புதுடெல்லி, ஆக. 6 –
எதிர்க்கட்சித் தலைவர் உதயநிதி ஸ்டாலின் அவர்கள் கைது செய்யப்பட்டதைக் கண்டித்து நாடாளுமன்றத்தில் தி.மு.க. எம்.பி.க்கள் தொடர் முழக்கம் எழுப்பினர். இதனால், இரு அவைகளும் அடுத்தடுத்து ஒத்திவைக்கப்பட்டன.
சட்டமன்ற எதிர்க்கட்சித் தலைவர் உதயநிதி ஸ்டாலின் அவர்களைக் கைது செய்த தமிழ்நாடு அரசின் அராஜக நடவடிக்கைகளைக் கண்டித்து, நாடாளுமன்ற இரு அவைகளி லும் தி.மு.க. உறுப்பினர்கள் முழக்கங்களை எழுப்பினர்.
மக்களவையில் பேசிய தி.மு.க. குழுத் தலைவர் டி.ஆர்.பாலு, காவிரி விவகாரத்தில் போராட்டம் நடத்தியதற்காக, தமிழ்நாட்டின் எதிர்க்கட்சித் தலைவர் உதயநிதி ஸ்டாலின் அவர்கள் கைது செய்யப்பட்டுள்ளதாக தெரிவித்தார்.
தொடர்ந்து அவருக்கு பேச சபாநாயகர் அனுமதி மறுத்ததால், தி.மு.க. எம்.பி.க்கள் அவையின் மையப்பகுதிக்கு வந்து தொடர் முழக்கங்களை எழுப்பினர். இதனால், மக்களவை பிற்பகல் 2 மணி வரை ஒத்திவைக்கப்பட்டது.
மாநிலங்களவை
இதேபோல், மாநிலங்களவையிலும் தி.மு.க. குழுத் தலைவர் திருச்சி சிவா இப்பிரச்சினையை எழுப்பினார்.
அப்போது பேசிய அவர், தமிழ்நாட்டில் பேச்சு சுதந்திரம் இல்லை, போராட்டம் நடத்திய எதிர்க்கட்சித் தலைவரை கைது செய்துள்ளனர் என்று சாடினார்.
தொடர்ந்து அவருக்கு பேச சபாநாயகர் அனுமதி மறுத்ததால், தி.மு.க. எம்.பி.க்கள் தொடர்முழக்கங்களை எழுப்பினர்.
இதனால், மாநிலங்களவையும் ஒத்திவைக்கப்பட்டது.
நாடாளுமன்ற வளாகத்தில் தி.மு.க. எம்.பி.க்கள் கண்டன ஆர்ப்பாட்டம்!
முன்னதாக, நாடாளுமன்ற வளாகத்தில் தி.மு.க. எம்.பி.க்கள் கண்டன ஆர்ப்பாட்டம் நடத்தினர்.
பொய்யான வழக்கை பதிவு செய்து தமிழ்நாடு எதிர்க்கட்சித் தலைவர் உதயநிதி ஸ்டாலின் அவர்களைக் கைது செய்திருக்கும் த.வெ.க. அரசைக் கண்டித்து மக்களவை தி.மு.க. குழு தலைவர் டி.ஆர்.பாலு தலைமையில், தி.மு.க. எம்.பி.க்கள் போராட்டத்தில் ஈடுபட்டனர்.
அப்போது, த.வெ.க. அரசின் அராஜகப் போக்கைக் கண்டித்து கண்டன முழக்கம்எழுப்பினர்.