அ
ந்த மழைத் துளிகள் கழகத்தின் இளந்தலைவருக்கு வானம் தூவிய வாழ்த்துப் பூக்கள்.
அவருக்கு சற்றும் தொடர்பில்லாத ஒரு வார்த்தையைப் பிடித்துத் தொங்கி வழக்குப் போட்ட த.வெ.க அரசின் மீதும் வக்காலத்து வாங்கிய ஊடக-நடுநிலை (அ)யோக்கியர்களின் மீதும் இயற்கைத் துப்பிய எச்சில்.
திராவிட இயக்கத்தின் மீது திட்டமிட்டு பூசப்படும் களங்கச் சேற்றை மீண்டும் ஒரு முறை சட்டப்பூர்வமாகக் கழுவக்
கூடிய வாய்ப்பைத் தந்திருக்கிறது அந்த மழை.
கலைஞரின் அரசியல் களமான தஞ்சை மண்ணில் தன்னை இயக்கத்தின் நம்பிக்கைக்குரிய தலைவர் என மெய்ப்பித்திருக்கிறார் இளம் தலைவர். அவரை உச்சிமோந்து பாராட்டி
யிருக்கிறது அந்த மழை.
ஆட்சியில் இல்லாவிட்டாலும், ஆட்சியில் இருந்தபோது எந்தப் பலனும் கிடைக்காமல் போனாலும் அது பற்றியெல்லாம் துளியும் கவலையின்றி, தங்கள் உடம்பில் ஓடுவது கருப்பு-சிவப்பு ரத்தம் என்பதை தமிழ்நாடு முழுவதும் உணர்வுப்பூர்வமாகக் காட்டிய தி.மு.க. உடன்பிறப்புகள் முதன்மையான நன்றிக்குரியவர்கள். அவர்கள் அனைவருக்கும் இயற்கையின் முத்த மழை.
அடுத்த நன்றி, தி.மு.க.வின் கெத்தை மிகக் குறுகிய காலத்திற்குள் வெளிப்படுத்தும் வாய்ப்புக்கு காரணமான விஜய் அரசுக்கு! அதன் ஆணவத்தை வழித்துத் துடைத்து காவிரியில் சேர்க்கட்டும் அந்த மழை!