சென்னை, ஆக.6–
சட்டமன்ற எதிர்க்கட்சித் தலைவர் உதயநிதி ஸ்டாலின் அவர்கள் கைது செய்யப்பட்டதைக் கண்டித்து அறிக்கை வெளியிட்டுள்ள திராவிட இயக்கத் தமிழர் பேரவையின் தலைவர் சுப.வீரபாண்டியன்,‘ ‘நீதிமன்ற அறிவுரையைப் புறக்கணித்ததோடு,நாட்டின் அமைதியைக் கெடுக்கும் இந்தச் செயலை த.வெ.க. அரசு மேற்கொண்டிருப்பது மிகுந்த கண்டனத்திற்குரியது’’ என்று குறிப்பிட்டுள்ளார்.
இதுகுறித்து அவரது அறிக்கை வருமாறு :–
திராவிட முன்னேற்றக் கழகத்தின் இளைஞர் அணிச் செயலாளரும், தமிழ்நாடு சட்டமன்ற எதிர்க்கட்சித் தலைவரு மான உதயநிதி ஸ்டாலின் அவர்கள் நேற்று காலை கைது செய்யப்பட்டிருக்கிறார்.
நேற்று முன்தினம் தஞ்சையில் நடைபெற்ற விவசாயி களுக்கான ஆர்ப்பாட்டத்தில், அவர் பேசிய ஒரு பேச்சை அடி ப்படையாக வைத்து, அவர் கைது செய்யப்பட்டு இருக்கிறார். அங்கு, தான் பேசாத செய்திகளை அரசு திரித்துச் சொல்வதாக உதயநிதியின் தரப்பில் கூறப்பட்டுள்ளது.
பகல் 12 மணி வரையில் கைது செய்ய வேண்டாம் என்று உயர் நீதிமன்ற நீதிபதி அறிவுறுத்திய பின்பும், காலை 11 மணிக்கு முன்பே அவர் கைது செய்யப்பட்டுள்ளார்.
இரு சமூகத்தினருக்கு இடையேகலவரத்தை உருவாக்க முயன்றதாகவும், பெண்களுக்கு எதிரான வன்கொடுமைத் தடுப்புச் சட்டத்தின் கீழுமாக, ஒன்பது பிரிவுகளில் உதயநிதியின் மீது வழக்கு தொடுக்கப்பட்டுள்ளதாகக் காவலிதுறையினர் கூறுகின்ற னர்.
இப்பிரிவுகளின் கீழ் கைது செய்யப்பட்டுள்ள ஒருவருக்கு. 5 ஆண்டு காலம் வரையில் சிறைத்தண்டனைவழங்கலாம் என்று வழக்கறிஞர்கள் கூறுகின்றனர்.
எனவே இது அரசின் அராஜகமான போக்காகவும், அப்பட்டமான பழிவாங்கும் நடவடிக்கையாகவும் உள்ளது. நாளை முதல் தொடங்கவிருக்கும் சட்டமன்றத் தொடர் கூட்டத்தில் எதிர்க்கட்சித் தலைவரைக் கலந்துகொள்ள விடாமல் தடுக்கும் நடவடிக்கையாகவும் இதனைப் பார்க்கலாம்.
நீதிமன்ற அறிவுரையைப் புறக்கணித்ததோடு, நாட்டில் அமைதியையும் கெடுக்கும் இந்தச் செயலை தமிழ்நாடு அரசு மேற்கொண்டு இருப்பதுமிகுந்த கண்டனத்திற்கு உரியது.
தமிழ்நாட்டின் இன்றைய சூழல், அறிவிக்கப்படாத அவசர நிலைக் காலம்போல இருக்கிறது. தமிழ்நாடு அரசின் இப்போக்கை திராவிட இயக்கத் தமிழர் பேரவை, மிக மிகக் கடுமையாகக் கண்டிக்கிறது.
இவ்வாறு அவர் தனது அறிக்கையில் குறிப்பிட்டுள் ளார்.