கள்ளக்குறிச்சி, ஆக.7:
முத்தமிழ் அறிஞர் கலைஞர் அவர்களின் 8ஆம் ஆண்டு நினைவு நாளை முன்னிட்டு, கள்ளக்குறிச்சி தெற்கு மாவட்டத்தில் உள்ள ஒன்றிய, நகர, பகுதி, பேரூர், கிளை கழகங்களில் முத்தமிழறிஞர் கலைஞர் அவர்களின் திருவுருவப் படத்திற்கு மாலை அணிவித்து மரியாதை செலுத்த கள்ளக்குறிச்சி தெற்கு மாவட்ட கழக செயலாளர், ரிஷிவந்தியம் தொகுதி சட்டமன்ற உறுப்பினர் வசந்தம் க.கார்த்திகேயன் அவர்கள் அறிக்கையின் மூலமாக வேண்டு கோள் விடுத்துள்ளார்.
இதுகுறித்து அவரது அறிக்கை பின்வருமாறு:
உலகத் தமிழர்களின் ஒப்பற்ற தலைவர், இந்திய அரசியல் மூத்த தலைவராக இருந்த பல்வேறு சூழ்நிலைகளில் பல குடியரசு தலைவர்கள் மற்றும் பிரதமர்களை உருவாக்கி இந்திய அரசியலில் சமூக நீதியை காப்பதில் முதன்மையாக திகழ்ந்து, ஒடுக்கப்பட்ட மக்களின் உரிமைகளை பாதுகாத்தவர் தலைவர் கலைஞர் அவர்கள், திராவிட முன்னேற்றக் கழகம் என்னும் பேரியக்கத்தை கண்ட பேரறிஞர் அண்ணா வழியில் அயராது உழைத்து கழகத்தையும் கழக கொள்கைகளையும் கடைசி நொடி வரையில் பாதுகாத்து தமிழ் மொழிக்காக தமிழ் இனத்திற்காக உழைத்த நம் நெஞ்சத்தை விட்டு அகலாத தலைவர் முத்தமிழறிஞர் தலைவர் கலைஞர் அவர்களின் 8ஆம் ஆண்டு நினைவு தினமான இன்று 07.08.2026 வெள்ளிக்கிழமை, கள்ளக்குறிச்சி தெற்கு மாவட்டத்திற்கு உட்பட்ட ஒன்றிய, நகர, பேரூர், கிளை கழகங்கள் மற்றும் வார்டு கழகங்களில் முத்தமிழறிஞர் கலைஞர் அவர்களின் திருவுருவப் படத்திற்கு மாலை அணிவித்தும், கழக கொடியேற்றியும், புகழஞ்சலி செலுத்தி, ஏழை எளிய மக்களுக்கு அன்னதானம் மற்றும் நலத்திட்ட உதவிகள் வழங்கிட வேண்டுமென கேட்டுக்கொள்கிறேன்.
இந்நிகழ்ச்சிகளை அந்தந்த பகுதியிலுள்ள மாநில, மாவட்ட கழக நிர்வாகிகள், முன்னாள் இந்நாள் சட்டமன்ற, நாடாளுமன்ற உறுப்பினர்கள், ஒன்றிய செயலாளர்கள், நகர செயலாளர், பேரூர் செயலாளர்கள், சார்பு அணி அமைப்பாளர்கள், துணை அமைப்பாளர்கள், கிளை மற்றும் வார்டு கழக நிர்வாகிகள், கழக தோழர்கள், உள்ளாட்சி அமைப்புகளின் பிரதிநிதிகள் மற்றும் பொதுமக்கள் அனைவரும் சிறப்பாக ஏற்பாடு செய்து நடத்திட வேண்டுமென கேட்டு கொள்கிறேன், இவ்வாறு தெற்கு மாவட்ட கழக செயலாளர் வசந்தம் க.கார்த்திகேயன்
எம்.எல்.ஏ. அவரது அறிக்கையின் மூலமாக கழக நிர்வாகிகள் மற்றும் உடன் பிறப்புகளுக்கு வேண்டுகோள் விடுத்துள்ளார்.