திருப்பூர், ஆக. 7–
தமிழினத் தலைவர், முத்தமிழறிஞர் கலைஞர் அவர்களின் 8-ம் ஆண்டு நினைவு நாளை முன்னிட்டு திருப்பூர் கிழக்கு மாவட்டக் கழகம் சார்பில் இன்று (7-ம் தேதி) இன்று தாராபுரத்தில் மாபெரும் அமைதிப் பேரணி மற்றும் கலைஞர் அவர்களின் திருவுருவச் சிலைக்கு மாலை அணிவித்து மரியாதை செலுத்தும் நிகழ்ச்சி கழக துணைப் பொதுச் செயலாளர், முன்னாள் அமைச்சர் மு.பெ.சாமிநாதன் தலைமையில், மகளிர் அணி துணை செயலாளர், முன்னாள் அமைச்சர் என்.கயல்விழி செல்வராஜ் நடைபெறுகிறது. இந்நிகழ்ச்சியில் திருப்பூர் கிழக்கு மாவட்டக் கழத்தினர் அனைவரும் பங்கேற்றிட வேண்டுமாய் மாவட்டக் கழகச் செயலாளர், திருப்பூர் மாநகராட்சி 4-ம் மண்டல தலைவர் இல.பத்மநாபன் விடுத்-துள்ளஅறிக்கையில் கேட்டுக் கொண்டுள்ளார்.
இதுகுறித்து அவரது அறிக்கை வருமாறு :- தந்தை பெரியார் அவர்களின் பகுத்தறிவு கொள்கையை நெஞ்சில் ஏந்தி, பேரறிஞர் அண்ணா அவர்களின் கடமை, கண்ணி-யம், கட்டுப்பாடு என்ற தி.மு.கழகத்தின் கொள்கையை நெஞ்சில் பதிய வைத்து தமிழ்நாட்டு முன்னேற்றத் திற்காக, தமிழ் மக்களின் முன்னேற்றத்திற்காக, தமிழ் மொழியின் வளர்ச்சிக்காக தன் வாழ்நாள் முழுவதையும் அற்பணித்த திராவிட இயக்கப் பெருந்தலைவர் முத்தமிழறிஞர் கலைஞர் அவர்கள் முதலமைச்சராக இருந்த போது பல முன்னோடித் திட்டங்களைத் தீட்டி தமிழ்நாட்டின் முன்னேற்-றத்திற்காக வழி வகுத்திட்டார். கலைஞர் அவர்களின் திட்டங்கள் தமிழ்நாட்-டிற்கு ஏன் இந்தியாவிற்கே முன்னோடித் திட்டங்களாக திகழ்ந்தன. குறிப்பாக கண்ணொளி வழங்கும் திட்டம், கை ரிக்ஷா ஒழிப்புத் திட்-டம், இரவலர் மறு வாழ்வுத் திட்டம், மன்னர் மானியம் ஒழிப்புத் திட்டம், வங்கி-கள், பேருந்துகள் தேசிய உடமை ஆக்கும் திட்டம், மாணவர்களுக்கு இலவச பேருந்து பயணத் திட்டம், சுதந்திரத் திருநாளில் மாநில முதல்வர்களே தேசிய கொடியை ஏற்றி வைக்கும் உரிமையைப் பெற்றுத் தந்தார், பெண்களுக்கு சொத்-தில் சமஉரிமை, அனைத்து சாதியினரும் அர்ச்சகராகலாம், சத்துணவில் முட்டை, பெண்களுக்கு உள்ளாட்சியில் இடஒதுக்கீடு, அரசு வேலைவாய்பில் பெண்களுக்கு முன்னுரிமை, மகளிர் சுய உதவிக்குழுக்கள், திருமண நிதி உதவித் திட்டம், மகப்-பேறு நிதி உதவித் திட்டம், ஏழை எளிய விவசாயிகளுக்கு இலவச நிலம், இலவச மின்சாரம், விவசாயி களுக்கு கூட்டுறவு கடன் ரத்து, ஒரு கிலோ அரிசி ஒரு ரூபாய், ரேஷன் கடைகளில் 10 வகையான மளிகைப் பொருட்கள் வழங்கும் திட்-டம், அண்ணா நூற்றாண்டு நூலகம், புதிய தலைமைச் செயலகம், அருந்ததியினர், இஸ்லாமியர்களுக்கு உள் ஒதுக்கீடு, மருத்துவம் உள்ளிட்ட உயர் படிப்புகளில் நுழைவுத் தேர்வு ரத்து இப்படி தமிழ்நாட்டிற்கு செய்த திட்டங்களை, தீட்டியத் திட்டங்களை அடுக்கிக் கொண்டே போகலாம்.
குறிப்பாக கலைஞர் அவர்கள் 14 வயது முதல் 95 வயது உரை கடைசி மூச்சு உள்ள வரை உழைத்த உத்தமத் தலைவர் – தமிழினத் தலைவர் கலைஞர் அவர்கள் நம்-மையெல்லாம் உடலால் விட்டு 7.8.2018 அன்று பிரிந்தார். நம்மை விட்டு உட-லால் பிரிந்தாலும் நம் உள்ளத்தில், ஏன் ஒவ்வொரு தமிழரின் உள்ளத்திலும் என்-றென்றும் நிலைத்து நிற்கும் முத்தமிழறிஞர் கலைஞர் அவர்களின் ஆகஸ்ட் 7-ம் தேதி 8-ம் ஆண்டு நினைவு நாள் ஆகும். கலைஞர்அவர்களின் 8-ம் ஆண்டு நினைவு நாளை முன்னிட்டு, கழகத் தலைவர் மு.க.ஸ்டாலின் அவர்களின் வழிகாட்டுதலின்படி, கழக இளைஞர் அணிச் செயலாளர், தமிழ்நாடு எதிர்க்கட்சித் தலைவர் உதயநிதி ஸ்டாலின் அவர்களின் அறிவுறுத்தலின் படி, 7.8.2026 வெள்ளிக்கிழமை அன்று காலை 8.00 மணிக்கு கழக துணைப் பொதுச் செயலாளர், முன்னாள் அமைச்சர் மு.பெ.சாமிநாதன் தலைமையில், மகளிர் அணி துணை செயலாளர், முன்னாள் அமைச்சர் என்.கயல்விழி செல்வராஜ் (மாவட்டச் செயலாளர் இல.பத்மநாபன் ) ஆகிய எனது முன்னிலையில் மாபெரும் அமைதிப் பேரணி நடைபெறுகின்றது.
எனவே இந்நிகழ்ச்சியில் மாநில, மாவட்ட கழக நிர்வாகிகள், ஒன்றிய, நகர, பேரூர் கழக , கிளைக் கழக செயலாளர், நிர்வாகிகள், தலைமைச் செயற்குழு, பொதுக்குழு உறுப்பினர்கள், சட்டமன்ற முன்னாள் உறுப்பினர்கள், நாடாளு-மன்ற உறுப்பினர் உள்ளிட்ட அனைத்து அணிகளின் நிர்வாகி கள், உள்ளாட்சி மன்-றப் பிரதிநிதி கள், கழக முன்னணித் தோழர்கள் அனைவரும் நமது அரசியல் ஆசான், முத்தமிழறிஞர் கலைஞர் அவர்களின் நினைவு நாள் அமைதி பேரணி மற்-றும் திருவுருவப் படத்திற்கு மாலை அணிவித்து மரியாதை செலுத்தும் நிகழ்ச்சியில் பங்கேற்று, கலைஞர் அவர்களின் புகழ்க்கு மேலும் புகழ் சேர்க்கும் வகையில் அனைவரும் தவறாமல் வருகை தர வேண்டுமாய் அன்புடன் கேட்டுக் கொள்கி-றேன்.
திருப்பூர் கிழக்கு மாவட்டத்திற்கு உட்பட்ட பகுதிகளில் முத்தமிழ் அறிஞர் கலைஞர் திருவுருவச் சிலைக்கு மாலை அணிவித்து மரியாதை செலுத்த வேண்டுமாய் கேட்டுக்கொள்கிறேன்
இவ்வாறு அவர் அறிக்கையில் கேட்டுக் கொண்டுள்ளார்.