புதுக்கோட்டை.ஆக.7–
புதுக்கோட்டை வடக்கு மாவட்ட தி.மு.க. சார்பில் உதயநிதி ஸ்டாலின் கைதை கண்டித்துபுதுக்கோட்டை பிருந்தா வனத்தில் நடந்த ஆர்ப்பாட்டத்தில் வடக்கு மாவட்ட செயலாளர் கே.கே.செல்ல பாண்டியன் உள்ளிட்ட 200-க்கும் மேற்பட்ட திமுகவினர் கைதானார்கள் இந்த நிலையில் வடக்கு மாவட்ட செயலாளர் கே.கே.செல்லபாண்டியன் செய்தியாளர்களிடம் கூறியதாவது
தஞ்சையில் நடந்த ஆர்ப்பாட்டத்தில் திரிஷா பற்றி தொண்டர்கள் கூறிய தற்கான விளக்கத்தை மேடையிலே கூறிவிட்ட நிலையில் நாளை சட்டப்பேரவையில் காவிரி நீர் பிரச்சினைஎழுப்பப்படும் என்ற அச்சத்தில் உதயநிதியுடன் விவாதம் செய்ய அச்சப்பட்டு, திட்டமிட்டு உதயநிதியை காலையிலே கைது செய்து அவரை நகர விடாமலே அங்கிருந்து போலீஸ் வேனிலே தஞ்சாவூருக்கு அழைத்து வந்துள்ளனர். திட்டமிட்டே பொய் வழக்கு போட்டு ஒரு வரலாற்றுப் பிழையை விஜய் செய்துள்ளார்.
திமுக தலைவர் தளபதி நினைத்திருந்தால் தமிழகத்தில் விஜய் ஆட்சியை வரவிடாமலே தடுத்திருக்கலாம். திமுக தலைவர் பெருந்தன்மையால் தமிழக வெற்றி கழகம் ஆட்சி கட்டிலில் அமர்ந்துள்ளத காவிரி பிரச் சினையை திசை திருப்பவே இந்த கைது நாடகம் நடத்தியுள்ளார் விஜய். பாஜக தலைவர் நைனார் நாகேந்திரன் திரிஷாவை பற்றி வெளிப்படையாக விமர்சித்த போது கைது செய்ய தயங்கிய விஜய் அரசு கண்டு கொள்ளவில்லை தைரியம் இருந்திருந்தால் அப்போதே நைனார் நாகேந்திரனை கைது செய்திருக்கலாம் ஏன் செய்யவில்லை?
பா.ஜ.க.வின் தத்துப் பிள்ளையாக விஜய் செயல்படுகிறார் வீட்டில் வாய்க்கரிசி போட்டுக் கொண்டுதான் திமுகவில் இணைந்துள்ளோம். ஒரு போதும் மிரட்டல் உருட்டலுக்கு திமுக தொண்டர்கள் அஞ்ச மாட்டார்கள்.
இவ்வாறு வடக்கு மாவட்ட செயலாளர் கே.கே.செல்லப்பாண்டியன் கூறினார். பேட்டியின்போது முன்னாள் மாவட்டகவுன்சிலர் டி.செல்வம் குலவாய்ப்பட்டி சி.சண்முகம் அரங்கநாயகம் உள்ளிட்ட மாவட்ட, ஒன்றிய , மாநகர திமுக நிர்வாகிகள் உடன் இருந்தனர்.