மதுரை, ஆக.6–
மதுரை தெற்கு மாவட்ட தி.மு.க. சார்பாக முத்தமிழ் அறிஞர் தலைவர் கலைஞர் அவர்களின் 8ஆம் ஆண்டு நினைவு தினத்தை முன்னிட்டு வருகிற 7 ஆம் தேதி திருமங்கலம் கழக அலுவலகத்தில் அன்னாரது திருவுருவப்படத்திற்கு
மாலை அணிவித்து மரியாதை செலுத்தப்பட உள்ளதாகவும் இதில் கழகத்தினர் பெரும் திரளாக பங்கேற்க வேண்டும் என தெற்கு மாவட்ட செயலாளர் சேடபட்டி மு.மணிமாறன் எம் எல் ஏ தமது அறிக்கையின் மூலம் தெரி வித்துள்ளார்.
அதன் விபரம் வருமாறு:–
உலகத் தமிழர்களின் ஒப்பற்ற தலைவராக விளங்கிய, தமிழினத்தலைவர், முன்னாள் முதல்வர்
கலைஞர் அவர்களின் 8ஆம் ஆண்டு நினைவு நாளையொட்டி வருகிற 7ஆம் தேதி வெள்ளிக்கிழமை அன்று காலை 9.00 மணிக்கு திருமங்கலத்தில் அமைந்துள்ள மதுரை தெற்கு மாவட்ட கழக அலுவலகத்தில் மலர்களால் அலங்கரிக்கப்பட்ட முத்தமிழறிஞர் தலைவர் கலைஞர் அவர்களின் திருவுருவப்படத்திற்கு மாலை அணிவித்து மலர் தூவி மரியாதை செலுத்தபட உள்ளது.
இந்நிகழ்வில் மதுரை தெற்கு மாவட்ட கழக நிர்வாகிகள், தலைமைச் செயற்குழு பொதுக்குழு உறுப்பினர்கள், சார்பு அணிகளின் மாநில நிர்வாகிகள், ஒன்றிய நகர பகுதி பேரூர் செயலாளர்கள் - நிர்வாகிகள்- மாவட்ட பிரதிநிதிகள், வட்ட வார்டு கிளைக் கழக செயலாளர்கள் - நிர்வாகி கள், அனைத்து அணியின் மாவட்ட ஒன்றிய நகர பகுதி பேரூர் அமைப்பாளர்கள், தலைவர்கள் துணைத் தலைவர்கள், மற்றும் துணை அமைப்பாளர்கள், உள்ளாட்சி அமைப்புகளின் இந்நாள் முன்னாள் பிரதிநிதிகள், கழக முன்னோடிகள், உயிரினும் மேலான கழக உடன்பிறப்புகள் என அனைவரும் முத்தமிழறிஞர் தலைவர் கலைஞர் அவர்களின் நினைவு நாள் நிகழ்வில் பங்கேற்று அன்னாரின் நினைவை போற்றி அஞ்சலி செலுத்த பெருந்திரளாக கலந்து கொள்ளுமாறும்,
மேலும் ஒன்றிய நகரப் பகுதி பேரூர் மற்றும் வட்ட வார்டு கிளைக் கழகங்கள் தோறும் தமிழினத் தலைவர் முத்தமிழறிஞர் தலைவர் கலைஞரின் அவர்களின் சாதனைகளை எடுத்துக் கூறி அன்னாரின் திரு வுருவப்படத்திற்கு கழக நிர்வாகிகள் அனைவரும் மாலை அணிவித்து மரியாதை செலுத்துமாறும் தெற்கு மாவட்ட செயலாளர்
சேடபட்டி மு.மணிமாறன்எம் எல் ஏ தமது அறிக்கையின் மூலம் கழகத்தினருக்கு வேண்டுகோள் விடுத்துள்ளார்.