“எ ப்­போ­தும் எனக்கு அதிக விளம்­ப­ரம் தேடித் தரு­கி­ற­வர்­கள் எனது எதி­ரி­கள் தான்” என்­பார் தந்தை பெரி­யார். அப்­ப­டித் தான் நடந்து கொள்­கிறார் முத­ல­மைச்­சர் விஜய். எதிர்க்­கட்­சித் தலை­வர் உத­ய­நி­தியை கைது செய்து முடக்க நினைத்­த­தன் மூல­மாக ஒட்­டு­மொத்த திரா­விட முன்­னேற்­றக் கழ­கத் தொண்­டர்­க­ளும் எழுச்­சி­யும் மலர்ச்­சி­யும் கொண்ட வீரர்­க­ளாக எழுந்து நிற்­கி­றார்­கள். சமூக வலைத்­த­ளங்­க­ளில் கட்சி சார்­பற்­ற­வர்­க­ளும் உத­ய­நிதி மீதான நட­வ­டிக்­கை­யைக் கண்­டித்து கொந்­த­ளித்­துப் பேசி­வ­ரு­கி­றார்­கள். முத­ல­மைச்­சர் விஜய், தனக்­குத் தானே ‘சூனி­யம்’ வைத்­துக் கொண்­டார் என்­பதே நேற்­றைய நிகழ்­வு­கள்!

முத­ல­மைச்­ச­ராக விஜய் வந்­தது முதல் தமிழ்­நாடு அனைத்­துத் துறை­களிலும் அத­ல­பா­தா­ளத்­துக்­குச் ­சென்றுகொண்­டி­ருக்­கி­றது. பாலி­யல் வன்­கொ­டு­மை­கள் நடக்­காத நாள் இல்லை. எங்­கும் போதைப் பொருள் நட­மாட்­டம். கொலை, கொள்ளை, திருட்டு, அரி­வாள் வெட்டு, பெட்­ரோல் குண்டு வீச்­சு­கள் என சட்­டம் ஒழுங்கு சந்தி சிரிக்­கி­றது.பல்­வேறு குற்­றச் சம்­ப­வங்­களில் த.வெ.க. நிர்­வா­கி­களே கைதாகி வரு­கி­றார்­கள். அமைச்­சர்­களே பல்­வேறு சர்ச்­சை­க­ளில் சிக்கி வரு­கி­றார்­கள். இது எதை­யும் முத­ல­மைச்­சர் விஜய்­யால் தடுக்க முடி­ய­வில்லை.

தமிழ்­நாட்­டின் உரிமை சார்ந்த பிரச்­சி­னை­க­ளில் வாய்­மூ­டிக் கிடக்­கி­றார். காவி­ரிப் பிரச்­சி­னை­யில் தமிழ்­நாட்­டின் உரி­மையை மொத்­த­மாக தாரை வார்த்து விட்­டார். மாதம் தோறும் வழங்க வேண்­டிய நீரைக் கூட கர்­நா­ட­கம் தர மறுக்­கி­றது. அதைத் தட்­டிக் கேட்க யோக்­கி­யதை அற்ற முத­ல­மைச்­ச­ராக அவர் இருக்­கி­றார். மேக­தாது அணை­யைக் கட்­டித் தீரு­வோம் என்­ப­தில் கர்­நா­ட­கம் உறு­தி­யாக இருக்­கி­றது. அதைத் தடுக்க முடி­ய­வில்லை. இத்­த­கைய கையறு நிலை­யில் இருக்­கும் முத­ல­மைச்­சர் விஜய், தனது முகத்­திரை கிழிந்து விட்­டதை மறைக்க எதிர்க்­கட்­சித் தலை­வர் உத­ய­நி­தி­யைக் கைது செய்து பிரச்­சி­னை­யைத் திசை திருப்­பப் பார்த்­தார்.

திரா­விட முன்­னேற்­றக் கழ­கத் தொண்­டர்­க­ளின் வீறு­கொண்ட போராட்­டத்­தின் விளை­வாக, ‘நாங்க அவரை கைது செய்­யப் போவது இல்லை, பேசிட்டு விட்­டு­வி­டு­வோம்’ என்று மழுப்­பல் பதிலை நீதி­மன்­றத்­தில் சொன்­னது விஜய் அரசு. அப்­ப­டிச் சொல்­லும் சூழ்­நி­லையை உரு­வாக்கி வைத்­த­வர்­கள் திரா­விட முன்­னேற்­றக் கழ­கத்­தின் தீரர்­கள்.

‘உங்­க­ளைக் கைது செய்­தி­ருக்­கி­றோம்’ என்று சொல்­லி­விட்டு, ‘கைது செய்­யப் போவ­தில்லை’ என்று நீதி­மன்­றத்­தில் சொன்­ன­தைப் போல ஏமாற்­றுக் காரி­யம் இருக்க முடி­யுமா?

‘12 மணி வரைக்­கும் எந்த முடி­வும் எடுக்க வேண்­டாம்’ என்று சென்னை உயர்­நீ­தி­மன்­றம் சொன்ன பிற­கும், அதற்கு முன்­ன­தாக சென்­னை­யில் கைது செய்து தஞ்­சா­வூ­ருக்கு அழைத்­துச் சென்­றது ஏன்? முத­ல­மைச்­சர் விஜய் இதன் மூல­மாக என்ன சொல்ல விரும்­பு­கி­றார்? ‘நீதி­மன்­றத்தை மீறி­ய­வன் நான்’ என்று நினைக்­கி­றாரா? நீதி­மன்­றங்­கள் என்­றால் என்­ன­வென்­றா­வது அவ­ருக்­குத் தெரி­யுமா?

முத­ல­மைச்­சர் விஜய்க்கு திராணி இருந்­தால் எதிர்க்­கட்­சித் தலை­வர் உத­ய­நிதி தஞ்­சா­வூ­ரில் கேட்ட கேள்­விக்­குப் பதில் சொல்­லட்­டும்!

“எந்த மாதிரி அமைச்­சர்­கள் அமைந்­தி­ருக்­கி­றார்­கள்? திருட்டு லாட்­டரி விற்­கிற ஒரு அமைச்­சர், திருட்டு விசிடி விற்­கிற ஒரு அமைச்­சர், பிளாக்­கில் டிக்­கெட் விற்­கிற ஒரு அமைச்­சர், உருட்­டுக் கட்­டை­யு­டனே சுத்­திக் கொண்­டி­ருக்­கிற ஒரு அமைச்­சர், எல்­லா­வற்­றுக்­கும் மேலாக போதைப் பவு­டர் அமைச்­சர். இப்­படி மொத்த கேபி­னெட்­டுமே ஒரு ஜோக்­கர் கூட்­ட­மாக இன்­றைக்கு தமிழ்­நாட்­டில் அமைந்­தி­ருக்­கி­றது” என்று குற்­றம் சாட்டி இருக்­கி­றார் எதிர்க்­கட்­சித் தலை­வர் உத­ய­நிதி. இதற்­குப் பதில் சொல்­லத் திராணி இருக்­கி­றதா முத­ல­மைச்­சர் விஜய்க்கு?

சொந்­தக் கட்­சிக்­கா­ரரை, “அவ­னைத் தூக்கி வைத்து ஜட்­டி­யோட வைத்து அடித்தே கொன்­னு­டு­வேன்” என்று மிரட்­டு­கி­றார் சமூ­க­ந­லத் துறை அமைச்­சர் ஜெக­தீஸ்­வரி. ‘என்­னோட வீடியோ இருக்­குன்னு மிரட்­டு­கி­றார்­கள்’ என்று அவரே பேட்டி தரு­கி­றார். மிரட்­டு­வது யார்? அவ­ரது கட்­சிக்­கா­ரர்­கள் தானே? இவர்­கள் மீதெல்­லாம் நட­வ­டிக்கை உண்டா? விஜய் ரசி­கையை பாலி­யல் வன்­கொ­டு­மைக்கு ஆளாக்­கிய குற்­றச்­சாட்­டில் சிக்கி இருக்­கும் ஸ்ரீவை­குண்­டம் சர­வ­ணன்­மீது இன்­று­வரை நட­வ­டிக்கை இல்லை. அந்த ரசி­கையை கட்­சியை விட்டு நீக்­கி­விட்­டார்­கள். அரசு வழக்­க­றி­ஞர் நிய­ம­னத்­தில் பல லட்­சம் லஞ்­சம் என்று சொன்ன த.வெ.க. உறுப்­பி­னர் ஞான­செ­ளந்­த­ரி­யைக் கட்­சியை விட்டு நீக்­கி­விட்­டார்­கள். இவர் யாரைக் குற்­றம் சாட்­டி­னாரோ அவர்­கள்­மீது நட­வ­டிக்கை இல்லை. இத்­த­கைய துப்­புக் கெட்ட ஆட்­சிக்கு தூய ஆட்சி என்று பெயர்.

ஆனால் தஞ்­சா­வூ­ரில் ஆர்ப்­பாட்­டம் நடத்­திய அடுத்த நாளே எதிர்க்­கட்­சித் தலை­வ­ரைக் கைது செய்­கி­றார்­கள். அவர் ஆபா­ச­மா­கப் பேசி­விட்­டார் என்ற அவ­தூறை அவர்­களே கிளப்பி அசிங்­கப்­ப­டுத்த நினைத்­தார்­கள். அதில் அவர்­களே அசிங்­கப்­பட்டு நிற்­கி­றார்­கள். தனது தலை­யில் தானே மண் அள்­ளிப் போட்­டுக் கொண்­டார்­கள்.

ஆபா­ச­மா­க­வும் அசிங்­க­மா­க­வும் கெட்ட வார்த்­தை­க­ளைச் சர­ள­மாக பயன்­ப­டுத்­து­வ­தி­லும் கை தேர்ந்­த­வர் முத­ல­மைச்­சர் விஜய் தான். அவர் மீது எத்­தனை வழக்­கு­கள் போடு­வது?

முத­ல­மைச்­சர் விஜய்­யின் மனைவி சங்­கீதா மண­வி­லக்கு கேட்டு செங்­கல்­பட்டு நீதி­மன்­றத்­தில் வழக்­குத் தொடுத்­தார். சங்­கீ­தாவை அசிங்­கப்­ப­டுத்­தி­யது விஜய் ரசி­கர்­கள் தான். இவர்­கள் மீது எத்­தனை லட்­சம் வழக்­கு­கள் போடு­வது? தனது மனை­வி­மீது கொச்­சை­யான அவ­தூறு கிளப்­பி­ய­வர்­ க­ளைத் தடுக்க துப்பு இல்லை. உத­ய­நிதி மீது வழக்கு போடத் துடிப்­ப­தற்கு வெட்­க­மாக இல்­லையா?

கட்­டிய மனை­வியை ‘வொர்த் இல்லை’ என்று சொன்­ன­வ­ருக்கு ‘வொர்த்’ யார் என்­பதை ஊருக்­குக் காட்­டும் நாளாக ஆகஸ்ட் 4 அமைந்­து­விட்­டது.

•