சென்னை, ஆக.6–
மக்கள் பிரச்சினை களுக்காகக் குரல் கொடுக்கும் சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களைக் கைது செய்தது த.வெ.க. அரசின்அப்பட்டமான அடக்குமுறை என இந்திய குடியரசுக் கட்சியின் மாநிலத் தலைவர்செ.கு.தமிழரசன் கடும் கண்டனம்தெரிவித்துள்ளார்.
இது குறித்து அவரது அறிக்கை வருமாறு:–
மக்களாட்சி தத்துவத்தின் வழியில், மக்கள் நலன் சார்ந்த பிரச்சனைகளுக்கா கவும், மக்களின் உரிமைகளுக்காகவும் ஜனநாயக முறையில் போராட்டத்தில் ஈடுபட்ட எதிர்க்கட்சித் தலைவர் உதயநிதி ஸ்டாலின் அவர்களைக் காவல்துறை மூலம் கைது செய்திருப்பது மிகுந்த அதிர்ச்சியளிக்கிறது.
அரசின் இந்த அப்பட்டமான அடக்குமுறை நடவடிக்கையை இந்திய குடியரசு கட்சியின் சார்பில் மிகக் கடுமையாகக் கண்டிக்கிறேன். ஜனநாயக நாட்டின் முதுகெலும்பாக விளங்குவது எதிர்க்கட்சிகளின் குரல்தான். அரசமைப்புச் சட்டம் வழங்கியுள்ள அடிப்படை உரிமைகளின்படி, மக்கள் சார்ந்த பிரச்சனைகளில் கண்டனத்தைப் பதிவு செய்வதும், போராட்டம் நடத்துவதும் எதிர்க்கட்சிகளின் ஜனநாயகக் கடமையாகும். அதை அடக்கு முறையின் மூலம் நசுக்க நினைப்பது மக்களாட்சி நெறிமுறைகளுக்கே எதிரானது.
மாநிலத்தின் உரிமைகளுக்காகவும், மக்களின் நலனுக்காகவும் தொடர்ந்து களத்தில் நின்று குரல்
கொடு த்து வரும் எதிர்க்கட்சித் தலைவரின் குரலை முடக்க நினைக்கும் எந்தவொருமுயற்சியும் ஒருபோதும் வெற்றி பெறாது. அடக்குமுறைகளை ஏவி எதிர்க்கட்சிகளின் ஜனநாயகப் போராட்டங்களை ஒடுக்கிவிடலாம் என்று அரசு நினைப்பது முற்றிலும் தவறான அணுகுமுறையாகும்.
எனவே, கைது செய்யப்பட்டுள்ள எதிர்க்கட்சித் தலைவர் உதயநிதி ஸ்டா லின் அவர்களை எந்தவித நிபந்தனையுமின்றி உடனடியாக விடுதலை செய்ய வேண்டும் என்று இந்திய குடியரசு கட்சியின் சார்பில் வலியுறுத்துகிறேன்.
இவ்வாறு இந்திய குடியரசு கட்சி மாநிலத் தலைவர் செ.கு.தமிழரசன் கூறியுள் ளார்.