சென்னை, ஆக.7–
தமிழினத்தின் விடிவெள்ளியாக, நவீன தமிழ்நாட்டின் சிற்பியாக வாழ்ந்து மறைந்த நமது ஆருயிர் தலைவர் முத்தமிழறிஞர் கலைஞர் அவர்களின் நினைவு நாளான ஆகஸ்ட் 7-ஆம் தேதி, திராவிட முன்னேற்றக் கழகத்தின் சார்பில் ஆண்டுதோறும் மாபெரும் அமைதிப் பேரணி நடைபெற்று வருவது அனைவரும் அறிந்ததே.
அதன்படி, இந்த ஆண்டும் வருகின்ற ஆகஸ்ட் 7 அன்று, சென்னை மெரினா கடற்கரையில் முத்தமிழறி ஞர் கலைஞர் அவர்களின் நினைவிடத்தை நோக்கி அமைதிப் பேரணி மிகச் சிறப்பாக நடைபெற உள்ளது. கழகத் தலைவர் அவர்களின் தலைமையில், கழக இளைஞரணி செயலாளர் தமிழ்நாடு சட்டப்பேரவை எதிர்க்கட்சித் தலைவர் அண்ணன் உதயநிதி ஸ்டாலின் அவர்களின் முன்னிலையில், நடைபெறும் இந்தப் பேரணியில், முத்தமிழறிஞரின் புகழுக்கு அஞ்சலி செலுத்தும் விதமாகக் கழகத் தொண்டர்கள் மற்றும் நிர்வாகிகள் அனைவரும் அணித்திரள வேண்டும்.
கழகத்தின் வளர்ச்சிக்கு உறுதுணையாகப் பணியாற்றி வரும் அயலக அணியின் பங்களிப்பு இந்தப் பேரணியில் மிகவும் இன்றியமையாததாகும். குறிப்பாக, கீழ்க்கண்ட மாவட்டங்களைச் சேர்ந்த அயலக அணி நிர்வாகிகள் இந்த அமைதிப் பேரணியில் எவ்விதத் தொய்வுமின்றி, முழுமையாகக் கலந்துகொள்ள வேண்டும் எனச் சிறப்புக் கவனத்துடன் அறிவுறுத்தப்படுகிறது:
சென்னை வடக்கு, சென்னை வடகிழக்கு,சென்னை கிழக்கு, சென்னைமேற்கு, சென்னை தென்மேற்கு, சென்னை தெற்கு, மேற்குறிப்பிட்ட மாவட்டங்களைச் சேர்ந்த, கீழ்க்கண்ட பொறுப்புகளில் உள்ள அயலக அணி நிர்வாகிகள் அனைவரும் இந்தப் பேரணியில் கட்டாயமாக கலந்துகொள்ள வேண்டும்:
அயலக அணியின் தலைவர்கள், துணைத் தலைவர்கள், மாவட்ட அமைப்பாளர்கள், மாவட்ட துணை அமைப்பாளர்கள், பகுதி அமைப்பாளர்கள், பகுதி துணை அமைப்பாளர்கள்,
முத்தமிழறிஞர் கலைஞர் அவர்கள் நம்மை விட்டுப் பிரிந்தாலும், அவர் ஊட்டிய உணர்வும், கொள்கை இலட்சியங்களும் நம் நெஞ்சில் என்றென்றும் நிலைத்திருக்கின்றன. அந்த உணர்வோடு, ஆகஸ்ட் 7 அன்று நடைபெறும் அமைதிப் பேரணியில் அயலக அணி நிர்வாகிகள் அனைவரும் அணிதிரண்டு வர வேண்டும் என கழக அயலக அணி துணைச் செயலாளர் – சென்னை மண்டல பொறுப்பாளர் பரிதிஇளம்சுருதி எம்.சி. கேட்டுக் கொண்டுள்ளார்.