நாகை, ஆக 7-
நாகை மாவட்டக் கழகச் செயலாளர் என்.கௌதமன் வெளியிட்டுள்ள அறிக்கையில் கூறியிருப்ப தாவது.
தமிழ் மொழியை செம்மொழியாக்கி தமிழுக்கும், தமிழ் நாட்டிற்கும் பாதுகாப்பு அரணாக இருந்த முத்தமிழ் அறிஞர் கலைஞர் அவர்கள் தமிழ்நாடு சட்ட மன்ற தேர்தலில் போட்டியிட்ட 13 முறையும் வெற்றியை கண்டு 5 முறை 20 ஆண்டுகள் தமிழக முதல்வராக இருந்த போது அனைவருக்கும் பாதுகாப்பான குடி நீர் வழங்க தமிழகம் முழுவதும் மேல் நிலை நீர் தேக்க தொட்டியை அமைத்தும், கை ரிக்ஷாவை ஒழித்தும், மகளிர் சுய உதவி குழுவை உருவாக்கி, பள்ளி மாணவ, மாணவிகளுக்கு இலவச பஸ்பாஸ், முதல் பட்டதாரியின் படிப்பு செலவை அரசே ஏற்கும் திட்டம், கற்பினி பெண்களுக்கு உதவித் தொகை என எண்ணற்ற திட்டங்களை கொண்டு வந்த தமிழ்நாட்டிடன் வளர்ச்சிக்கு வித்திட்ட முத்தமிழ் அறிஞர் கலைஞர் அவர்கள் 50 ஆண்டுக்கு மேலாக தி.மு.க. தலைவர், 80 ஆண்டு பொதுவாக்கை, 70 ஆண்டு திரைத்துறை என கலை, இலக்கியம், எழுத்து என தான் தொட்ட துணை அனைத்திலும் கலைஞருக்கு நிகர் கலைஞர் என்று வாழ்ந்து பல பிரதமர்கள், ஜனாதிபதிகளை உருவாக்கிய மாபெரும் தலைவர் கலைஞர் அவர்களின் 8ம் ஆண்டு நினைவு நாளான இன்று 7.8.2024 காலை 7.00 மணிக்கு கலைஞர் பிறந்த திருக்குவளையில் உள்ள இல்லத்தில் வைக்கப்பட்டுள்ள கலைஞர் சிலைக்கு மாலை அணிவிக்கும் நிகழ்ச்சி நடைபெறுகிறது. அதைத் தொடர்ந்து நாகையில் மாவட்ட கழக அலுவலகமான தளபதி அறிவாலயத்தில் வைக்கப்பட்ட முத்தமிழ் அறிஞர் கலைஞர் சிலைக்கு மாலை அணிவித்து மரியாதை செலுத்தும் நிகழ்ச்சி நடைபெறுகிறது.
மேலும் கலைஞர் அவர்களின் நினைவு நாளை முன்னிட்டு நாகை மாவட்டத்தில் உள்ள கலைஞர் சிலைக்கு மாலை அணிவித்து மரியாதை செலுத்திட வேண்டும், மேலும் நாகை மாவட்டத்தில் உள்ள அனைத்து ஒன்றிய, நகர, பேரூர் பகுதியில் உள்ள கிளைகள், வார்டுகள் தோறும் கலைஞர் திருஉருவப் படத்தை வைத்து மாலை அணிவித்து மரியாதை செலுத்தி வேண்டும். இதற்காக ஏற்பாடுகளை ஒன்றிய நகர, பேரூர் செயலாளர்கள் செய்திட வேண்டும். இந் நிகழ்ச்சி களில் மாநில, மாவட்டக் கழக நிர்வாகிகள், தலைமைச் செயற்குழு பொதுக்குழு உறுப்பினர்கள், ஒன்றிய, நகர, பேரூர் கழக செயலாளர்கள், சார்பு அணிகளின் நிர்வாகிகள், உள்ளாட்சி அமைப்பு பிரதிநிநிதிகள், கிளை, வார்டு கழக நிர்வாகிகள், கழக செயல்வீரர்கள் அனைவரும் கலந்து கொண்டு சிறப்பித்திட வேண்டும். இவ்வாறு அந்த அறிக்கையில் நாகை மாவட்டக் கழகச் செயலாளர் என்.கௌதமன் கூறியுள்ளார்.