#Title

இன்று (ஆகஸ்டு 7) – தலைவர் கலைஞரின் 8–வது நினைவு நாளில் அனைவரும் புகழஞ்சலி செலுத்துவோம்! நீலகிரி மாவட்ட கழகத்தினருக்கு மாவட்டப் பொறுப்பாளர் கே.எம்.ராஜூ எம்.எல்.ஏ. வேண்டுகோள்!

நீலகிரி, ஆக. 7–

உலக தமிழர்களின் ஒப்பற்ற தலைவர், இந்திய அரசியலில் மூத்த தலைவராக இருந்து பல்வேறு சூழ்நிலைகளில் பல குடியரசு தலைவர்கள் மற்றும் பிரதமர்களையும் உறுவாக்கி, இந்திய அரசியலில் சமூக நீதியை காப்பதில் முதன்மையாக திகழ்ந்து ஒடுக்கப்பட்ட மக்களின் உரிமைகளை பாதுகாத்தவர் தலைவர் கலைஞர் அவர்கள்.

திராவிட இயக்கத்தின் மூத்த தலைவராக திகழ்ந்து, இந்திய அளவில் அனைத்து மாநிலங்களிலும், முதன்மை மாநிலமாக தமிழகத்தை 2021–2026 வரை முதல்வராக இருந்து திகழவைத்த தளபதி மு.க.ஸ்டாலின் அவர்களை நமக்கு தந்தவர்.

திராவிட முன்னேற்ற கழகம் எனும் பேரியக்கத்தை கண்ட பேரறிஞர் அண்ணா வழியில் அயராது உழைத்து கழகத்தையும், கழக கொள்கைகளையும் கடைசி நொடி வரையிலும் பாதுகாத்து, தமிழ் மொழிக்காக, தமிழினத்திற்காக உழைத்த நம் நெஞ்சத்தை விட்டு அகலாத தலைவர் கலைஞர் அவர்களின் 8–வது நினைவுநாளில் புகழஞ்சலியை செலுத்திடுவோம்.

கழக தலைவர், தளபதி அவர்களின் வழிகாட்டுதல்படி, நீலகிரி மாவட்டத்தில் உள்ள அனைத்து பகுதிகளிலும் கலைஞர் அய்யா அவர்களின் திருவுருவ படங்களை அலங்கரித்து வைத்து மலர் அஞ்சலிசெலுத்திட வேண்டுகிறேன்.

அதன்படி, ஆகஸ்டு 7–ம் தேதி வௌ்ளிக்கிழமை காலை 11.30 மணியளவில், மாவட்ட கழக அலுவலக முகப்பில் உள்ள தலைவர் கலைஞர் அவர்களின் திருவுருவ சிலைக்கு மாவட்ட கழகத்தின் சார்பில் மாலை அணிவித்து மலரஞ்சலி செலுத்தும் நிகழ்ச்சி நடைபெற உள்ளது.

இதனை தொடர்ந்து மாவட்டத்திலுள்ள அனைத்து நகர – ஒன்றிய – பேரூர் – கிளை கழகங்களிலும் அய்யா தலைவர் கலைஞர் அவர்களின் திருவுருவப் படங்களை அலங்கரித்து வைத்து நம் இதய தலைவர் அவர்களுக்கு நம் மரியாதையை செலுத்திட வேண்டுவதோடு, நினைவஞ்சலி செலுத்தும் நிகழ்ச்சிகள் அனைத்தும் சிறப்புற நடைபெற தேவையான ஏற்பாடுகளை தொடர்புடைய நகர – ஒன்றிய – பேரூர் – கிளை கழக செயலாளர்கள் சிறப்புடன் செய்து உதவிட வேண்டுகிறேன். இவ்வாறு மாவட்ட கழக பொறுப்பாளர் கே.எம்.ராஜூ எம்.எல்.ஏ. கேட்டுக் கொண்டுள்ளார்.