கா லத்தின் பெயர்

வரலாற்று அதிசயம்

ஆயிரம் ஆண்டு அற்புதம்

தமிழ் விசை

தமிழர் திசை

காவேரி மைந்தன்

தெற்கிருப்பு

செம்மொழி நாயகர்

சமூக நீதி சரித்திரம்

ஓய்வுக்கு ஓய்வு கொடுத்த

உழைப்புச் சூரியன்

பன்முகத்திறமையில்

பத்துத் தலை ராவணன்

ஆசையுடன்

ஆணழகாய் பிறந்த

அன்னைத் தமிழ்

வள்ளுவத்தை

வானுயர்த்திய குறளோவியம்

பகைவர்க்கும் அருளிய

நன்நெஞ்சம்

மொழியின் கவசம்

இனத்தின் இரும்பொறை

பாட்டுடைத் தலைவர்

படைப்புலக மாமேதை

நவீன தமிழ்நாட்டின்

புத்துலக சிற்பி

அணைகள் கட்டி கட்டி

ஆரத் தழுவி

தமிழ் மண் அணைத்தவர்

உலக அறிவியல்

கைப்பற்றும் முன்னே

கணினி உலகை

பைந்தமிழ் நாட்டில்

கட்டி எழுப்பியவர்

உலகம் முழுவதும்

பேரப்பிள்ளைகள்

அறிவாட்சி செய்யவே

தொலைநோக்குப் பார்வையுடன்

பெருங்கதவம் செய்தவர்

பெரியார் அண்ணா

கொள்கை தத்துவங்களை

அரியணை ஏற்றியவர்

அத்தனையையும்

தமிழர் வாழ்வியலாக்கிய

திராவிட வேந்தர்

மார்பு முழுக்க

விழுப்புண்கள்

முதுகிலும் ஆயிரம் தழும்புகள்

அத்தனையும்

முதுகில் குத்திய

துரோக முகவரிகள்

மரணத்திற்குப் பிறகும்

போராடி வென்ற

மாபெரும் தலைவரை

காலம் உள்ளளவும்

தங்கத்தமிழ் கொண்டு

வங்கக்கடல் தாலாட்டும்

அவர் படைத்த

ஆயிரமாயிரம் சாதனைகள் அனைத்திலும் சிறப்பாய்

தமிழர்க்கு ஓர் தலைவர்

எங்கள் கண்ணான தளபதியை

பண்பாட்டுப் பகலவனை

பார் போற்றும் நல்லவரை

திராவிடத்து திரவியத்தை

தமிழருக்குத் தந்திட்ட

கருணை நதி பெருந்தகப்பன்

வரைபடத்தில்

தமிழ்நாடு

இனப்பகைவர்க்கு

என்றைக்கும்

கலைஞர் நாடு

இன்று

மறைந்த நாள் அல்ல

எங்கள் உயிரில்

ஒளியாய் நிறைந்த நாள்!