#Title

முத்தமிழறிஞர் கலைஞர் 8 ஆம் ஆண்டு நினைவு நாள்! மாங்காடு நகரம் முழுவதும் திருவுருவப்படத்திற்கு மலர் அஞ்சலி! நகரச் செயலாளர் பட்டூர் எஸ்.ஜபருல்லா வேண்டுகோள்!

காஞ்சிபுரம், ஆக.7--–

மாங்காடு நகர கழக செயலாளர் நகர மன்ற துணைத் தலைவர் பட்டூர் எஸ். ஜபருல்லா விடுத்துள்ள அறிக்கை வருமாறு:-

இன்று ( 07-.08.-2026 வெள்ளிக்கிழமை) முத்தமிழறிஞர் கலைஞர் அவர்களின் 8-வது நினைவு நாளினை முன்னிட்டு, மாங்காடு நகரத்திற்குட்பட்ட அந்தந்தவார்டு கழகத்தின் செயலாளர்கள்,தங்கள் வார்டு கழகத்தினை சேர்ந்த நகர கழக நிர்வாகிகள், நகராட்சிமன்ற உறுப்பினர் உள்ளிட்ட மூத்த முன்னோடிகள், கழக நிர்வாகிகள், அணிகளின் நிர்வாகிகள் மற்றுமுள்ள கழகத்தினர் அனைவரையும் அழைத்து, தமிழக மக்களின் வாழ்வு மறுமலர்ச்சி பெறவும் மூட நம்பிக்கைகளை ஒழித்து நாடு புத்தாக்கம் பெறவும்,தன் சிந்தனை, அரசியல் அறிவாற்றலால் எழுத்து, மேடைபேச்சு ஆகியவற்றின் மூலம் நம் இனம் மொழி வாழ தன் வாழ்நாளை அர்ப்பணித்து வாழ்ந்து,

மறைந்தும் நம் வாழ்நாளின் ஒவ்வொரு நொடியிலும் நம் நினைவில் வாழும் கலைஞரின் திருவுருவப் படத்தினை திறந்துவைத்து மலர் தூவி நினைவஞ்சலி செலுத்துவதுடன் மீண்டும் நம் திராவிட முன்னேற்றக் கழகத்தினை அரியணையில் ஏற்றிட உறுதியேற்போம்!

குறிப்பு :- 07-.08.-2026 காலை சரியாக 10.00மணிக்கு மாங்காடு மெயின் ரோட்டில் அமைந்துள்ள பேரறிஞர் அண்ணா சிலை அருகில் முத்தமிழறிஞருக்கு நினைவஞ்சலி செலுத்தும் நிகழ்ச்சி நடைபெறவுள்ளதால், நகரக்கழக நிர்வாகி கள், வார்டு கழகச் செயலாளர்கள்

உள்ளிட்ட நிர்வாகிகள், நகராட்சிமன்ற உறுப்பினர்கள், அணிகளின் நிர்வாகி கள் மற்றுமுள்ள கழகத்தினர் அனைவரும் இன்று காலை 9.30 மணி அளவில் நகரக் கழக அலுவலகத்துக்கு பெருந்திரளாக வருகை தரும்படி கேட்டுக்கொள்கிறேன்.

இவ்வாறு அவர் தெரிவித்துள்ளார்.