தமிழ்நாடு அரசின் 2026–27 இடைக்கால பட்ஜெட்டில் ஹஜ் மானியத்தை ரூ.25,000–லிருந்து ரூ.35,000–ஆக உயர்த்தியிருப்பதாக அறிவித்து, இதை “முஸ்லிம்களுக்கான மாபெரும் சலுகை” என விஜய் அரசு கட்டமைத்து வருகிறது

உண்மை நிலை என்ன?

1. செலவு vs மானியம்: ஒரு முஸ்லிம் அரசு கோட்டா மூலம் ஹஜ் செல்ல ஆகும் செலவு சுமார் ரூ.4,00,000. தனியார் மூலம் ரூ.8,00,000 முதல் ரூ.9,00,000 வரை. இந்த நிலையில் ரூ.35,000 மானியம் என்பது மொத்த செலவில் 8% கூட இல்லை. இது தெளிவான கண்துடைப்பு.

2. யாருக்கு பயன்?: இந்த மானியம் தமிழ்நாடு அரசு ஹஜ் கமிட்டி மூலம் செல்லும் சில நூறு பேருக்கு மட்டுமே. தனியார் ஹஜ் நிறுவனங்கள் மூலம் செல்லும் 60%க்கும் மேற்பட்டோருக்கு இந்த மானியம் கிடைக்காது.

3. இது மானியமே இல்லை: மத்திய அரசு 2018–லேயே ஹஜ் மானியத்தை முழுமையாக ரத்து செய்துவிட்டது. இப்போது வழங்கப்படுவது விமான கட்டணத்தை உயர்திவிட்டு, அதிலிருந்துஒரு சிறு தொகையை திருப்பி தருவதே ஆகும்.

4. சமூகத்தின் கோரிக்கை இல்லை: ஹஜ் என்பது “இஸ்திதாஅத்” – பொருளாதார தகுதி உள்ளவர்களுக்கான இஸ்லாமிய கடமை. “எங்களுக்கு மானியம் தாருங்கள்” என்று முஸ்லிம் சமூகம் ஒருபோதும் கேட்டதில்லை. இந்த மானியத்தை நம்பி யாரும் ஹஜ் பயணம் மேற்கொள்வதில்லை.

எங்களது கேள்வி:

முழு பட்ஜெட்டிலும் முஸ்லிம் சமூகத்திற்கு ஹஜ் மானியம் தவிர வேறு என்ன சலுகை அறிவிக்கப்பட்டுள்ளது?

வேலைவாய்ப்பு, கல்வி உதவித்தொகை, வக்ஃப் சொத்து பாதுகாப்பு, சிறுபான்மை நலத்துறை நிதி – இவை எதிலும் குறிப்பிடத்தக்க அறிவிப்பு இல்லை.

ஆனால் ரூ.10,000 மட்டும் உயர்த்தி கொடுத்துவிட்டு “முஸ்லிம்களுக்கு மட்டும் சலுகை” என பாசிச சக்திகள் கதறவும், “நாங்கள் பெரிய சலுகை தந்தோம்” என அரசு விளம்பரம் செய்யவும் மட்டும் இந்த அறிவிப்பு பயன்படுகிறது.

எனவே நடிகர் விஜய் அரசு இந்த கண்துடைப்பு மானிய நாடகத்தை கைவிட்டுவிட்டு, முஸ்லிம் சமூகத்தின் உண்மையான பிரச்சினைகளான கல்வி, வேலைவாய்பு, வக்ஃப் பாதுகாப்பு ஆகியவற்றில் கவனம் செலுத்த வேண்டும் என கேட்டுக்கொள்கிறோம்.