புதுடெல்லி, ஆக. 7
வட சென்னை நாடாளுமன்ற உறுப்பினர்டாக்டர்.கலாநிதி வீராசாமிஒன்றிய சுகாதார மற்றும் குடும்ப நலத்துறை அமைச்சர் ஜெகந் பிரகாஷ் நட்டா அவர்களுக்கு எழுதியுள்ள கடிதத்தில், கடந்த ஜூன் மாதம் நடைபெற்ற வெளிநாட்டு மருத்துவப் பட்டதாரிகளுக்கான தகுதி (FMG) தேர்வில் மிகக்
குறைந்த அளவு , அதாவது 12.78 சதவிகித மருத்துவர்களே தேர்ச்சி பெற்றுள்ளனர். தேர்வு முறையும், வினாத்தாட்கள் அமைப்பும் மட்டுமே இந்த குறைந்த அளவு தேர்ச்சிக்கு காரணம் என இத்தேர்வு எழுதிய மருத்துவப் பட்டதாரிகள் குற்றம் சாட்டுகின்றனர். எனவே தேர்வு முறையை மாற்ற வேண்டும் என்றும் கோரியுள்ளனர்.
அவர் தனது கடிதத்தில், ஜூன் 2026 FMGE தேர்வில்36,280 பேர் தேர்வு எழுதிய நிலையில், வெறும் 4,635 பேர் மட்டுமே தேர்ச்சி பெற்றுள்ளனர். இதனால் தேர்ச்சி விகிதம் 12.78 சதவீதமாக சரிந்துள்ளது. கடந்த ஆண்டுகளை ஒப்பிடுகையில் இது குறிப்பிடத்தக்க வீழ்ச்சியாக இருப்பதால், தேர்வு முறை மற்றும் மதிப்பீட்டு நடைமுறைகள் குறித்து மாணவர்களிடையே கடும் அதிருப்தியும் சந்தேகமும் நிலவுவ தாக தெரிவித்துள்ளார்.
மேலும், இரண்டாவது வினாத்தாள் வழக்கத்தை விட மிகவும் கடினமாக இருந்ததாகவும், அதிகளவில் Clinical Scenario, Image–based மற்றும் Video–based வினாக்கள் இடம்பெற்றதால், ஒதுக்கப்பட்ட நேரத்திற்குள் அனைத்து வினாக்களுக்கும் பதிலளிக்க முடியவில்லை என மாணவர்கள் தெரிவித்துள்ளதாக அவர் குறிப்பிட்டுள்ளார். மேலும், 327 மாணவர்கள் வெறும் ஒரு மதிப்பெண் வித்தியாசத்தில் தேர்ச்சி வாய்ப்பை இழந்துள்ளதுடன், சுமார் 10,000 மாணவர்கள் 130 முதல் 149 மதிப்பெண்களுக்கு இடையில் பெற்றுள்ளனர் என்றும்சுட்டிக்காட்டி
யுள்ளார்.
எனவே, ஜூன் 2026 FMGE தேர்வின் வினாத்தாள் அமைப்பு, கடினத்தன்மை, மதிப்பீட்டு முறை ஆகியவற்றை சுயாதீனமாகவும் வெளிப்படையாகவும் ஆய்வு செய்ய வேண்டும் என்றும், தேர்வின் தரநிலைகள் மற்றும் பாடத்திட்டத்துடன் அதன் ஒத்திசைவு பரிசீலிக்கப்பட வேண்டும் என்றும் அவர் கோரியுள்ளார். மேலும், மாணவர்களின் நலனை கருத்தில்கொண்டு, ஒருமுறை மட்டும் தேர்ச்சி மதிப்பெண்ணில் தளர்வு வழங்குவது உள்ளிட்ட நியாயமான நிவாரண நடவடிக்கைகளையும்பரிசீலிக்க வேண்டும் என மத்தியஅரசை வலியுறுத்தியுள்ளார்.
இந்த விவகாரத்தில் மத்திய அரசு உடனடி தலையீடு செய்து, பாதிக்கப்பட்ட மாணவர்களின் நலன், வெளிப்படைத்தன்மை மற்றும் நீதி நிலைநாட்டும் வகையில் உரியநடவடிக்கைகளை எடுக்க வேண்டும் என்றுவடசென்னை நாடாளுமன்ற உறுப்பினர் டாக்டர் கலாநிதி வீராசாமி வலியுறுத்தியுள்ளார்.