சென்னை, ஆக.7–
ஆதிதிராவிடர் நலக்குழுவினருக்கு செயலாளர் ஆ.கிருஷ்ணசாமி விடுத் துள்ள அறிக்கை வருமாறு:–
தகைமைசால் தலைவராக – எழுத்தாளராக – கவிஞராக – சொற்பொழிவாளராக – திரைக்கதை வசன கர்த்தாவாக – இலக்கியவாதியாக – திரைப்படத் தயாரிப்பாளராக – தலைசிறந்த நிர்வாகியாக – தமிழகத்தின் ஐந்து முறை முதலமைச்ச ராக – உலகத் தமிழர்களின் ஒப்பற்ற தலைவராக விளங்கிய வரும், திராவிட இயக்கத்தின் போர்வாட்களில் ஒருவராகத் தமது பொதுவாழ்வைத் தொடங்கி, பின்னர், காஞ்சி தந்த காவியத் தலைவர் அறிஞர் அண்ணா அவர்களோடு திராவிட முன்னேற்றக் கழகத்தில் தொடர்ந்து பணியாற்றி, அண்ணா அவர்களின் மறைவுக்குப் பிறகு, திராவிட முன்னேற்றக் கழகத்தின் தலைவராக ஏறத்தாழ 50 ஆண்டுகள் பொறுப்பு வகித்து, அகில இந்திய அரசியலில் சிறந்த வழிகாட்டியாகத் திகழ்ந்து, தமிழக வரலாற்றில் தமக்கென்று பல பக்கங்களை ஒதுக்கிக்கொண்ட முத்தமிழறிஞர் தமிழினத் தலைவர் கலைஞர் அவர்களின் 8வது நினைவுநாளான ஆகஸ்ட் 7, வெள்ளிக்கிழமை காலை 8.00 மணிக்கு சென்னை, அண்ணா சாலை, ஓமந்தூரார் வளாகத்தில் அமைந்துள்ள முத்தமிழறிஞர் கலைஞர் சிலை அருகிலிருந்து புறப்பட்டு, காமராஜர் சாலையில் அமைந்துள்ள கலைஞர் நினைவிடத்தில் அஞ்சலி செலுத்திட கழகத் தலைவர் மு.க.ஸ்டாலின் அவர்கள் தலைமையில் நடைபெற உள்ள “அமைதிப் பேரணி”யில் தி.மு.க. ஆதிதிராவிடர் நலக்குழு மாநில நிர்வாகி கள், மற்றும் அனைத்து மாவட்டத்திலுள்ள அமைப்பாளர் – துணை அமைப்பாளர்களும் மற்றும் தோழர்கள் பெருந்திரளாக கலந்து கொண்டு முத்தமிழறிஞர் கலைஞர் அவர்களின் நினைவு போற்றி அஞ்சலி செலுத்திட வேண்டுமென கேட்டுக் கொள்வதோடு;
முத்தமிழறிஞர் கலைஞர் அவர்கள் தலைமையில் கழக ஆட்சி நடைபெற்ற போதெல்லாம், நம் சமுதாய மக்கள் கோரிக்கை வைக்காமலேயே ஆதிதிராவிடர் மக்களுக்காக பல்வேறுநலத்திட்டங்களை அறிவித்து என்றும் ஆதிதிராவிடர் மனதில் நீங்கா இடம் பெற்ற ஆதிதிராவிடர் சமுதாயத்தின் விடிவெள்ளி முத்தமிழறிஞர் கலைஞர் அவர்களுக்கு நன்றி தெரிவிக்கும் விதமாக அவரது நினைவு நாளான ஆகஸ்ட்–7 அன்றும் தமிழ்நாடு முழுவதும் உள்ள ஆதிதிராவிடர் நலக்குழு மாநில மற்றும் மாவட்ட, ஒன்றிய, நகர, பேரூர் நிர்வாகிகள் தத்தமது பகுதியில் முத்தமிழ றிஞர் கலைஞர் அவர்களின் திருவுருவப் படத்தை வைத்து, மலர்மாலை சூட்டி அவரது நினைவை போற்றிட வேண்டுமென கேட்டுக் கொள்கிறேன்.
இவ்வாறு அவர் தெரிவித்துள்ளார்.