புது­டெல்லி, ஆக.7

உதான் திட்­டத்­தின் கீழ் அறி­விக்­கப்­பட்ட வேலூர் விமான நிலை­யத்­தின் தற்­போ­தைய நிலை குறித்­தும், பல விமான நிலை­யங்­கள் செயல்­பாட்­டுக்கு வரா­தது குறித்­தும் ஒன்­றிய அர­சி­டம் தி.மு.க. எம்.பி. கிரி­ரா­ஜன் கேள்வி எழுப்பி உள்­ளார்.

நாடா­ளு­மன்­றத்­தின் இந்த ஆண்­டுக்­கான மழைக்­கால கூட்­டத்­தொ­ட­ரில் காலந்­து­கொண்­டு­வ­ரும் தி.மு.க.-வை சேர்ந்த நாடா­ளு­மன்ற உறுப்­பி­னர் இரா.கிரி­ரா­ஜன், உதான் திட்­டத்­தின் கீழ் அறி­விக்­கப்­பட்ட பல விமான நிலை­யங்­கள் இன்­னும் முழு­மை­ய­டை­யா­மல் இருப்­ப­தும், பணி­கள் முடிக்­கப்­பட்ட விமான நிலை­யங்­க­ளில் விமான சேவை எது­வும் இல்­லா­த­தும் உண்­மையா? இந்த திட்­டத்­தில் மாநில வாரி­யாக கட்டி முடிக்­கப்­பட்டு செயல்­பாட்­டில் உள்ள விமான நிலை­யங்­க­ளின் விவ­ரங்­கள் என்ன? அறி­விக்­கப்­பட்ட, ஆனால் பணி­கள் முடிக்­கப்­ப­டாத விமான நிலை­யங்­க­ளின் பட்­டி­யல்? இந்த திட்­டத்­தில் ஒதுக்­கப்­பட்ட மொத்த நிதி எவ்­வ­ளவு? உள்­ளிட்ட கேள்­வி­களை சிவில் விமான போக்­கு­வ­ரத்­துத் துறை அமைச்­ச­ரி­டம் எழுப்­பி­யி­ருந்­தார்.

இவற்­றுக்கு ஒன்­றிய அர­சின் சிவில் விமா­னப் போக்­கு­வ­ரத்­துத் துறை இணை அமைச்­சர் முர­ளி­தர் மோஹோல் அளித்­துள்ள பதி­லில், உதான் திட்­டத்­தின் கீழ் 17 ஹெலி­போர்ட்­கள் மற்­றும் 2 நீர்­வழி விமான நிலை­யங்­கள் உட்­பட மொத்­தம் 95 விமான நிலை­யங்­கள் உரு­வாக்­கப்­பட்டு செயல்­பாட்­டுக்கு வந்­துள்­ளன என்­றும்; இதற்­கான விமான நிலை­யங்­கள், ஹெலி­காப்­டர் நிலை­யங்­கள், நீர்­வழி விமான நிலை­யங்­க­ளைப் புன­ர­மைத்து மேம்­ப­டுத்­து­வ­தற்­காக, முதற்­கட்­ட­மாக ரூ.4,500 கோடி­யும், இரண்­டாம் கட்­ட­மாக ரூ. 1000 கோடி­யும் இது­வரை ஒதுக்­கீடு செய்­யப்­பட்­டுள்­ள­தாக தெரி­வித்­துள்­ளார்.

செயல்­பாடு மற்­றும் விமா­னம் தொடர்­பான கார­ணங்­க­ளால் தேஷ்­பூர், காண்ட்லா, டாட்யா, கோண்­டியா, பதான்­கோட், ஜெய்­சல்­மர், பாக்­யோங். குஷி­ந­கர், அலி­கார், அசம்­கர், சித்­ர­கூட், ஷ்ரவஸ்தி, மொரா­தா­பாத் மற்­றும் கூச் பெஹார் ஆகிய 14 விமான நிலை­யங்­க­ளில் திட்­ட­மி­டப்­பட்ட வணிக விமா­னச் செயல்­பா­டு­கள் தற்­கா­லி­க­மாக நிறுத்­தப்­பட்­டுள்­ளன என தெரி­விக்­கப்­பட்­டுள்­ளது.

வரும் 10 ஆண்­டு­க­ளில் 120 புதிய இடங்­க­ளை­யும், 4 கோடி பய­ணி­க­ளை­யும் இலக்­கா­கக் கொண்டு 2026 ஜூலை 4ஆம் தேதி உதான் திட்­டத்­தின் அடுத்த கட்ட பணி­கள் தொடங்­கப்­பட்­டுள்­ளது; 2026–-27 முதல் 2035–-36ஆம் நிதி ஆண்­டு­க­ளுக்கு இடை­யில் ரூ. 28,840 கோடி ஒதுக்­கீட்­டில் செயல்­ப­டுத்­தப்­ப­டும்; இதில் HINER எனப்­ப­டும் மலைப்­பாங்­கான, வட­கி­ழக்கு மற்­றும் வளர்ச்சி நோக்­கு­டைய மாநி­லங்­கள் அல்­லது மாவட்­டங்­க­ளில் விமான நிலைய மேம்­பாட்­டிற்கு ரூ.12,159 கோடி­யும், 200 ஹெலி­போர்ட்­க­ளின் மேம்­பாட்­டிற்கு ரூ. 3,661 கோடி­யும் அடங்­கும் என்­றும் சிவில் விமான போக்­கு­வ­ரத்து துறை தெரி­வித்­துள்­ளது.

தி.மு.க. எம்.பி. கிரி­ரா­ஜன், வேலூர் விமான நிலை­யத்­தின் தற்­போ­தைய நிலை மற்­றும் பணி­கள் நிறை­வ­டைய எவ்­வ­ளவு காலம் ஆகும் என எழுப்­பிய கேள்­விக்கு, பணி­கள் அனைத்­தும் நிறை­வ­டைந்­து­விட்­டா­லும், BCAS பாது­காப்பு அனு­மதி மற்­றும் DGCA உரி­மம் தொடர்­பான செயல்­மு­றை­கள் நடை­பெற்று வரு­வ­தாக ஒன்­றிய இணை அமைச்­சர் பதி­ல­ளித்­துள்­ளார்.