தேனி, ஆக.7–
முத்தமிழறிஞர் கலைஞர் அவர்களின் 8 ஆம் ஆண்டு நினைவு நாள் ஆகஸ்ட் 7 அன்று தேனி வடக்கு மாவட்டத்தில் முத்தமிழறி ஞர் கலைஞர் அவர்களின் திருஉருவப் படத்திற்கு மாலை அணிவித்து மரியாதை செலுத்தப்படுகிறது. என்று தேனி வடக்கு மாவட்ட கழகச் செயலாளரும், தேனி பாராளுமன்ற உறுப்பினர் தங்கதமிழ்செல்வன் அறிக்கையில் அறிவித்துள்ளார். இது குறித்து அவரது அறிக்கை பின்வருமாறு.
எழுத்துத் திறன், அரசியல் ஆளுமை, மற்றும் சமத்துவச் சிந்தனையால் உலகத் தமிழர்களின் நெஞ்சங்களில் நீங்காத பேரரசனாக இடம் பிடித்தவர் முத்தமிழறிஞர் கலைஞர். நாவில் செந்தமிழின் இனிமையையும், கம்பீரத்தையும், மென்மையையும், மேன்மையையும் ஒரே நேரத்தில் களிநடம் புரிய வைத்த மாபெரும் கன்னித்தமிழ் படைப்பாளி!
தன் பேனா முனையால் சமூகப் புரட்சியை ஏற்படுத்தி, மேடைப் பேச்சால் லட்சக்கணக்கான தொண்டர்களைக் கட்டிப்போட்ட காந்தக் குரலுக்குச் சொந்தக்கா ரர்.அரசியல் களத்தில் அவர் வெறும் தலைவராக மட்டுமன்றி, இந்திய அரசியலின் திசையைத் தீர்மானிக்கும் ஆற்றல்மிக்க முன்மாதிரி ஆளுமையாக விளங்கினார்.
அனைத்து மாநில முதலமைச்சர்களுக்கும், பல்வேறு தேசியக் கட்சித் தலைவர்களுக்கும் வழிகாட்டும் கலங்கரை விளக்கமாகத் திகழ்ந்தவர்.
“ஏழையின் சிரிப்பில் இறைவனைக் காண்போம்” என்ற கொள்கை வழி நின்று, தமிழகத்தின் ஒவ்வொரு கிராமத்திலும் அவர் தீட்டி நிறைவேற்றிய தொலைநோக்குத் திட்டங்களான உழவர் சந்தை, இலவச மின்சாரம், மகளிர் சுயஉதவிக் குழுக்கள், சமத்துவ புரங்கள் மற்றும் கலைஞர் காப்பீட்டுத் திட்டம் போன்ற வரலாற்றுச் சிறப்புமிக்க சாதனைகள் இன்னும் நூறாண்டுகள் கடந்தும் அவரது புகழை இந்நாட்டில் பறைசாற்றிக் கொண்டே இருக்கும்.முத்தமிழின் முகவரியாக, நவீன தமிழகத்தின் சிற்பியாக ஒளி வீசும் நம் இதய தெய்வம் தலைவர்கலைஞர் அவர்களின் 8-ஆம் ஆண்டு நினைவேந்தல் நிகழ்வு 07.08.2026 (வெள்ளிக்கிழமை) இன்று தேனி வடக்கு மாவட்டத்தில் ஒன்றியம், நகரம், பேரூர், வார்டு, கிளைக் கழகங்கள் தோறும் அனைத்து இடங்களிலும் முத்தமிழ் அறிஞர் தலைவர் கலைஞர் அவர்களின் திருஉருவ படத்திற்கு மாலை அணிவித்து மலர் அஞ்சலி செய்து வீரவணக்கம் செய்திட வேண்டுமாய் கேட்டுக்கொள்கிறேன்.
இவ்வாறு அவர் அறிக்கையில் தெரிவித்துள்ளார்.