கண்டித்து காஞ்சிபுரம் வடக்கு மாவட்ட தி.மு.க. சார்பில் 15 இடங்களில் கழகத்தினர் பெருந்திரளாக திரண்டு ஊர்வலமாகச் சென்று கண்டன முழக்கங்களை எழுப்பி சாலை மறியல் போராட்டத்தில் ஈடுபட்டனர்.
காஞ்சிபுரம் வடக்கு மாவட்டம், குன்றத்தூர் முஸ்லீம் தெருவில் இருந்து காஞ்சிபுரம் வடக்கு மாவட்டக் கழகச் செயலாளர் – முன்னாள் அமைச்சர் தா.மோ.அன்பரசன் அவர்கள் தலைமையில் கழகத்தினர் அணி திரண்டு காவல் துறையையும் – த.வெ.க. அரசையும் கண்டித்து கண்டன முழக்கங்களை எழுப்பிக்கொண்டே ஊர்வலமாக புறப்பட்டு சென்றனர்.
குன்றத்தூர் பேருந்து நிலையத்தில் அமர்ந்து சாலை மறியல் போராட்டத்தில் ஈடுபட்டனர். முன்னாள் அமைச்சர் தா.மோ.அன்பரசன், மாங்காடு நகரச் செயலாளர் பட்டூர் எஸ்.ஜபருல்லா, குன்றத்தூர் வடக்கு ஒன்றியச் செயலாளர் ஏ.வந்தேமாதரம், குன்றத்தூர் மத்திய ஒன்றியச் செயலாளர் இ.மணி, குன்றத்தூர் நகரச் செயலாளர் கோ.சத்தியமூர்த்தி உள்ளிட்ட 600–க்கும் மேற்பட்ட கழகத்தினரை காவல் துறையினர் கைது செய்தனர்.
குரோம்பேட்டை பேருந்துநிலையம் முன்பு மண்டல குழுத் தலைவர் – பகுதி செயலாளர் இ.ஜோசப் அண்ணாதுரை தலைமையிலும், பகுதி செயலாளர்கள் ஏ.கே.கருணாகரன், இ.எஸ்.பெர்னாட் ஆகியோர் முன்னிலையிலும் நடைபெற்ற சாலை மறியல் போராட்டத்தில் 500–க்கும் மேற்பட்ட கழகத்தினர் கைது செய்யப்பட்டனர்.
தாம்பரம் பேருந்து நிலையம் அம்பேத்கர் சிலை அருகில் தாம்பரம் மாநகரச் செயலாளர் எஸ்.ஆர்.ராஜா அவர்கள் தலைமையிலும், பகுதி செயலாளர்கள் டி.காமராஜ், எஸ்.இந்திரன், இரா.சுரேஷ் ஆகியோர் முன்னிலையிலும் சாலை மறியல் போராட்டம் நடைபெற்றது. தாம்பரம் மாநகராட்சி மேயர் க.வசந்தகுமாரி உள்ளிட்ட 500–க்கும் மேற்பட்ட கழகத்தினர் கைது செய்யப்பட்டனர்.
பம்மல் இரட்டைப் பிள்ளையார் கோயில் அருகில் பகுதி செயலாளர்கள் வே.கருணாநிதி – த.ஜெயகுமார் ஆகியோர் தலைமையில் கண்டன ஆர்ப்பாட்டம் நடைபெற்றது. மாநகராட்சி துணை மேயர் கோ.காமராஜ், மாநகர துணைச் செயலாளர் இரா.நரேஷ்கண்ணா, மாவட்ட மாணவர் அணி துணை அமைப்பாளர் எல்.பிரபு, மாவட்ட தகவல் தொழில்நுட்ப அணி அமைப்பாளர் ரவிச்சந்திரன், மாநகர இளைஞர் அணி அமைப்பாளர் பி.கே.ஏ.சத்தியப்பிரபு, துணை அமைப்பாளர் ச.பிரபு உள்ளிட்ட 500–க்கும் மேற்பட்ட கழகத்தினரை காவல் துறையினர் கைது செய்தனர்.
ஆலந்தூர் ஆதம்பாக்கம் அம்பேத்கர் திடல் அருகே பகுதி செயலாளர்கள் என்.சந்திரன், பி.குணாளன் ஆகியோர் தலைமையில் நடைபெற்ற சாலை மறியல் போராட்டத்தில் மாவட்ட இளைஞர் அணி அமைப்பாளர் கோல்டு டி.பிரகாஷ் உள்ளிட்ட 450 கழகத்தினர் கைது செய்யப்பட்டனர்.
படப்பை பஜாரில் குன்றத்தூர் தெற்கு ஒன்றியச் செயலாளர் – காஞ்சிபுரம் மாவட்ட ஊராட்சி தலைவர் படப்பை ஆ.மனோகரன் தலைமையில் நடைபெற்ற சாலை மறியல் போராட்டத்தில் 250–க்கும் மேற்பட்ட கழகத்தினரும்.
திருப்பெரும்புதூர் பேருந்து நிலையம் மணிக்கூண்டு அருகில் ஒன்றியச் செயலாளர்கள் எஸ்.டி.கருணாநிதி – ந.கோபால் – நகரச் செயலாளர் ஆஎ.சதீஷ்குமார் ஆகியோர் தலைமையில் நடைபெற்ற மறியல் போராட்டத்தில் 250–க்கும் மேற்பட்ட கழகத்தினரும் கைதானார்கள்.
மறைமலைநகர் பேருந்து நிலையம் அருகே மறைமலைநகர் வடக்கு நகரச் செயலாளர் ஜெ.சண்முகம் தலைமையிலும், தெற்கு நகரச் செயலாளர் த.வினோத்குமார் – காட்டாங்குளத்தூர் மத்திய ஒன்றியச் செயலாளர் கே.பி.ராஜன் முன்னிலையிலும் நடைபெற்ற மறியல் போராட்டத்தில் மாவட்ட துணைச் செயலாளர் து.மூர்த்தி உள்ளிட்ட 250–க்கும் மேற்பட்ட கழகத்தினர் கைது செய்யப்பட்டனர்.
நந்திவரம் – கூடுவாஞ்சேரி பேருந்து நிலையம் அருகில் நகரச் செயலாளர் எம்.கே.டி.கார்த்திக் தலைமையிலும், காட்டாங்குளத்தூர் வடக்கு ஒன்றியச் செயலாளர் எம்.டி.லோகநாதன் முன்னிலையிலும் நடைபெற்ற சாலை மறியல் போராட்டத்தில்
நகர மன்றத் தலைவர் பொறுப்பு ஜி.கே.லோகநாதன், கஜா (எ) கஜேந்திரன், ஏ.கருணாகரன், ஜான் தினகரன், பெப்சி கண்ணன் உள்ளிட்ட 400–க்கும் மேற்பட்ட கழகத்தினர் கைது செய்யப்பட்டனர்.
திருக்கழுக்குன்றம் பேருந்து நிலையம் அருகில் முன்னாள் சட்டமன்ற உறுப்பினர் வீ.தமிழ்மணி தலைமையிலும் மாவட்டப் பொருளாளர் வெ.விசுவநாதன், பேரூர் செயலாளர் ஜி.டி.யுவராஜ் ஆகியோர் முன்னிலையிலும் நடைபெற்ற மறியல் போராட்டத்தில் பொதுக்குழு உறுப்பினர் செல்வகுமார் உள்ளிட்ட 250 கழகத்தினர் கைதானார்கள்.
திருப்போரூர் பேருந்து நிலையம் அருகில் திருப்போரூர் தெற்கு ஒன்றியச் செயலாளர் பையனூர் எம்.சேகர், திருப்போரூர் பேரூர் செயலாளர் மு.தேவராஜ் ஆகியோர் தலைமையில் நடைபெற்ற சாலை மறியல் போராட்டத்தில் ஈடுபட்ட தலைமைச் செயற்குழு உறுப்பினர் ஜி.சி.அன்புச்செழியன், மாவட்ட இளைஞர் அணி துணை அமைப்பாளர் வீ.விஜயகுமார், பேரூராட்சி துணைத் தலைவர் பரசுராமன் உள்ளிட்ட 250 கழகத்தினரை கைது செய்தனர்.
செங்கல்பட்டு பழைய பேருந்து நிலையம் அருகில் நகரச் செயலாளர் எஸ்.நரேந்திரன், காட்டாங்குளத்தூர் தெற்கு ஒன்றியச் செயலாளர் ப.சந்தானம் ஆகியோர் தலைமையில் நடியாபெர்ற சாலை மறியல் போராட்டத்தில் தலைமைச் செயற்குழு உறுப்பினர் க.அன்புச்செல்வன், பொதுக்குழு உறுப்பினர் செ.அருள்தேவி உள்ளிட்ட 200–க்கும் மேற்பட்ட கழகத்தினர் கைதானார்கள்.
புனிததோமையர்மலை வடக்கு ஒன்றியத்தின் சார்பில் மூவரசம்பட்டில் ஒன்றியச் செயலாளர் ஜி.கே.ரவி தலைமையில் நடைபெற்ற மறியல் போராட்டத்தில் ஊராட்சி ஒன்றிய துணைத் தலைவர் ப.பிரசாத், ஒன்றிய துணை செயலாளர் செல்வராஜ், பொருளாளர் ராஜா உள்ளிட்ட 200 கழகத்தினரும்.
அகரம் தென் ஊராட்சியில் ஊராட்சி மன்றத் தலைவர் அகரம் ஜெகன் தலைமையில் 100 கழகத்தினரும் கைது செய்யப்பட்டனர்.
காஞ்சிபுரம் வடக்கு மாவட்டம் முழுவதும் மொத்தமாக 15 இடங்களில் நடைபெற்ற சாலை மறியல் போராட்டத்தில் 5 ஆயிரத்திற்கும் மேற்பட்ட கழகத்தினரை காவல் துறையினர் கைது செய்தனர்.