புதுடெல்லி, ஆக. 6 –
தொலைதூர ரயில்களில் வழங்கும் உணவின் தரம் மேம்படுத்தப்பட எடுக்கப்பட்ட நடவடிக்கைகள் என்ன? என்று மக்களவையில் சி. என். அண்ணாதுரை கேள்வி எழுப்பினார்.
அவரது கேள்விகள் வருமாறு
அ) கடந்த மூன்று ஆண்டுகளில் தமிழ்நாட்டிற்குச் சேவை வழங்கும் தொலைதூர ரயில்களில் வழங்கப்படும் தரம், சுகாதாரம் மற்றும் உணவுச் சேவைகள் குறித்து அரசு ஏதேனும் மதிப்பீட்டை மேற்கொண்டுள்ளதா, அப்படியெனில் அதன் விவரங்களை ஆண்டு வாரியாகத் தெரிவிக்கவும்;
(ஆ) மேற்கூறிய மாநிலத்திலிருந்து புறப்படும் அல்லது இந்த மாநிலத்தின் வழியே கடந்து செல்லும் ரயில்களில், அடிப்படை சமையலறைகளை (Base Kitchens) நவீனப்படுத்தவும், தரக் கட்டுப்பாட்டை வலுப்படுத்தவும், தொழில்நுட்பம் சார்ந்த கண்காணிப்பை அறிமுகப்படுத்தவும் மற்றும் உணவுப் பாதுகாப்பை மேம்படுத்தவும் அரசால் எடுக்கப்பட்ட அல்லது எடுக்கப்படவுள்ள நடவடிக்கைகள் யாவை;
(இ) தெற்கு இரயில்வே மண்டலத்தில் இயக்கப்படும் தொலைதூர ரயில்களில் சுகாதாரமான, சத்தான மற்றும் பாரம்பரிய தென்னிந்தியஉணவு வகைகளின் கிடைப்புத் தன்மையை விரிவுபடுத்த அரசு முன்மொழிகிறதா, அப்படியெனில் அதன் விவரங்கள் யாவை;
(ஈ) ரயிலுக்குள் வழங்கப்படும் உணவுச் சேவைகளை மேம்படுத்துவதற்காக மேற்கொள்ளப்பட்ட ஆய்வுகள், பயணிகளின் கருத்துப் பெறும் வழிமுறைகள் மற்றும் எடுக்கப்பட்ட திருத்த நடவடிக்கைகள் பற்றிய விவரங்கள்; மற்றும்
(உ) மேற்கூறிய மாநிலத்தில் தொலைதூர ரயில்களில் பயணம் செய்யும் பயணிகளுக்குப் பாதுகாப்பான, உயர்தரமான மற்றும் மலிவு விலையிலான உணவு கிடைப்பதை உறுதி செய்வதற்காக முன்மொழியப்பட்ட அல்லது முன்மொழியப்பட உள்ள அடுத்தடுத்த நடவடிக்கைகள் யாவை?
இவ்வாறு அவர் கேள்விகள் கேட்டிருந்தார்.
அதற்கு ரயில்வே இணை அமைச்சர் விரிவாகப் பதிலளித்தார்.